អន្តរជាតិ
អាមេរិកនឹងធានាសន្តិសុខឲ្យរបបដឹកនាំកូរ៉េខាងជើង បើសុខចិត្តបោះបង់នុយក្លេអ៊ែរ
រដ្ឋមន្រ្តីការបរទេសអាមេរិក Mike Pompeo (រូបភាព AFP)
×![]()
ដោយ: តន ចាន់រិទ្ធារ៉ា
បន្ទាប់ពីសន្យាជួយកូរ៉េខាងជើងឲ្យមានសេដ្ឋកិច្ចថ្កុំថ្កើងដូចកូរ៉េខាងត្បូងមក រដ្ឋមន្ត្រីការបរទេសអាមេរិក Mike Pompeo នៅថ្ងៃទី១៣ ខែឧសភា ក៏បានសន្យាជាថ្មីទៀតថា អាមេរិកនឹងធានាសន្តិសុខឲ្យរបបដឹកនាំកូរ៉េខាងជើង បើសម្រេចចិត្តរំសាយនុយក្លេអ៊ែរនោះ។ អាមេរិកក៏នឹងជំរុញអ្នកវិនិយោគរបស់ខ្លួនឲ្យទៅរកស៊ីនៅកូរ៉េខាងជើង ឬក៏អាចឈានដល់លើកលែងទណ្ឌកម្មថែមទៀត ក្នុងករណីកូរ៉េខាងជើងធ្វើបែបនោះមែន។
ខណៈជំនួបមេដឹកនាំអាមេរិក និងកូរ៉េខាងជើងនៅសល់ជាងមួយខែទៀត ក្រុងវ៉ាស៊ីនតោនបានបង្ហាញពីលទ្ធភាពនៃការធ្វើសម្បទានរបស់ខ្លួន បើរបបដឹកនាំក្រុងព្យុងយ៉ាងសុខចិត្តរំសាយនុយក្លេអ៊ែរទាំងស្រុងនោះ។ ប្រមុខការទូតអាមេរិក Mike Pompeo ដែលបានទៅជួបមេដឹកនាំកំពូលកូរ៉េខាងជើង គីម ជុងអ៊ុន ដល់ទៅពីរដង លើកឡើងក្នុងកិច្ចសម្ភាសពីរដាច់ពីគ្នា ថា អាមេរិកនឹងជួយកូរ៉េខាងជើងឲ្យមានរីកចម្រើន ក្រោយការចរចានៅសិង្ហបុរីមានលទ្ធផលគាប់ប្រសើរ។
លោក Pompeo បាននិយាយក្នុងកិច្ចសម្ភាសជាមួយទូរទស្សន៍ Fox News នៅថ្ងៃទី១៣ ខែឧសភា ថា វិស័យឯកជនរបស់អាមេរិកនឹងហូរចូលកូរ៉េខាងជើងដើម្បីស្ថាបនាប្រព័ន្ធថាមពល ព្រោះកូរ៉េខាងជើងត្រូវការអគ្គិសនីខ្លាំង។ ក្រៅពីនេះ អាមេរិកនឹងជួយអភិវឌ្ឍហេដ្ឋារចនាសម្ព័ន្ធ កសិកម្ម និងដោះស្រាយតម្រូវការមូលដ្ឋានរបស់ប្រជាជនកូរ៉េខាងជើងដើម្បីឲ្យពួកគេមានសាច់បរិភោគ និងរស់នៅជាមួយជីវិតល្អប្រសើរ។
