ពីនេះ ពីនោះ
«ទំពាំង» និង«ត្រពាំង»នៅតែប្រើច្របូកគ្នានៅឡើយ!
× ចំពោះពាក្យ «ទំពាំង និងត្រពាំង» ផ្តើមដោយការសរសេរខុសគ្នា ន័យក៏ផ្សេងគ្នាដែរ ប៉ុន្តែនៅតែមានអ្នកប្រើច្រឡំន័យគ្នាទៅវិញទៅមកមិនដាច់ស្រឡះទាល់តែសោះ។ ដោយស្មេរមួយចំនួនហៅថាទំពាំងជាត្រពាំង និងត្រពាំងជាទំពាំងទៅវិញ។
បើតាមវចនានុក្រមខ្មែរ ពាក្យថា «ទំពាំង» សំដៅលើ ពន្លកឫស្សី ឬបបុសជាដើម។ ក្នុងការរបបអាហាររស់នៅប្រចាំថ្ងៃ គេហៅថា ជាទំពាំង សម្រាប់ ស្ល ធ្វើជាម្ហូបអាហារ។
បើប្រៀបធៀប មនុស្សទៅនឹងទំពាំង គឺមានន័យថា ជាកូន ឬកូនសិស្សដែលទទួលកិច្ចការស្នងឪពុក ឬស្នងគ្រូ ដូចជាទំពាំងដែលដុះស្នងដើមឫស្សី។ កុមារជាទំពាំងស្នងឬស្សី ដែលជាអ្នកបន្តវេនដើម្បីថែរក្សាប្រទេសជាតិឲ្យរីកចម្រើន។
ចំណែកពាក្យ «ត្រពាំង» បញ្ជាក់ថា ជាថ្លុកធំដែលកើតពីមនុស្សជីក សម្រាប់ឲ្យដក់ទឹក ឬកើតចេញដោយកម្លាំងទឹកហូរច្រោះ។ ត្រពាំង ជាប្រភពទឹកដ៏សំខាន់សម្រាប់ជម្រកថនិកសត្វ រុក្ខជាតិ និងមច្ឆជាតិ គ្រប់ប្រភេទ ដែលរស់នៅពឹងផ្អែកលើទឹកក្នុងត្រពាំង៕
© រក្សាសិទ្ធិដោយ thmeythmey.com