អន្តរជាតិ
ត្រាំ ប្រាប់ឲ្យរុស្ស៊ីត្រៀមខ្លួនទទួលគ្រាប់មីស៊ីលឆ្លាតរបស់អាមេរិកដែលនឹងផ្លោងចូលស៊ីរី
×![]()
ប្រធានាធិបតីលោក ដូណាល់ ត្រាំ ព្រមានរុស្ស៊ីនៅថ្ងៃពុធទី ១១ ខែមេសាថា មីស៊ីលអាមេរិកនឹងហោះទៅរុស្ស៊ីដើម្បីឆ្លើយតបនឹងការវាយប្រហារដោយអាវុធគីមីនៅស៊ីរី។ សារព្រមានរបស់លោក ត្រាំ តាមប្រព័ន្ធទំនាក់ទំនងសង្គម Twitter នេះគឺដើម្បីឆ្លើយតបនឹងការប្រកាសរបស់រុស្ស៊ីថា ខ្លួននឹងបាញ់ទម្លាក់រាល់មីស៊ីលដែលចូលដីស៊ីរី។
ទំនាក់ទំនងរវាងអាមេរិក និងរុស្ស៊ីកាន់តែដុនដាបមែនទែនហើយ ដោយសារការប្រឈមមុខគ្នារឿងប្រើប្រាស់អាវុធគីមីនៅស៊ីរីកាលពីចុងសប្តាហ៍មុន។ នៅថ្ងៃពុធទី ១១ ខែមេសា លោក ត្រាំ ស្រាប់តែបង្ហោះសារមួយព្រមានរុស្ស៊ីចំៗ ថា មីស៊ីលអាមេរិកនឹងហោះទៅស៊ីរីនៅពេលខាងមុខ។
លោកបានបញ្ជាក់តាមគណនី Twitter ផ្លូវការរបស់ខ្លួនដូច្នេះ៖« រុស្ស៊ីសន្យាបាញ់ទម្លាក់មីស៊ីលទាំងអស់ដែលបាញ់ឆ្ពោះទៅរកស៊ីរី។ ត្រៀមខ្លួនទៅរុស្ស៊ី ព្រោះមីស៊ីលទាំងនោះនឹងហោះទៅហើយ មីស៊ីលល្អ ថ្មី ហើយឆ្លាតទៀត។ អ្នកឯងមិនគួរធ្វើជាដៃគូជាមួយសត្វតិរិច្ឆានដែលប្រើប្រាស់ឧស្ម័នពុលសម្លាប់ជនស៊ីវិលឡើយ»។
សារគំរាមធ្វើសង្គ្រាមរបស់លោក ត្រាំ ជាការឆ្លើយតបចំពោះសម្តីអគ្គរដ្ឋទូតរុស្ស៊ីប្រចាំប្រទេសលីបង់ ដែលអះអាងថា រុស្ស៊ីនឹងបាញ់ទម្លាក់រាល់មីស៊ីលទាំងអស់របស់អាមេរិកដែលបាញ់ចូលស៊ីរី រួមទាំងប្រភពដែលមីស៊ីលទាំងនោះបាញ់ចេញមកដែរ។
យ៉ាងណាក៏ដោយ គេមិនទាន់អាចដឹងថា យុទ្ធសាស្ត្រយោធាបែបនេះដែលលោក ត្រាំនឹងប្រើប្រាស់ប្រឆាំងរបបស៊ីរីឡើយ។ ប៉ុន្តែ អាមេរិកអាចនឹងបាញ់ផ្លោងមីស៊ីលចេញពីនាវារបស់ខ្លួននៅសមុទ្រមេឌីទែរ៉ាណេ ដូចកាលពីឆ្នាំមុនពេលដែលលោក ត្រាំ បញ្ជាឲ្យគេបាញ់មីស៊ីល ៥៩ គ្រាប់ស្រោចលើមូលដ្ឋានទ័ពអាកាសស៊ីរី។
ថ្ងៃពុធម្សិលមិញនេះដែរ រដ្ឋមន្ត្រីការពារជាតិអាមេរិកលោក ជេម ម៉ាធីស និងប្រធានភ្នាក់ងារស៊ីអាយអេលោក Mike Pompeo បានជួបពិភាក្សាគ្នាពីជម្រើសយោធាដែលអាមេរិកអាចប្រើប្រាស់បានក្នុងការឆ្លើយតបចំពោះបញ្ហាស៊ីរីនោះ។ ប៉ុន្តែគេមិនបានដឹងច្បាស់ទេថា ជម្រើសទាំងនោះមានអ្វីខ្លះឡើយ។
