កីឡាអន្តរជាតិ
អន្តរជាតិ
សេដ្ឋីលំដាប់ទី២១៧ពិភពលោកចរចាទិញកីឡដ្ឋាន Wembley តម្លៃជាង ១ពាន់លានដុល្លារ
លោក Shahid Khan ឈរនៅកណ្តាល
×![]()
ដោយ: ទេព ពិទូរ្យ
សហព័ន្ធកីឡាបាល់ទាត់អង់គ្លេស (FA) កំពុងពិចារណាទទួលយកសំណើរទិញកីឡដ្ឋាន Wembley ពីសំណាក់មហាសេដ្ឋីពាន់លានលោក Shahid Khan ដើម្បីយកធ្វើជាទីលានប្រើប្រាស់សម្រាប់ការប្រកួតកីឡាបាល់អោប ក្នុងតម្លៃ ៩០០លានផោន ស្មើនឹង ១.២៤ពាន់លានដុល្លារ។ នេះបើតាមការចុះផ្សាយរបស់ទីភ្នាក់ងារព័ត៌មាន AFP។
អ្នកជំនួញសញ្ជាតិពីរ អាមេរិកនិងប៉ាគីស្ថាន ដែលជាម្ចាស់ក្លិប Fulham និងជាម្ចាស់ក្លិបបាល់អោប Jacksonville Jaguars នៃលីកកំពូល NFL របស់អាមេរិក គឺកំពុងនៅពីក្រោយការដេញថ្លៃជាង១ពាន់លានដុល្លារនេះដើម្បីទិញកីឡដ្ឋានជាតិរបស់អង់គ្លេស ហើយលោកសង្ឃឹមថានឹងបញ្ចប់ការទិញក្នុងរយៈពេល ៣ខែ។
យោងតាមកាសែត Evening Standard លោក Shahid Khan ដែលជាសេដ្ឋីលំដាប់ទី២១៧ពិភពលោក ដោយការចាត់ថ្នាក់ពីទស្សនាវដ្តី Forbes នៅឆ្នាំ២០១៨នេះ បានចុះហត្ថលេខាលើកិច្ចព្រមព្រៀងជាមួយប្រធាន FA លោក Martin Glenn ដើម្បីផ្ទេរ Wembley ជាកម្មសិទ្ធិទៅឲ្យជនបរទេសជាលើកដំបូង។
Wembley ដែលត្រូវបានប្រើប្រាស់សម្រាប់ការប្រកួតក្នុងដីរបស់ក្រុមជម្រើសជាតិអង់គ្លេស ចាប់ពីឆ្នាំ២០០៧ មក អាចផ្ទុកទស្សនិកជនបានចំនួន ៩០០០០នាក់ ក្រោយការកសាងអស់រយៈពេល៧ឆ្នាំ ជាមួយនឹងការចំណាយទឹកប្រាក់សរុបអស់៧៥៧លានផោន ស្មើនឹង ១ពាន់លាន ៥សែនដុល្លារ៕
អ្នកជំនួញសញ្ជាតិពីរ អាមេរិកនិងប៉ាគីស្ថាន ដែលជាម្ចាស់ក្លិប Fulham និងជាម្ចាស់ក្លិបបាល់អោប Jacksonville Jaguars នៃលីកកំពូល NFL របស់អាមេរិក គឺកំពុងនៅពីក្រោយការដេញថ្លៃជាង១ពាន់លានដុល្លារនេះដើម្បីទិញកីឡដ្ឋានជាតិរបស់អង់គ្លេស ហើយលោកសង្ឃឹមថានឹងបញ្ចប់ការទិញក្នុងរយៈពេល ៣ខែ។
យោងតាមកាសែត Evening Standard លោក Shahid Khan ដែលជាសេដ្ឋីលំដាប់ទី២១៧ពិភពលោក ដោយការចាត់ថ្នាក់ពីទស្សនាវដ្តី Forbes នៅឆ្នាំ២០១៨នេះ បានចុះហត្ថលេខាលើកិច្ចព្រមព្រៀងជាមួយប្រធាន FA លោក Martin Glenn ដើម្បីផ្ទេរ Wembley ជាកម្មសិទ្ធិទៅឲ្យជនបរទេសជាលើកដំបូង។
Wembley ដែលត្រូវបានប្រើប្រាស់សម្រាប់ការប្រកួតក្នុងដីរបស់ក្រុមជម្រើសជាតិអង់គ្លេស ចាប់ពីឆ្នាំ២០០៧ មក អាចផ្ទុកទស្សនិកជនបានចំនួន ៩០០០០នាក់ ក្រោយការកសាងអស់រយៈពេល៧ឆ្នាំ ជាមួយនឹងការចំណាយទឹកប្រាក់សរុបអស់៧៥៧លានផោន ស្មើនឹង ១ពាន់លាន ៥សែនដុល្លារ៕
Tag:
Shahid Khan
Wembley
© រក្សាសិទ្ធិដោយ thmeythmey.com
