-ស្រែណាស់ សំរែណាស់ ស្រែង៉ោង
ស្មេរមិនបំប៉ោងឮច្រើនគ្រា
ក្មេងចាស់ប្រុសស្រីគេដៀលគ្នា
ទោះពេលការងារឬដើរលេង។
-មិនថានៅផ្ទះឬនៅផ្សារ
ទៅបុណ្យទៅការទៅស្តាប់ភ្លេង
គេថាគេដៀលពេលញ៉ាំគេង
គេស្តីដៀលលេងបែបលែបខាយ។
-អ្នកធ្វើមិនកើតគេដៀលស្រែ
ហៅអាសំរែមិនខ្វល់ខ្វាយ
គិតដល់អ្នកនៅជិតជាប់កាយ
ជាឪពុកម្តាយយាយឬតា។
-ខ្លះធ្លាប់នៅស្រែតែធ្វើឫក
ធំមានឈ្លក់ទឹកលុយដុល្លារ
ប្រឹងដៀលអ្នកស្រែអ្នកចម្ការ
ខ្លាចគេគិតថាមិនដូចក្រុង?