ជាតិ
អាជ្ញាធរអប្សរាគ្រោងចុះអនុស្សរណៈជាមួយចិន លើការចងសម្ព័ន្ធភាពតំបន់អង្គរ និងខេត្តសានស៊ី
រូបភាព៖ អាជ្ញាធរជាតិអប្សរា
×![]()
សៀមរាប៖ អាជ្ញាធរជាតិអប្សរា និងចិន គ្រោងចុះអនុស្សរណៈស្ដីពីការចងសម្ព័ន្ធភាព រវាងរមណីយដ្ឋានអង្គរ ជាមួយខេត្តសានស៊ី។ គម្រោងនេះត្រូវបានលើកឡើងបន្ទាប់ពីមានជំនួបមួយរវាងថ្នាក់ដឹកនាំអាជ្ញាធរជាតិអប្សរា និងប្រតិភូខេត្ត សានស៊ី។
ប្រតិភូក្រុង ដាតុង (Datong) នាខេត្ត សានស៊ី នៃសាធារណរដ្ឋប្រជាមានិតចិន ដឹកនាំដោយលោក Feng Sujing ដែលជាអភិបាលក្រុង បានបង្ហាញពីឆន្ទៈចង់ចងសម្ព័ន្ធមេត្រីភាពរវាងតំបន់អង្គរ និងខេត្ត សានស៊ី។ លោកអភិបាលបន្ថែមថា ខេត្ត ដាតុង មានសម្បត្តិបេតិកភណ្ឌ ដែលរួមមានប្រាសាទ អ៊ីងកាង ដែលជាប្រាសាទពុទ្ធសាសនាធំជាងគេលើពិភពលោក កសាងឡើងនៅសតវត្សរ៍ទី៤។ លោកបន្ថែមថា ខេត្ត ដាតុង និងក្រុងសៀមរាប បានចុះហត្ថលេខាចងសម្ព័ន្ធមេត្រីរួចហើយ ហើយលោកក៏មានបំណងដូចគ្នាជាមួយរមណីយដ្ឋានអង្គរផងដែរ ដើម្បីជំរុញ និងពង្រឹងកិច្ចសហប្រតិបត្តិការបន្ថែមលើវិស័យទេសចរណ៍ ការជួសជុល និងការអភិរក្សប្រាសាទ។ នេះបើយោងតាមខ្លឹមសារ ការចុះផ្សាយរបស់អាជ្ញាធរជាតិអប្សរា ដែលចេញផ្សាយនៅថ្ងៃទី៨ ឧសភា។
ឆ្លើយតបទៅនឹងបំណងរបស់ភាគីចិន លោក ហង់ ពៅ អគ្គនាយករងអាជ្ញាធរជាតិអប្សរា ដែលបានដឹកនាំកិច្ចប្រជុំនៅថ្ងៃទី៧ ឧសភា នៅស្នាក់ការអាជ្ញាធរជាតិអប្សរា បានសម្ដែងអារម្មណ៍រីករាយចំពោះគោលបំណងចងសម្ព័ន្ធមេត្រីភាពរបស់ទីក្រុង ដាតុង។ លោកបន្ថែមថា បំណងនៃកិច្ចសហប្រតិបត្តិការនេះ គឺរួមចំណែកអភិរក្សប្រាសាទ ការអភិវឌ្ឍវិស័យទេសចរណ៍ និងការគ្រប់គ្រងបេតិកភណ្ឌពិភពលោកឱ្យកាន់តែប្រសើរ៕
ប្រតិភូក្រុង ដាតុង (Datong) នាខេត្ត សានស៊ី នៃសាធារណរដ្ឋប្រជាមានិតចិន ដឹកនាំដោយលោក Feng Sujing ដែលជាអភិបាលក្រុង បានបង្ហាញពីឆន្ទៈចង់ចងសម្ព័ន្ធមេត្រីភាពរវាងតំបន់អង្គរ និងខេត្ត សានស៊ី។ លោកអភិបាលបន្ថែមថា ខេត្ត ដាតុង មានសម្បត្តិបេតិកភណ្ឌ ដែលរួមមានប្រាសាទ អ៊ីងកាង ដែលជាប្រាសាទពុទ្ធសាសនាធំជាងគេលើពិភពលោក កសាងឡើងនៅសតវត្សរ៍ទី៤។ លោកបន្ថែមថា ខេត្ត ដាតុង និងក្រុងសៀមរាប បានចុះហត្ថលេខាចងសម្ព័ន្ធមេត្រីរួចហើយ ហើយលោកក៏មានបំណងដូចគ្នាជាមួយរមណីយដ្ឋានអង្គរផងដែរ ដើម្បីជំរុញ និងពង្រឹងកិច្ចសហប្រតិបត្តិការបន្ថែមលើវិស័យទេសចរណ៍ ការជួសជុល និងការអភិរក្សប្រាសាទ។ នេះបើយោងតាមខ្លឹមសារ ការចុះផ្សាយរបស់អាជ្ញាធរជាតិអប្សរា ដែលចេញផ្សាយនៅថ្ងៃទី៨ ឧសភា។
ឆ្លើយតបទៅនឹងបំណងរបស់ភាគីចិន លោក ហង់ ពៅ អគ្គនាយករងអាជ្ញាធរជាតិអប្សរា ដែលបានដឹកនាំកិច្ចប្រជុំនៅថ្ងៃទី៧ ឧសភា នៅស្នាក់ការអាជ្ញាធរជាតិអប្សរា បានសម្ដែងអារម្មណ៍រីករាយចំពោះគោលបំណងចងសម្ព័ន្ធមេត្រីភាពរបស់ទីក្រុង ដាតុង។ លោកបន្ថែមថា បំណងនៃកិច្ចសហប្រតិបត្តិការនេះ គឺរួមចំណែកអភិរក្សប្រាសាទ ការអភិវឌ្ឍវិស័យទេសចរណ៍ និងការគ្រប់គ្រងបេតិកភណ្ឌពិភពលោកឱ្យកាន់តែប្រសើរ៕
© រក្សាសិទ្ធិដោយ thmeythmey.com
