កីឡាអន្តរជាតិ
កំណត់ត្រា៖ EPL រកចំណូលបានជាង៦ពាន់លានដុល្លារនៅរដូវកាលមុន រូបភាពពី AFP
× Premier League ទទួលបានកំណត់ត្រាថ្មីដោយរកប្រាក់ចំណូលខ្ពស់បំផុតនៅរដូវកាល ២០១៦-២០១៧ ពោលគឺកើនឡើងលើសរដូវកាលមុនមួយទៀតរហូតដល់ ១ពាន់លានផោន (១,៤ ពាន់លានដុល្លារអាមេរិក)។ នេះបើយោងតាមទិន្នន័យដែលបានចេញផ្សាយដោយ Deloitte នៅថ្ងៃទី១៩ ខែមេសា ឆ្នាំ២០១៨ ហើយគេរំពឹងថាប្រាក់ចំណេញនឹងបន្តកើនថែមទៀត បើទោះជាធ្លាក់ចុះប្រាក់ចំណូលពីការផ្សព្វផ្សាយក្នុងស្រុកក៏ដោយ។
របាយការណ៍របស់ក្រុមហ៊ុន Deloitte នៅក្នុងប្រទេសអង់គ្លេស (ក្រុមហ៊ុនព្រឹក្សាពន្ធ និងហិរញ្ញវត្ថុ) បានចេញផ្សាយថា ប្រាក់ចំណូលរួមបញ្ចូលគ្នានៃក្លិបទាំង២០ក្នុងក្របខណ្ឌកំពូលអង់គ្លេសនៅរដូវកាលន ២០១៦-២០១៧ អាចរកបានដល់ទៅ ៤,៥ ពាន់លានផោន (៦,៣៣ពាន់លានដុល្លារ) ដែលកើនឡើងជិត ១ ពាន់លានផោន (១,៤ ពាន់លានដុល្លារអាមេរិក)។
Deloitte បានវាយតម្លៃទៀតថា ការចំណាយប្រាក់ឈ្នួលដល់កីឡាករក្នុងលីកបាល់ទាត់អង់គ្លេសច្រើនលើសពីលីកដទៃទៀតដែលកើនឡើងពី ៩% ស្មើនឹង ២,៥ ពាន់លានផោន (៣,៥២លានដុល្លារ)នោះបានក្លាយ ជាកំណត់ត្រាថ្មី ប៉ុន្តែគេក៏បានមើលឃើញថាកំណើនប្រាក់ចំណូលដល់ទៅ ២៥% នៃប្រាក់ចំណូលសរុបនោះក៏ជាការកើនឡើងខ្ពស់បំផុតផងដែរ។
ការវិភាគរបស់ Deloitte បង្ហាញថាក្លិបបាល់ទាត់នៃក្របខណ្ឌ Premier League អាចរកប្រាក់ចំណេញមុនពេលកាត់ពន្ធ ដល់ទៅ ៣ដងក្នុងរយៈពេល ៤ ឆ្នាំចុងក្រោយនេះ៕
Tag:
បាល់ទាត់
Premier League
ប្រាក់ចំណូលខ្ពស់បំផុត
© រក្សាសិទ្ធិដោយ thmeythmey.com