បើញ័រដើមទ្រូង ហើយបែកញើសជោគខ្លួន ត្រូវទៅពេទ្យជំនាញបេះដូងជាបន្ទាន់

ជាតិ

បទសម្ភាសន៍

វីដេអូ

សុខភាព

បើញ័រដើមទ្រូង ហើយបែកញើសជោគខ្លួន ត្រូវទៅពេទ្យជំនាញបេះដូងជាបន្ទាន់

10, May 2018 , 2:38 pm

រូបភាព

ដោយ:

ប្រសិនបើលោកអ្នក មានអាការ ញ័រដើមទ្រូង បែកញើសជោគខ្លួន ហើយជីពចរចុះខ្សោយ ត្រូវប្រញាប់ ទៅកាន់មន្ទីរពេទ្យជំនាញបេះដូងឲ្យបានលឿនបំផុត តាមដែលអាចធ្វើទៅបាន ព្រោះនេះជាសញ្ញាគ្រោះថ្នាក់ដល់ជីវិត។ បញ្ហានេះអាចកើតឡើង ទៅលើអ្នកមានបញ្ហាចង្វាក់បេះដូង បូករួមមានជំងឺប្រចាំកាយ ដូចជាលើសឈាម ទឹកនោមផ្អែម ឬស្ទះសរសៃឈាមបេះដូង។

ប្រសិនជួបប្រទះអ្នកដែលមានបញ្ហាញ័រដើមទ្រូង បែកញើសជោគខ្លួន ជីពចរចុះខ្សោយ ឬចុកទ្រូងខ្លាំងរហូតស្រែកថាអូយ ហើយស្ងាត់មាត់នោះ វិធីតែម្យ៉ាង ដែលអាចជួយគេបាន គឺបញ្ជូនទៅកាន់ពេទ្យជំនាញផ្នែកបេះដូង ដែលនៅជិតបំផុត ព្រោះករណីនេះ អាចធ្វើឲ្យអ្នកជំងឺស្លាប់ភ្លាមៗបាន។

តាមការបញ្ជាក់ពីលោកសាស្ត្រាចារ្យមហាបរិញ្ញា សារ៉ាក់ ផល្លី វេជ្ជបណ្ឌិតប្រចាំនៅគ្លីនិកវឌ្ឍនៈវិជ្ជា អ្នកជំងឺប្រភេទនេះ បើទោះជាអាចជួយសង្គ្រោះជីវិតបានហើយក្ដី តែពួកគេនៅតែប្រឈមនឹងសេចក្ដីស្លាប់ដដែល បើសិនជាមានករណីរំភើបខ្លាំង ឬរន្ធត់ខ្លាំងជាដើម ព្រោះថាអ្នកជំងឺវិបត្តិបេះដូង គឺត្រូវការឲ្យបេះដូងលោតស្មើជានិច្ច។

វិបត្តិបេះដូងកម្រិតធ្ងន់នេះ កើតឡើងទៅលើអ្នកជំងឺណា ដែលមានជំងឺប្រចាំកាយស្រាប់ ដូចជាជំងឺលើសឈាម ស្ទះសរសៃឈាមបេះដូង និងជំងឺទឹកនោមផ្អែម។

ដើម្បីទទួលបានព័ត៌មានបន្ថែម សូមទស្សនាកិច្ចសម្ភាសរវាងកញ្ញា ថាន រស្មី អ្នកព័ត៌មាននៃសារព័ត៌មានថ្មីៗជាមួយលោកសាស្ត្រាចារ្យមហាបរិញ្ញា សារ៉ាក់ ផល្លី ដូចតទៅ៖

គ្លីនិកវឌ្ឍនៈវិជ្ជា មានទីតាំងនៅ ផ្ទះលេខ R24-26 ផ្លូវជាតិលេខ៦ ក្រុម១ ភូមិ ខ១ សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។ ព័ត៌មានបន្ថែមសូមទូរស័ព្ទទៅកាន់លេខ៖ 098 792 223/ 097 379 9776/ 078 308 124/ 093 222 251៕