ពីនេះ ពីនោះ
«ទំនៀម» និង«ទម្លាប់» បែងចែកន័យខុសគ្នាដូចម្តេចដែរ?
× បវេណី, ធម្មតា, សណ្តាប់ធ្នាប់, បែបបទ, រៀបរយ បញ្ជាក់ន័យថា ជា«ទំនៀម» សម្រាប់ប្រើក្នុងន័យ ការរៀបចំទុកដាក់ទៅតាមបែបបទត្រឹមត្រូវ។ ចំណែក «ទម្លាប់» បង្ហាញថា ជាទង្វើសកម្មភាពដែលតែងតែធ្លាប់បានធ្វើ។
ក្នុងវចនានុក្រមខ្មែរ បានបញ្ជាក់ពាក្យទាំងពីរនេះ តែបើប្រើជា «ទំនៀម» មិនភ្ជាប់ពាក្យទម្លាប់ នោះមានន័យថា ជាទង្វើដែលមានរបៀបរបប។ មនុស្សមានទំនៀមល្អ កើតចេញពីភាពយកចិត្តទុកដាក់ មិនខ្ជិលច្រអូស។
ហើយពាក្យ «ទម្លាប់» វិញ បង្ហាញថា ធ្វើឲ្យធ្នាប់ និងឲ្យថ្នឹក។ ទម្លាប់ខ្លួន, ទម្លាប់ចិត្ត, ទម្លាប់ដៃ, ទម្លាប់មាត់។ ទម្លាប់អានសៀវភៅ គឺបង្កើនចំណេះយល់ដឹងទូលំទូលាយ៕
© រក្សាសិទ្ធិដោយ thmeythmey.com