កីឡាអន្តរជាតិ
អន្តរជាតិ
កីឡាអាស៊ី៖ ឥណ្ឌូណេស៊ីនឹងបិទសាលានៅហ្សាការតាដើម្បីកាត់បន្ថយការកកស្ទះ រូបភាពពី AFP
× ឥណ្ឌូណេស៊ីនឹងបិទសាលារៀននៅទូទាំងក្រុងហ្សាកាតាអំឡុងពេលការប្រកួតកីឡាអាស៊ី (Asia Games) ដើម្បីកាត់បន្ថយការកកស្ទះចររាចរណ៍ ខណៈបច្ចុប្បន្នកំពុងមានបញ្ហាធ្ងន់ធ្វរខ្លាំងក្នុងការធ្វើដំណើរ។ នេះបើតាមការផ្សាយរបស់ទីភ្នាក់ងារព័ត៌មាន AFP។
នៅសល់តែជាង៣ខែទៀតប៉ុណ្ណោះការប្រកួតកីឡាអាស៊ីលើកទី១៨ នឹងចាប់ផ្តើមហើយដែលធ្វើឡើងក្នុងក្រុងហ្សាកាតា និងប៉ាលបាង (Palembang) លើកោះស៊ូម៉ាត្រាប្រទេសឥណ្ឌូណេស៊ី ដែលមានការចូលរួមពីអត្តពលិកចំនួន ១៥០០០នាក់។ ស្របពេលគ្នានេះ អ្នករៀបចំការប្រកួតកំពុងគិតគូថាតើត្រូវធ្វើយ៉ាងណាដើម្បីដោះស្រាយបញ្ហាចរាចរណ៍ ដែលកំពុងរំខានដល់ការធ្វើដំណើរយ៉ាងខ្លាំងក្នុងរដ្ឋធានីនេះ។
បើតាមលោក Erick Thohir អ្នករៀបចំការប្រកួតកីឡាអាស៊ីនេះ អះអាងថាអាចនឹងមានវិធានការបិទសាលារៀននៅក្នុងក្រុងដើម្បីកាត់បន្ថយការធ្វើដំណើររបស់សិស្ស ដែលលោករំពឹងថាអាចកាត់បន្ថយចរាចរលើដងផ្លួវបានប្រហែល ២០ ភាគរយដែរ។
មួយវិញទៀត សិស្សដែលសម្រាកពីការសិក្សានោះ យើងអាចស្នើឲ្យពួកគាត់មកធ្វើជាអ្នកស្ម័គ្រចិត្តបម្រើការក្នុងព្រឹត្តិការណ៍ជើងឯកកីឡាអាស៊ីនេះបានថែមទៀតផង។
«នេះគឺជាឱកាសសម្រាប់យើង ... ដើម្បីអបានអ្នកស្មាក់ចិត្តចូលរួមក្នុងកីឡាអាស៊ី ហើយថែមទាំងអាចកាត់បន្ថយចររាចរណ៍ជិត ២០ ភាគរយថែមទៀត»។ លោក Thohir និយាយដូច្នេះក្នុងកិច្ចប្រជុំគណៈកម្មាធិការរៀបចំកីឡានេះកាលពីថ្ងៃទី៩ ខែឧសភា ឆ្នាំ២០១៨។
ប៉ុន្តែយ៉ាងណាក៏ដោយ អ្វីដែលបានលើកឡើងខាងលើកនេះ នៅមិនទាន់ច្បាស់ថាត្រូវអនុវត្តនៅឡើយទេ ខណៈការប្រកួតព្រឹត្តិការណ៍ពហុកីឡានេះនឹងចាប់ផ្តើមការប្រកួតនៅថ្ងៃទី១៨ ខែសីហា រហូតដល់ថ្ងៃទី២ ខែកញ្ញា ឆ្នាំ២០១៨៕
Tag:
កីឡាអាស៊ី
Asian Games
ឥណ្ឌូណេស៊ី
© រក្សាសិទ្ធិដោយ thmeythmey.com