អគ្គិភ័យ កើតឡើង១៤លើក បណ្តាលឲ្យឆេះផ្ទះ១២ខ្នង ក្នុងពិធីចូលឆ្នាំ

ជាតិ

សង្គមជាតិ

អគ្គិភ័យ កើតឡើង១៤លើក បណ្តាលឲ្យឆេះផ្ទះ១២ខ្នង ក្នុងពិធីចូលឆ្នាំ

18, Apr 2018 , 12:13 pm

រូបភាព

រូបពីនាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ នៃអគ្គស្នងការនគរបាលជាតិ

ដោយ: អ៊ូ សុខមាន (OU Sokmean)

អគ្គីភ័យ បានកើតឡើងចំនួន១៤លើក នៅទូទាំងប្រទេស ក្នុងរយៈពេល៣ថ្ងៃនៃពិធីចូលឆ្នាំថ្មីប្រពៃណីខ្មែរ គឺនៅថ្ងៃទី១៤ ១៥ និង១៦ ខែមេសា។ នេះបើតាមរបាយការណ៍ពីនាយកដ្ឋាននគរបាលបង្ការ ពន្លត់អគ្គីភ័យ និងសង្គ្រោះ នៃអគ្គស្នងការនគរបាលជាតិ។

របាយការណ៍ខាងលើ បានឲ្យដឹងថា អគ្គិភ័យទាំងនោះ កើតឡើងដោយមូលហេតុផ្សេងៗ ដូចជា ការឆ្លងចរន្តអគ្គិសនី ការអុចទៀន-ធូប និងការដុតផ្ទះដោយខ្លួនឯង ជាដើម។ ប្រភពដដែល បញ្ជាក់ថា អគ្គិភ័យទាំង១៤លើកនេះ បានបណ្តាលឲ្យឆេះផ្ទះ១២ខ្នង និងបាត់បង់ទ្រព្យសម្បត្តិ រួមទាំងប្រាក់ជាង៦ម៉ឺនដុល្លារ។

យ៉ាងណាក៏ដោយ គ្រោះអគ្គិភ័យ ដែលកើតឡើងក្នុងអំឡុងចូលឆ្នាំ មិនបានប៉ះពាល់ដល់អាយុជីវិតរបស់ប្រជាពលរដ្ឋនោះទេ៕