Embed
ខណៈដែលស្ថានការណ៍កាន់តែក្តៅ ហើយការប្រឈមមុខដាក់គ្នាកាន់តែខ្លាំងឡើយនោះក្រោយក្រុមប្រឹក្សាសន្តិសុខបរាជ័យក្នុងការជំរុញឲ្យមានការអនុវត្តវិធានការការទូតនោះ ប្រមុខអង្គការសហប្រជាជាតិលោក អាន់តូនីញ៉ូ ហ្គូតេរ៉េស បានអំពាវនាវឲ្យភាគីពាក់ព័ន្ធបញ្ឈប់ភាពតានតឹងនេះ។
ទីភ្នាក់ងារព័ត៌មាន AFP បានស្រង់សម្តីអគ្គលេខាធិការអង្គការសហប្រជាជាតិដូច្នេះ៖« ថ្ងៃនេះខ្ញុំបានពិភាក្សាជាមួយតំណាងសមាជិកអចិន្ត្រៃយ៍ក្រុមប្រឹក្សាសន្តិសុខទាំងប្រាំដើម្បីប្រាប់ពួកគេពីក្តីបារម្ភរបស់ខ្លួនពីគ្រោះថ្នាក់ដោយសារស្ថានភាពបច្ចុប្បន្ន។ ខ្ញុំក៏បានគូសបញ្ជាក់ពីភាពចាំបាច់ក្នុងការចៀសវាងឲ្យបាននូវការប្រឈមុខគ្នានិងធ្លាក់ក្នុងស្ថានការណ៍ដែលគ្រប់គ្រងលែងបាន»។
កាលពីថ្ងៃអង្គារ ក្រុមប្រឹក្សាសន្តិសុខបរាជ័យជាថ្មីក្នុងការដាក់ចេញចំណាត់ការក្នុងការស្វែងរកការពិតជុំវិញព័ត៌មានពាក់ព័ន្ធការប្រើប្រាស់អាវុធគីមីនេះ។ អាមេរិក និងរុស្ស៊ីជំទាស់ដំណោះស្រាយដែលពួកគេស្នើឡើងទៅវិញទៅមក ព្រោះដំណោះស្រាយនោះមានគោលដៅបង្កើតយន្តការស៊ើបអង្កេតអន្តរជាតិរៀងខ្លួនក្នុងបញ្ហាស៊ីរី។ ប៉ុន្តែទោះជាមានការបរាជ័យក៏ដោយ អង្គការហាមឃាត់អាវុធគីមី (OPCW) បានទទួលសំណើររបស់រដ្ឋាភិបាលស៊ីរីក្នុងការចូលទៅស្វែងរកការពិតនៅក្រុង Douma ដើម្បីពិនិត្យថា វាមានការប្រើប្រាស់អាវុធគីមី មែនឬអត់នោះ។
ដោយឡែក ទាហានរុស្ស៊ីបានប្រកាសនៅថ្ងៃពុធទី ១១ មេសា ផងដែរថា កងទ័ពស៊ីរីបានរំដោះភាគខាងកើតក្រុង Ghouta រួមទាំក្រុងឌូម៉ា រួចរាល់ហើយ ហើយតំបន់នេះនឹងស្ថិតក្រោមការយាមកាមពីសំណាក់យោធារុស្ស៊ីផងដែរ។ ក្រេមឡាំងនៅតែបដិសេធដាច់អហង្ការចំពោះរាល់ការចោទប្រកាន់ថា ស៊ីរីឈ្នះក្រុមឧទ្ទាមនិងរំដោះបានទឹកដីនេះដោយសារតែខ្លួនប្រើប្រាស់អាវុធគីមីនោះ។ មហាអំណាចនេះក៏បានចោទប្រកាន់ថា ក្រុមមួកស (White Helmet) ដែលអះអាងថា ខ្លួនជាអ្នកជួយសង្គ្រោះជនស៊ីវិលនៅតំបន់ក្រុមឧទ្ទាមកាន់កាប់នោះ ជាអ្នកដែលរៀបចំសម្តែងនិងថតពីការប្រើប្រាស់អាវុធគីមីដើម្បីដាក់បន្ទុកលើរដ្ឋាភិបាលថែមទៀតផង៕
