ពីនេះ ពីនោះ
«អាកាស,ឱកាស និងអវកាស» បង្ហាញន័យផ្សេងគ្នាដូចម្តេច?
× បើយោងតាមការបកស្រាយដោយសម្តេចព្រះសង្ឃរាជ ជួន ណាត ពាក្យ «អាកាស ឱកាស និងអវកាស» សម្រាប់ប្រើក្នុងន័យខុសៗ។ «អាកាស» ចង់បញ្ជាក់ពីលំហមេឃ ចំណែក «ឱកាស និងអវកាស» សម្រាប់បញ្ជាក់ពីពេលវេលា។
ពាក្យ «អាកាស» ជាលំហមេឃ, លំហមានខ្យល់, ទីវាលធេងទទេ, ចន្លោះធេងទទេ, ទីឱកាសដែលមានខ្យល់,ចន្លោះដែលមានខ្យល់ចេញចូលបាន។ សត្វហើរលើអាកាស,កណ្តាលអាកាស, យកខ្យល់អាកាស។
ចំពោះ «ឱកាស» និង «អវកាស» សម្រាប់សំដៅលើពេលវេលា ដូចជា ហេតុ, ការណ៍, ស្ថាន, ទី, ទីទំនេរ, វេលា, ចន្លោះ, ពេលស្រួល,ផ្លូវ, ទំនង, សិទ្ធិជោគ, ការនិយម, ការអនុលោម, សេចក្តីអនុញ្ញាតឲ្យ, ការយល់ព្រមតាម។ បើកឱកាសឲ្យ បើកផ្លូវឲ្យ, សូមឱកាស (សូមពេល), ឱកាសទាន(ឲ្យពេល)។ល។ នេះបើយោងតាមការបកស្រាយរបស់សម្តេចព្រះសង្ឃរាជ ជួន ណាត៕
© រក្សាសិទ្ធិដោយ thmeythmey.com