អន្តរជាតិ
អ្នកជំនាញ OPCW រង់ចាំភ្លើងខៀវពីក្រុមប្រឹក្សាសន្តិសុខ មុនចូលស៊ើបអង្កេតករណីប្រើអាវុធគីមីនៅស៊ីរី
ទីក្រង ឌូម៉ា (AFP)
×![]()
ក្រុមភ្នាក់ងារស៊ើបអង្កេតស្វែងរកការពិតរបស់អង្គការហាមឃាត់អាវុធគីមី( OPCW) រង់ចាំភ្លើងខៀវពីក្រុមប្រឹក្សាសន្តិសុខមុនចាប់ផ្តើមការងាររបស់ខ្លួននៅក្រុង ឌូម៉ា ដែលមានករណីវាយប្រហារដោយអាវុធគីមីនោះ។ ដោយសារការយឺតយូរនៃការស៊ើបអង្កេតនេះ លោកខាងលិចបានព្រមានថា ភស្តុតាងដែលបង្ហាញពីការប្រើប្រាស់អាវុធគីមីអាចត្រូវបានគេបំផ្លាញចោលអស់ផងក៏មិនដឹង។
បន្ទាប់ពីទៅដល់ស៊ីរី ក្រុមការងារស៊ើបអង្កេតរបស់អង្គការហាមឃាត់អាវុធគីមីមិនទាន់អាចចាប់ផ្តើមសកម្មភាពរបស់ខ្លួនឡើយ។ ពួកគេនៅបន្តរង់ចាំការផ្តល់ភ្លើងខៀវពីក្រុមប្រឹក្សាសន្តិសុខជាមួយសិន មុនចាប់ផ្តើមស៊ើបអង្កេតរឿងប្រើប្រាស់អាវុធគីមីនៅក្រុង ឌូម៉ា។
យោងតាមទីភ្នាក់ងារព័ត៌មាន AFP តំណាងស៊ីរីប្រចាំអង្គការសហប្រជាជាតិលោក Bashar Jaafari បានថ្លែងប្រាប់កិច្ចប្រជុំក្រុមប្រឹក្សាសន្តិសុខថា ក្រុមស្វែងរកការពិតនេះអាចនឹងចាប់ផ្តើមការងារនៅថ្ងៃពុធទី ១៨ មេសានេះ ក្រោយបានទទួលការអនុញ្ញាតពីក្រុមប្រឹក្សាសន្តិសុខហើយនោះ។
«ប្រសិនបើក្រុមប្រឹក្សាសន្តិសុខសម្រេចថា ស្ថានភាពនៅប្រសើរនៅក្រុងឌូម៉ា ក្រុមស្វែងរកការពិតនឹងចាប់ផ្តើមការងាររបស់ខ្លួនគេភ្លាមនៅថ្ងៃពុធ»។
តំណាងក្រុងដាម៉ាសបានបន្ថែមថា រដ្ឋាភិបាលស៊ីរីកំពុងប្រឹងប្រែងធ្វើគ្រប់បែបយ៉ាងដើម្បីសម្រួលដល់បេសកកម្មរបស់អ្នកជំនាញការមកពីអង្គការ OPCW។ ប៉ុន្តែវាអាស្រ័យលើអង្គការ OPCWនិងក្រុមប្រឹក្សាសន្តិសុខផ្ទាល់ថាតើគួរចូលទៅកាន់ក្រុងឌូម៉ា ឬក៏យ៉ាងណានោះដោយយោងតាមស្ថានភាពសន្តិសុខជាក់ស្តែង។
ការបញ្ជូនអ្នកជំនាញរបស់អង្គការ OPCW នេះធ្វើឡើងបន្ទាប់ពីមានការចោទប្រកាន់ពាក់ព័ន្ធនឹងការប្រើប្រាស់អាវុធគីមីនៅក្រុងឌូម៉ា កាលពីថ្ងៃ ៧ ខែមេសាកន្លងទៅដែលបានបណ្តាលឲ្យមនុស្សប្រហែឡ ៤០នាក់ស្លាប់នោះ។ ក្រុមអ្នកជំនាញនេះបានទៅដល់ស៊ីរីនៅថ្ងៃដែលអាមេរិកនិងសម្ព័ន្ធមិត្តបារាំង និងអង់គ្លេសសម្រេចបាញ់ផ្លោងមីស៊ីល ១០៣ គ្រាប់សំដៅលើទីតាំងសំខាន់ដែលគេជឿជាក់ថា ជាមជ្ឈមណ្ឌលស្រាវជ្រាវអាវុធគីមីរបស់រដ្ឋាភិបាលក្រុងដាម៉ាសផង។ ប៉ុន្តែពេលទៅដល់ភ្លាម ក្រុមការងារនេះមិនត្រូវបានគេអនុញ្ញាតឲ្យចូលទៅកាន់ក្រុងឌូម៉ាឡើយ។