ទំនាក់ទំនងរវាងអាមេរិក និងរុស្ស៊ីកាន់តែដុនដាបមែនទែនហើយ ដោយសារការប្រឈមមុខគ្នារឿងប្រើប្រាស់អាវុធគីមីនៅស៊ីរីកាលពីចុងសប្តាហ៍មុន។ នៅថ្ងៃពុធទី ១១ ខែមេសា លោក ត្រាំ ស្រាប់តែបង្ហោះសារមួយព្រមានរុស្ស៊ីចំៗ ថា មីស៊ីលអាមេរិកនឹងហោះទៅស៊ីរីនៅពេលខាងមុខ។
លោកបានបញ្ជាក់តាមគណនី Twitter ផ្លូវការរបស់ខ្លួនដូច្នេះ៖« រុស្ស៊ីសន្យាបាញ់ទម្លាក់មីស៊ីលទាំងអស់ដែលបាញ់ឆ្ពោះទៅរកស៊ីរី។ ត្រៀមខ្លួនទៅរុស្ស៊ី ព្រោះមីស៊ីលទាំងនោះនឹងហោះទៅហើយ មីស៊ីលល្អ ថ្មី ហើយឆ្លាតទៀត។ អ្នកឯងមិនគួរធ្វើជាដៃគូជាមួយសត្វតិរិច្ឆានដែលប្រើប្រាស់ឧស្ម័នពុលសម្លាប់ជនស៊ីវិលឡើយ»។
សារគំរាមធ្វើសង្គ្រាមរបស់លោក ត្រាំ ជាការឆ្លើយតបចំពោះសម្តីអគ្គរដ្ឋទូតរុស្ស៊ីប្រចាំប្រទេសលីបង់ ដែលអះអាងថា រុស្ស៊ីនឹងបាញ់ទម្លាក់រាល់មីស៊ីលទាំងអស់របស់អាមេរិកដែលបាញ់ចូលស៊ីរី រួមទាំងប្រភពដែលមីស៊ីលទាំងនោះបាញ់ចេញមកដែរ។
យ៉ាងណាក៏ដោយ គេមិនទាន់អាចដឹងថា យុទ្ធសាស្ត្រយោធាបែបនេះដែលលោក ត្រាំនឹងប្រើប្រាស់ប្រឆាំងរបបស៊ីរីឡើយ។ ប៉ុន្តែ អាមេរិកអាចនឹងបាញ់ផ្លោងមីស៊ីលចេញពីនាវារបស់ខ្លួននៅសមុទ្រមេឌីទែរ៉ាណេ ដូចកាលពីឆ្នាំមុនពេលដែលលោក ត្រាំ បញ្ជាឲ្យគេបាញ់មីស៊ីល ៥៩ គ្រាប់ស្រោចលើមូលដ្ឋានទ័ពអាកាសស៊ីរី។
ថ្ងៃពុធម្សិលមិញនេះដែរ រដ្ឋមន្ត្រីការពារជាតិអាមេរិកលោក ជេម ម៉ាធីស និងប្រធានភ្នាក់ងារស៊ីអាយអេលោក Mike Pompeo បានជួបពិភាក្សាគ្នាពីជម្រើសយោធាដែលអាមេរិកអាចប្រើប្រាស់បានក្នុងការឆ្លើយតបចំពោះបញ្ហាស៊ីរីនោះ។ ប៉ុន្តែគេមិនបានដឹងច្បាស់ទេថា ជម្រើសទាំងនោះមានអ្វីខ្លះឡើយ។
Embed
Russia vows to shoot down any and all missiles fired at Syria. Get ready Russia, because they will be coming, nice and new and “smart!” You shouldn’t be partners with a Gas Killing Animal who kills his people and enjoys it!
