ជាតិ
សេដ្ឋកិច្ច
សហគ្រាសធុន MSMEs នៅកម្ពុជាមានជាង ៥០ម៉ឺន តែចុះបញ្ជីបានជាង២ម៉ឺន រូបពីក្រសួងឧស្សាហកម្ម និងសិប្បកម្ម
× ភ្នំពេញ៖ លោក ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម លើកឡើងថា ក្រសួងកំពុងជំរុញកិច្ចការចុះបញ្ជីសហគ្រាសធុនតូចបំផុត តូច និងមធ្យម (MSMEs) នៅកម្ពុជា ព្រោះថានៅពេលសហគ្រាសអស់នោះដំណើរការក្នុងប្រព័ន្ធ ឬក្របខណ្ឌច្បាប់ ទើបអាចជួយគាំទ្រផ្នែកផ្សេងៗដល់សហគ្រាសទាំងនោះបាន។ លោក ចម ប្រសិទ្ធ បានថ្លែងបែបនេះប្រាប់អ្នកកាសែតក្នុងវេទិកាស្ដីពីការធ្វើអាជីវកម្មថ្មីរបស់ MSMEs ដោយផ្អែកលើប្រព័ន្ធបច្ចេកវិទ្យា នៅថ្ងៃទី៧ខែឧសភា។
សូមស្ដាប់ប្រសាសន៍ លោក ចម ប្រសិទ្ធ ខាងក្រោមនេះ៖
បើតាមលោក ចម ប្រសិទ្ធ សហគ្រាសខ្នាត MSME ទាំងអស់នៅកម្ពុជាមានចំនួនជាង៥០ម៉ឺន ហើយក្នុងចំណោមនោះសហគ្រាសជាង ២ម៉ឺនបានចុះបញ្ជីនៅក្រសួងឧស្សាហកម្ម និងសិប្បកម្ម។ លោកបន្ថែមថា សហគ្រាសធុនតូចបំផុត នាពេលកន្លងមក ត្រូវបានលើកលែងក្នុងការចុះបញ្ជី តែមកដល់សព្វថ្ងៃក្រសួងកំពុងរកវិធីឲ្យសហគ្រាសប្រភេទនោះចុះបញ្ជី ដើម្បីជួយអភិវឌ្ឍន៍សហគ្រាសទាំងនោះ។ ហើយរដ្ឋាភិបាលនឹងយកកម្រៃចុះបញ្ជីតិចតួចបំផុត។
បើតាមការប្រកាសរបស់អគ្គនាយកដ្ឋានពន្ធដារ ក្នុងពេលកន្លងមក សហគ្រាសធុនតូច និងមធ្យម (SME) ដែលចុះបញ្ជីពន្ធដារដោយស្ម័គ្រចិត្តក្នុងអំឡុងឆ្នាំ២០១៧ និងឆ្នាំ២០១៨ ត្រូវបានលើកលែងពន្ធលើប្រាក់ចំណូលចំនួន២ឆ្នាំ៕
© រក្សាសិទ្ធិដោយ thmeythmey.com