ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សិល្បះ
សិល្បៈចម្រុះបុរាណ និងសម័យ ក្នុងកម្មវិធីមួយសតវត្សរ៍បូកមួយ បង្ហាញពីវប្បធម៌ខ្មែរ
04, May 2018 ,
8:59 am
រូបភាព
×
ដោយ:
ប៉ូ សាគុន
កម្មវិធីមួយសតវត្សរ៍បូកមួយ រៀបចំឡើងដោយសិស្ស នៃសាកលវិទ្យាល័យភូមិន្ទវិចិត្រសិល្បៈ ឬសាលារចនា។ កម្មវិធីនេះ ប្រព្រឹត្តទៅពីថ្ងៃទី៣ ដល់ទី៥ ខែឧសភានេះ ដោយនឹងបង្ហាញនៅទម្រង់សិល្បៈជាច្រើន មានទាំងបុរាណ និងសម័យ ដែលឆ្លុះបញ្ចាំងពីសិល្បៈវប្បធម៌ខ្មែរ។
កញ្ញា ក្រួច ច័ន្ទវត្តីស្រីវលក្ខណ៏ ប្រធានគណៈកម្មការនិស្សិតនៅសាកលវិទ្យាល័យភូមិន្ទវិចិត្រសិល្បៈ បានឱ្យដឹងថាកម្មវិធីរយៈពេល៣ថ្ងៃនេះ បង្ហាញពីទម្រង់សិល្បៈវប្បធម៌ខ្មែរ។ កញ្ញាថា ពេលល្ងាចមានសម្ដែងសិល្បៈចម្រុះច្រើនដូចជាថ្ងៃដំបូង សម្ដែងចាប៉ីដងវែង ដើរម៉ូដសម័យលង្វែក ប្រគំភ្លេងមហោរី រាត្រីត្រជាក់ (បទចម្រៀងព្រះរាជនិពន្ធរបស់សម្ដេចតា) អាយ៉ៃឆ្លើយឆ្លង។ រីឯថ្ងៃបន្ទាប់មានសម្ដែងចាប៉ីដងវែង របាំក្រមា របាំក្ងោក ចម្រៀងនិពន្ធខ្លួនឯង (Original song) របស់មហាវិទ្យាល័យតូរ្យតន្ត្រី របាំក្ងោកប៉ៃលិន យ៉ីកេ ល្ខោននិយាយ របាំសហសម័យក្ងោក ការដើរម៉ូដច្នៃពីផ្ទាំងគំនូរ។
ចំណែកឯនៅ ថ្ងៃបញ្ចប់នឹងមានការប្រគំភ្លេងមហោរី ចាប៉ីដងវែង របាំបួងសួង ល្ខោនខោល ក្បាច់គុនល្បុក្កតោ របាំឆ្មា ការដើរម៉ូដពីរបស់កែច្នៃ និងចម្រៀងOriginal Song ជាដើម។ កញ្ញា ច័ន្ទវត្តីស្រីវលក្ខណ៏ បញ្ជាក់បន្ថែមថា៖«កម្មវិធីយើង ធ្វើគឺបង្ហាញពីសិល្បៈ និងវប្បធម៌ខ្មែរ យើងចង់ផ្សព្វផ្សាយឱ្យបានច្រើន។ ភាគច្រើនយើងបង្ហាញទម្រង់សិល្បៈចម្រុះនេះ នៅពេលល្ងាច។ យើងចង់ឱ្យអ្នកទស្សនាមកមើលឱ្យបានច្រើន ជាពិសេសយើងមានរបាំឆ្មា ដែលយើងទើបបង្កើតថ្មី វាមិនសូវបានយកទៅសម្ដែងច្រើននោះទេ»។
ក្រៅពីការសម្ដែងសិល្បៈចម្រុះ ដែលកម្មវិធីមួយសតវត្សរ៍បូកមួយ បានរៀបចំអ្នកទស្សនាអាចចូលទៅមើលស្នាដៃរបស់មហាវិទ្យាល័យទាំង៥ បូកនឹងឆ្នាំមូលដ្ឋាន ដែលដាក់តាំងបង្ហាញនៅតាមបន្ទប់ផ្សេងៗបានផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
សិល្បៈ
សាលាវិចិត្រសិល្បៈ
តាំងពិព័រណ៍
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 ថ្ងៃ
អត្ថបទពេញនិយមបន្ថែម