— Donald J. Trump (@realDonaldTrump) April 11, 2018
ខណៈដែលស្ថានការណ៍កាន់តែក្តៅ ហើយការប្រឈមមុខដាក់គ្នាកាន់តែខ្លាំងឡើយនោះក្រោយក្រុមប្រឹក្សាសន្តិសុខបរាជ័យក្នុងការជំរុញឲ្យមានការអនុវត្តវិធានការការទូតនោះ ប្រមុខអង្គការសហប្រជាជាតិលោក អាន់តូនីញ៉ូ ហ្គូតេរ៉េស បានអំពាវនាវឲ្យភាគីពាក់ព័ន្ធបញ្ឈប់ភាពតានតឹងនេះ។
ទីភ្នាក់ងារព័ត៌មាន AFP បានស្រង់សម្តីអគ្គលេខាធិការអង្គការសហប្រជាជាតិដូច្នេះ៖« ថ្ងៃនេះខ្ញុំបានពិភាក្សាជាមួយតំណាងសមាជិកអចិន្ត្រៃយ៍ក្រុមប្រឹក្សាសន្តិសុខទាំងប្រាំដើម្បីប្រាប់ពួកគេពីក្តីបារម្ភរបស់ខ្លួនពីគ្រោះថ្នាក់ដោយសារស្ថានភាពបច្ចុប្បន្ន។ ខ្ញុំក៏បានគូសបញ្ជាក់ពីភាពចាំបាច់ក្នុងការចៀសវាងឲ្យបាននូវការប្រឈមុខគ្នានិងធ្លាក់ក្នុងស្ថានការណ៍ដែលគ្រប់គ្រងលែងបាន»។
កាលពីថ្ងៃអង្គារ ក្រុមប្រឹក្សាសន្តិសុខបរាជ័យជាថ្មីក្នុងការដាក់ចេញចំណាត់ការក្នុងការស្វែងរកការពិតជុំវិញព័ត៌មានពាក់ព័ន្ធការប្រើប្រាស់អាវុធគីមីនេះ។ អាមេរិក និងរុស្ស៊ីជំទាស់ដំណោះស្រាយដែលពួកគេស្នើឡើងទៅវិញទៅមក ព្រោះដំណោះស្រាយនោះមានគោលដៅបង្កើតយន្តការស៊ើបអង្កេតអន្តរជាតិរៀងខ្លួនក្នុងបញ្ហាស៊ីរី។ ប៉ុន្តែទោះជាមានការបរាជ័យក៏ដោយ អង្គការហាមឃាត់អាវុធគីមី (OPCW) បានទទួលសំណើររបស់រដ្ឋាភិបាលស៊ីរីក្នុងការចូលទៅស្វែងរកការពិតនៅក្រុង Douma ដើម្បីពិនិត្យថា វាមានការប្រើប្រាស់អាវុធគីមី មែនឬអត់នោះ។
ដោយឡែក ទាហានរុស្ស៊ីបានប្រកាសនៅថ្ងៃពុធទី ១១ មេសា ផងដែរថា កងទ័ពស៊ីរីបានរំដោះភាគខាងកើតក្រុង Ghouta រួមទាំក្រុងឌូម៉ា រួចរាល់ហើយ ហើយតំបន់នេះនឹងស្ថិតក្រោមការយាមកាមពីសំណាក់យោធារុស្ស៊ីផងដែរ។ ក្រេមឡាំងនៅតែបដិសេធដាច់អហង្ការចំពោះរាល់ការចោទប្រកាន់ថា ស៊ីរីឈ្នះក្រុមឧទ្ទាមនិងរំដោះបានទឹកដីនេះដោយសារតែខ្លួនប្រើប្រាស់អាវុធគីមីនោះ។ មហាអំណាចនេះក៏បានចោទប្រកាន់ថា ក្រុមមួកស (White Helmet) ដែលអះអាងថា ខ្លួនជាអ្នកជួយសង្គ្រោះជនស៊ីវិលនៅតំបន់ក្រុមឧទ្ទាមកាន់កាប់នោះ ជាអ្នកដែលរៀបចំសម្តែងនិងថតពីការប្រើប្រាស់អាវុធគីមីដើម្បីដាក់បន្ទុកលើរដ្ឋាភិបាលថែមទៀតផង៕
Tag:
ដូណាល់ ត្រាំ
រុស្ស៊ី
ស៊ីរី
អាវុធគីមី
មីស៊ីល
© រក្សាសិទ្ធិដោយ thmeythmey.com
