Arsenal នឹងតែងតាំងអ្នកស្នងតំណែង Wenger ឲ្យបានមុន World Cup

កីឡាអន្តរជាតិ

អន្តរជាតិ

Arsenal នឹងតែងតាំងអ្នកស្នងតំណែង Wenger ឲ្យបានមុន World Cup

08, May 2018 , 9:39 pm

រូបភាព

ដោយ: ទេព ពិទូរ្យ

Arsenal មានទំនុកចិត្តក្នុងការរកអ្នកស្នងតំណែងលោក Arsene Wenger ឲ្យបានមុនពេលការប្រកួតបាល់ទាត់ពិភពលោក FIFA World Cup ចាប់ផ្តើមនៅពាក់កណ្តាលខែមិថុនាខាងមុខនេះ។

អ្នកចាត់ការសញ្ជាតិបារាំង Wenger នៅសល់ កាតព្វកិច្ចដឹកនាំក្រុមកាំភ្លើងធំតែពីរប្រកួតទៀតប៉ុណ្ណោះ បន្ទាប់មកលោកនឹងត្រូវចាកចេញពី ទីកន្លែងដែលធ្លាប់គ្រប់គ្រងរយៈពេល២២ឆ្នាំ នៅចុងបញ្ចប់រដូវកាលនេះ។

BBC បានផ្សាយដូច្នេះថា Arsenal មិនមានកាលបរិច្ឆេទជាក់លាក់ណាមួយសម្រាប់ដំណើរការជ្រើសរើសគ្រូថ្មីនោះទេប៉ុន្តែ ពួកគេរំពឹងថានឹងប្រកាសពីសមាសភាពអ្នកដែលត្រូវជំនួសតំណែងអ្នកចាត់ការវ័យ៧៦ឆ្នាំឲ្យបានមុនពេលការប្រកួតពានរង្វាន់កីឡាបាល់ទាត់ពិភពលោកលោកទី២២នៅរុស្ស៊ីនាថ្ងៃទី១៤ ខែមិថុនា ឆ្នាំ២០១៨។

សមាសភាពអ្នកដឹកនាំថ្មីដែលសារព័ត៌មានល្បីៗបានលើកឡើង រួមមានលោក Luis Enrique អតីតអ្នកចាត់ការ Barcelona ដែលត្រូវបានគេមើលឃើញថាកំពុងនាំមុខគេក្នុងការជំនួសកៅអីលោក Wenger។ លោក Joachim Low គ្រូជម្រើសជាតិអាល្លឺម៉ង់បច្ចុប្បន្ន, Carlo Ancelotti ដែលបច្ចុប្បន្ននៅទំនេរពីការងារ, Massimiliano Allegri គ្រូបង្វឹក Juventus, Mikel Arteta ជំនួយការលោក Pep Guardiola នៅ Man City, Leonardo Jardim គ្រូបង្វឹកក្លិប Monaco និង Patrick Vieira គ្រូបង្វឹកក្លិប New York City ជាដើមនោះ ក៏ស្ថិតក្នុងបញ្ជីដែរ៕

អត្ថបទទាក់ទង

Mourinho ថាជំនួយការខ្លួន មានលក្ខណៈសម្បត្តិគ្រប់គ្រាន់ដើម្បីជំនួសកៅអី Wenger

អ្នកជំនួស Wenger អាចបានកញ្ចប់លុយជាង ៦០លានដុល្លារប៉ុណ្ណោះ ដើម្បីទិញដូរកីឡាករ