World Cup៖ ម៉ិកស៊ិក ឆ្លងចូលវគ្គ១៦ក្រុមចុងក្រោយនាការបង្ហាញខ្លួន៦លើកជាប់ៗគ្នា

កីឡាអន្តរជាតិ

អន្តរជាតិ

World Cup៖ ម៉ិកស៊ិក ឆ្លងចូលវគ្គ១៦ក្រុមចុងក្រោយនាការបង្ហាញខ្លួន៦លើកជាប់ៗគ្នា

14, Apr 2018 , 8:30 am

រូបភាព

កីឡាករឆ្នើម Javier Hernandez។ រូបថត AFP

ដោយ: ទេព ពិទូរ្យ

ក្រុមកីឡាបាល់ទាត់ជម្រើសជាតិម៉ិកស៊ិកដែលបានកៅអីទៅរុស្ស៊ីសម្រាប់ការប្រកួតពានរង្វាន់ FIFA World Cup ឆ្នាំ២០១៨ ស្ថិតនៅពូល F ត្រូវប៉ះជាមួយម្ចាស់ជើងឯក៤សម័យអាល្លឺម៉ង់ ស៊ុយអែត និងកូរ៉េខាងត្បូង។ ក្រុមមកពីអាមេរិកកណ្តាលមួយនេះធ្លាប់បង្ហាញខ្លួន១៥លើករួចមកហើយ ចាប់តាំងពីចូលរួមលើកដំបូងឆ្នាំ ១៩៣០។

គ្រូបង្វឹក៖ លោក Juan Carlos Osorio (កូឡុំប៊ី)

លោក Osorio ធ្លាប់មានបទពិសោធន៍ដឹកនាំក្លិបជាច្រើន ជាពិសេសជោគជ័យខ្លាំងជាមួយ Atletico Nacional មុនពេលតែងតាំងជាគ្រូបង្វឹកម៉ិកស៊ិកនៅឆ្នាំ២០១៥។

គ្រូសញ្ជាតិកូឡុំប៊ី វ័យ៥៦ឆ្នាំ បានដឹកនាំម៉ិកស៊ិកឈរនៅកំពូលតារាងនៃវគ្គជម្រុះក្នុងតំបន់អាមេរិកកណ្តាលដើម្បីបានសំបុត្រទៅរុស្ស៊ីឆ្នាំ ២០១៨។

កីឡាករឆ្នើម៖ Javier Hernandez

ជាខ្សែប្រយុទ្ធដែលតែងតែរកគ្រាប់បាល់ឲ្យម៉ិកស៊ិកច្រើនជាងគេ Hernandez បានបង្ហាញខ្លួនក្នុង World Cup នៅអាហ្វ្រិកខាងត្បូងឆ្នាំ២០១០ និងប្រេស៊ីលឆ្នាំ២០១៤ ដោយអាចស៊ុតបាល់បញ្ចូលទី៣គ្រាប់ក្នុងព្រឹត្តិការណ៍ទាំងពីរនេះ។

អតីតសមាជិក Manchester United ដែលបច្ចុប្បន្នលេងឲ្យ West Ham វ័យ២៩ឆ្នាំរូបនេះ ក៏ធ្លាប់ឈ្នះពានរង្វាន់ FIFA Club World Cup ជាមួយក្រុម Real Madridin កាលពីឆ្នាំ២០១៤។

ប្រវត្តិក្នុង World Cup៖

នេះជាវត្តមានលើកទី ១៦ របស់ជម្រើសជាតិម៉ិកស៊ិក សម្រាប់ក្រុមមកពីតំបន់អាមេរិកកណ្តាលមួយនេះក្នុងព្រឹត្តិការណ៍កីឡាបាល់ទាត់ពិភពលោក បន្ទាប់ពីចូលរួមលើកដំបូងក្នុងឆ្នាំ១៩៣០ និងចុងក្រោយឆ្នាំ២០១៤។ លទ្ធផលល្អបំផុតដែលពួកគេទទួបានកន្លងមកគឺឈានដល់វគ្គ១/៤ផ្តាច់ព្រ័ត្រពីរដង់ក្នុងឆ្នាំ ១៩៧០ និង១៩៨៦។ ម៉ិកស៊ិក ឈរនៅចំណាត់ថ្នាក់ទី១៦ ពិភពលោកក្នុងតារាង FIFA Ranking។