យ៉ាងណាមិញ ប្រមុខការទូតអាមេរិករូបនេះក៏បញ្ជាក់ច្បាស់ថា ការជួយទាំងនេះមិនមែនយកលុយប្រជាជនអាមេរិកឡើយ តែរដ្ឋាភិបាលអាមេរិកនឹងជំរុញអ្នកវិនិយោគ និងសហគ្រិនអាមេរិកឲ្យទៅបណ្ដាក់ទុននៅកូរ៉េខាងជើង។ បើក្នុងករណីកូរ៉េខាងជើងធ្វើតាមអាមេរិក គឺត្រូវបោះបង់នុយក្លេអ៊ែរទាំងស្រុង មិនត្រឡប់ទៅអភិវឌ្ឍម្ដងទៀត និងអនុញ្ញាតឲ្យមានការត្រួតពិនិត្យផងនោះ អាមេរិកក៏អាចលើកលែងទណ្ឌកម្មដើម្បីអនុញ្ញាតឲ្យជនជាតិអាមរិកទៅធ្វើជំនួញនៅទឹកដីកូរ៉េខាងជើងផង។
អ្វីកាន់តែសំខាន់ អាមេរិកក៏នឹងផ្ដល់នូវការធានាផ្នែកសន្តិសុខឲ្យរបបដឹកនាំកូរ៉េខាងជើងដែរ ដើម្បីដោះដូរនឹងការលុបបំបាត់នុយក្លេអ៊ែរនោះ។ បញ្ហាសន្តិសុខនេះហើយ ជាក្ដីបារម្ភខ្លាំងបំផុតរបស់មេដឹកនាំក្រុងព្យុងយ៉ាង ដែលតែងចោទអាមេរិកថា ប៉ុនប៉ងផ្លាស់ប្ដូរប្រព័ន្ធដឹកនាំរបស់ខ្លួន ហើយនេះក៏ជាមូលហេតុសំខាន់ដែលកូរ៉េខាងជើងប្រឹងប្រែងអភិវឌ្ឍនុយក្លេអ៊ែរដើម្បីការពារពារខ្លួននោះឯង។
បើកូរ៉េខាងជើងពិតជាចង់បានការធ្វើសម្បទានខាងលើពីអាមេរិក កូរ៉េខាងជើងត្រូវតែធ្វើសកម្មភាពជាក់ស្ដែងឲ្យគេឯងបានឃើញជាមុនសិន។ នេះក៏ព្រោះរដ្ឋបាលលោក ត្រាំ បាននិយាយទុកមុនជារឿយៗហើយថា ខ្លួនមិនធ្វើដូចរដ្ឋាភិបាលមុនៗ ដែលផ្ដល់ជំនួយនានាឲ្យកូរ៉េខាងជើងតែមិនមានលទ្ធផលដុំកំភួនអ្វីសោះ។ លើកនេះ អាមេរិកនឹងមិនឲ្យអ្វីដល់កូរ៉េខាងជើងឡើយ បើកូរ៉េខាងជើងនិយាយតែមាត់នោះ៕
ខណៈជំនួបមេដឹកនាំអាមេរិក និងកូរ៉េខាងជើងនៅសល់ជាងមួយខែទៀត ក្រុងវ៉ាស៊ីនតោនបានបង្ហាញពីលទ្ធភាពនៃការធ្វើសម្បទានរបស់ខ្លួន បើរបបដឹកនាំក្រុងព្យុងយ៉ាងសុខចិត្តរំសាយនុយក្លេអ៊ែរទាំងស្រុងនោះ។ ប្រមុខការទូតអាមេរិក Mike Pompeo ដែលបានទៅជួបមេដឹកនាំកំពូលកូរ៉េខាងជើង គីម ជុងអ៊ុន ដល់ទៅពីរដង លើកឡើងក្នុងកិច្ចសម្ភាសពីរដាច់ពីគ្នា ថា អាមេរិកនឹងជួយកូរ៉េខាងជើងឲ្យមានរីកចម្រើន ក្រោយការចរចានៅសិង្ហបុរីមានលទ្ធផលគាប់ប្រសើរ។