ដោយសារបញ្ហានេះ រដ្ឋាភិបាលបារាំង និងអាមេរិកបានចោទជាសំណួរពាក់ព័ន្ធនឹងភស្តុតាងដែលស្ថិតនៅក្នុងក្រុងឌូម៉ា។ ក្រសួងការបរទេសបារាំងបានលើកឡើងថា វាមានភាគរយច្រើនណាស់ដែលភស្តុតាងស្តីពីការប្រើប្រាស់អាវុធគីមីនោះត្រូវបានស៊ីរី និងរុស្ស៊ីកម្ទេចចោលអស់។ ប៉ុន្តែរដ្ឋាភិបាលរុស្ស៊ីបានឆ្លើយតបវិញថា ការចោទប្រកាន់នេះជារឿងគួរឲ្យភ្ងាក់ផ្អើល ហើយខ្លួនគាំទ្រពេញទំហឹងចំពោះការស៊ើបអង្កេតរកការពិតនេះដែរ។
បន្ទាប់ពីទៅដល់ស៊ីរី ក្រុមការងារស៊ើបអង្កេតរបស់អង្គការហាមឃាត់អាវុធគីមីមិនទាន់អាចចាប់ផ្តើមសកម្មភាពរបស់ខ្លួនឡើយ។ ពួកគេនៅបន្តរង់ចាំការផ្តល់ភ្លើងខៀវពីក្រុមប្រឹក្សាសន្តិសុខជាមួយសិន មុនចាប់ផ្តើមស៊ើបអង្កេតរឿងប្រើប្រាស់អាវុធគីមីនៅក្រុង ឌូម៉ា។
យោងតាមទីភ្នាក់ងារព័ត៌មាន AFP តំណាងស៊ីរីប្រចាំអង្គការសហប្រជាជាតិលោក Bashar Jaafari បានថ្លែងប្រាប់កិច្ចប្រជុំក្រុមប្រឹក្សាសន្តិសុខថា ក្រុមស្វែងរកការពិតនេះអាចនឹងចាប់ផ្តើមការងារនៅថ្ងៃពុធទី ១៨ មេសានេះ ក្រោយបានទទួលការអនុញ្ញាតពីក្រុមប្រឹក្សាសន្តិសុខហើយនោះ។
«ប្រសិនបើក្រុមប្រឹក្សាសន្តិសុខសម្រេចថា ស្ថានភាពនៅប្រសើរនៅក្រុងឌូម៉ា ក្រុមស្វែងរកការពិតនឹងចាប់ផ្តើមការងាររបស់ខ្លួនគេភ្លាមនៅថ្ងៃពុធ»។
តំណាងក្រុងដាម៉ាសបានបន្ថែមថា រដ្ឋាភិបាលស៊ីរីកំពុងប្រឹងប្រែងធ្វើគ្រប់បែបយ៉ាងដើម្បីសម្រួលដល់បេសកកម្មរបស់អ្នកជំនាញការមកពីអង្គការ OPCW។ ប៉ុន្តែវាអាស្រ័យលើអង្គការ OPCWនិងក្រុមប្រឹក្សាសន្តិសុខផ្ទាល់ថាតើគួរចូលទៅកាន់ក្រុងឌូម៉ា ឬក៏យ៉ាងណានោះដោយយោងតាមស្ថានភាពសន្តិសុខជាក់ស្តែង។
ការបញ្ជូនអ្នកជំនាញរបស់អង្គការ OPCW នេះធ្វើឡើងបន្ទាប់ពីមានការចោទប្រកាន់ពាក់ព័ន្ធនឹងការប្រើប្រាស់អាវុធគីមីនៅក្រុងឌូម៉ា កាលពីថ្ងៃ ៧ ខែមេសាកន្លងទៅដែលបានបណ្តាលឲ្យមនុស្សប្រហែឡ ៤០នាក់ស្លាប់នោះ។ ក្រុមអ្នកជំនាញនេះបានទៅដល់ស៊ីរីនៅថ្ងៃដែលអាមេរិកនិងសម្ព័ន្ធមិត្តបារាំង និងអង់គ្លេសសម្រេចបាញ់ផ្លោងមីស៊ីល ១០៣ គ្រាប់សំដៅលើទីតាំងសំខាន់ដែលគេជឿជាក់ថា ជាមជ្ឈមណ្ឌលស្រាវជ្រាវអាវុធគីមីរបស់រដ្ឋាភិបាលក្រុងដាម៉ាសផង។ ប៉ុន្តែពេលទៅដល់ភ្លាម ក្រុមការងារនេះមិនត្រូវបានគេអនុញ្ញាតឲ្យចូលទៅកាន់ក្រុងឌូម៉ាឡើយ។
ដោយសារបញ្ហានេះ រដ្ឋាភិបាលបារាំង និងអាមេរិកបានចោទជាសំណួរពាក់ព័ន្ធនឹងភស្តុតាងដែលស្ថិតនៅក្នុងក្រុងឌូម៉ា។ ក្រសួងការបរទេសបារាំងបានលើកឡើងថា វាមានភាគរយច្រើនណាស់ដែលភស្តុតាងស្តីពីការប្រើប្រាស់អាវុធគីមីនោះត្រូវបានស៊ីរី និងរុស្ស៊ីកម្ទេចចោលអស់។ ប៉ុន្តែរដ្ឋាភិបាលរុស្ស៊ីបានឆ្លើយតបវិញថា ការចោទប្រកាន់នេះជារឿងគួរឲ្យភ្ងាក់ផ្អើល ហើយខ្លួនគាំទ្រពេញទំហឹងចំពោះការស៊ើបអង្កេតរកការពិតនេះដែរ។
Tag:
អាវុធគីមី
ស៊ីរី
OPCW
អាមេរិក
ឌូម៉ា
© រក្សាសិទ្ធិដោយ thmeythmey.com
