សមត្ថកិច្ច រកឃើញសារធាតុមីក្នុងផ្កាគូឆាយ

ជាតិ

សមត្ថកិច្ច រកឃើញសារធាតុមីក្នុងផ្កាគូឆាយ

26, Apr 2018 , 9:19 am

រូបភាព

ដោយ:

ភ្នំពេញ៖ មន្ត្រីជំនាញផ្នែកចំណីអាហារ បានរកឃើញសារធាតុគីមី នៅក្នុងផ្កាគូឆាយ ដែលធ្វើឲ្យប៉ះពាល់ដល់សុខភាព។ មន្ត្រីជំនាញប្រមូលយកផ្កាគូឆាយពីអាជីវករផ្សារអូឫស្សី ដែលមានសារធាតុគីមីនោះ ទៅបំផ្លាញចោល។ នេះបើតាមអគ្គស្នងការដ្ឋាននគរបាលជាតិ។

លោក គង់ វុទ្ធី អនុប្រធានសាខាកាំកុងត្រូលផែស្ងួតចុងទីភ្នំពេញ បាននិយាយថា សមត្ថកិច្ចបានចុះពិនិត្យ និងធ្វើតេស្តជាបឋម លើចំណីអាហារនិងបន្លែ ៦៤មុខ ដូចជា សរសៃមីលឿង ប្រហិតសាច់គោ មឹក បង្គារ ត្រីងៀត ត្រីហើម សាច់ក្រក លត គុយទាវ គ្រឿងសមុទ្រ បន្លែ-ផ្លែឈើគ្រប់មុខ បញ្ជូនមកមន្ទីរពិសោធន៍អគ្គនាយកដ្ឋានកាំកុងត្រូល ដើម្បីរកសារធាតុគីមីហាមឃាត់។

ក្រោយពីការពិនិត្យ និងធ្វើតេស្តយ៉ាងត្រឹមត្រូវ ក្រុមជំនាញរបស់លោក បានរកឃើញសារធាតុគីមី ដែលហាមឃាត់នៅក្នុងផ្កាគូឆាយ។ លោក គង់ វុទ្ធី បញ្ជាក់ថា «បន្ទាប់ពីរកឃើញសារធាតុគីមីក្រុមជំនាញរបស់លោក បានដកហូតពីអាជីករដែលលក់ផ្កាគួឆាយនោះភ្លាមៗ»។

អនុប្រធានសាខាកាំកុងត្រូលផែស្ងួតចុងទីភ្នំពេញ បានអំពាវនាវឲ្យក្រុមអាជីវករទាំងអស់ ត្រូវដាក់តាំងលក់ផលិតផល ទៅតាមលក្ខណៈបច្ចេកទេស ដោយចៀសវាងការដាក់លក់ផលិតផលផ្ទុកសារធាតុពុល និងម្ហូបអាហារគីមី។ ជាពិសេសការដាក់តាំងផលិតផលភេសជ្ជៈត្រូវកំដៅថ្ងៃ និងផលិតផលហួសកាលបរិច្ឆេទជាដើម៕