លោក Pompeo បាននិយាយក្នុងកិច្ចសម្ភាសជាមួយទូរទស្សន៍ Fox News នៅថ្ងៃទី១៣ ខែឧសភា ថា វិស័យឯកជនរបស់អាមេរិកនឹងហូរចូលកូរ៉េខាងជើងដើម្បីស្ថាបនាប្រព័ន្ធថាមពល ព្រោះកូរ៉េខាងជើងត្រូវការអគ្គិសនីខ្លាំង។ ក្រៅពីនេះ អាមេរិកនឹងជួយអភិវឌ្ឍហេដ្ឋារចនាសម្ព័ន្ធ កសិកម្ម និងដោះស្រាយតម្រូវការមូលដ្ឋានរបស់ប្រជាជនកូរ៉េខាងជើងដើម្បីឲ្យពួកគេមានសាច់បរិភោគ និងរស់នៅជាមួយជីវិតល្អប្រសើរ។
យ៉ាងណាមិញ ប្រមុខការទូតអាមេរិករូបនេះក៏បញ្ជាក់ច្បាស់ថា ការជួយទាំងនេះមិនមែនយកលុយប្រជាជនអាមេរិកឡើយ តែរដ្ឋាភិបាលអាមេរិកនឹងជំរុញអ្នកវិនិយោគ និងសហគ្រិនអាមេរិកឲ្យទៅបណ្ដាក់ទុននៅកូរ៉េខាងជើង។ បើក្នុងករណីកូរ៉េខាងជើងធ្វើតាមអាមេរិក គឺត្រូវបោះបង់នុយក្លេអ៊ែរទាំងស្រុង មិនត្រឡប់ទៅអភិវឌ្ឍម្ដងទៀត និងអនុញ្ញាតឲ្យមានការត្រួតពិនិត្យផងនោះ អាមេរិកក៏អាចលើកលែងទណ្ឌកម្មដើម្បីអនុញ្ញាតឲ្យជនជាតិអាមរិកទៅធ្វើជំនួញនៅទឹកដីកូរ៉េខាងជើងផង។
អ្វីកាន់តែសំខាន់ អាមេរិកក៏នឹងផ្ដល់នូវការធានាផ្នែកសន្តិសុខឲ្យរបបដឹកនាំកូរ៉េខាងជើងដែរ ដើម្បីដោះដូរនឹងការលុបបំបាត់នុយក្លេអ៊ែរនោះ។ បញ្ហាសន្តិសុខនេះហើយ ជាក្ដីបារម្ភខ្លាំងបំផុតរបស់មេដឹកនាំក្រុងព្យុងយ៉ាង ដែលតែងចោទអាមេរិកថា ប៉ុនប៉ងផ្លាស់ប្ដូរប្រព័ន្ធដឹកនាំរបស់ខ្លួន ហើយនេះក៏ជាមូលហេតុសំខាន់ដែលកូរ៉េខាងជើងប្រឹងប្រែងអភិវឌ្ឍនុយក្លេអ៊ែរដើម្បីការពារពារខ្លួននោះឯង។
បើកូរ៉េខាងជើងពិតជាចង់បានការធ្វើសម្បទានខាងលើពីអាមេរិក កូរ៉េខាងជើងត្រូវតែធ្វើសកម្មភាពជាក់ស្ដែងឲ្យគេឯងបានឃើញជាមុនសិន។ នេះក៏ព្រោះរដ្ឋបាលលោក ត្រាំ បាននិយាយទុកមុនជារឿយៗហើយថា ខ្លួនមិនធ្វើដូចរដ្ឋាភិបាលមុនៗ ដែលផ្ដល់ជំនួយនានាឲ្យកូរ៉េខាងជើងតែមិនមានលទ្ធផលដុំកំភួនអ្វីសោះ។ លើកនេះ អាមេរិកនឹងមិនឲ្យអ្វីដល់កូរ៉េខាងជើងឡើយ បើកូរ៉េខាងជើងនិយាយតែមាត់នោះ៕
Tag:
អាមេរិក
កូរ៉េខាងជើង
Mike Pompeo
នុយក្លេអ៊ែរ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
