អន្តរជាតិ
អាមេរិកប្ដូរស្ថានទូតទៅហ្ស៊េរុយសាឡិមផ្លូវការ ក្រោមសម្រែកតវ៉ាពីប្រជាជនប៉ាឡេស្ទីន
ជនជាតិអ៊ីស្រាអែលរុំទង់ជាតិអាមេរិកក្នុងទីក្រុងហ្ស៊េរុយសាឡិម (រូបភាព AFP)
×![]()
ដោយ: តន ចាន់រិទ្ធារ៉ា
នៅថ្ងៃទី១៤ ខែឧសភា អាមេរិកបានធ្វើពិធីផ្លាស់ប្ដូរស្ថានទូតរបស់ខ្លួននៅអ៊ីស្រាអែលជាផ្លូវការហើយ តាមការសន្យារបស់ប្រធានាធិបតី ដូណាល់ ត្រាំ ។ នៅឯទឹកដីរបស់ប៉ាឡេស្ទីនឯណោះវិញ ប្រជាជនប៉ាឡេស្ទីនជាច្រើននាំចេញទៅតវ៉ាការផ្លាស់ប្ដូរនេះ ដែលវាមានន័យស្មើនឹងទទួលស្គាល់ទីក្រុងពិសិដ្ឋមួយនេះជាកម្មសិទ្ធិផ្ដាច់មុខរបស់អ៊ីស្រាអែល។ ប៉ូលិសអ៊ីស្រាអែលជាច្រើនក៏ត្រូវបានពង្រាយដើម្បីទប់ទល់បាតុកម្មនេះដែរ។
ទោះជាមានការថ្កោលទោស និងការតវ៉ាជុំទិសក្ដី អាមេរិកនៅតែប្ដូរស្ថានទូតរបស់ខ្លួនពីតែលអាវីវទៅកាន់ហ្ស៊េរុយសាឡិមដដែល។ កម្មវិធីរើស្ថានទូតត្រូវរៀបចំនៅស្ថានកុងស៊ុលក្នុងទីក្រុងហ្ស៊េរុយសាឡិមនៅថ្ងៃទី១៤ ខែឧសភា ចំថ្ងៃកំណើត៧០ឆ្នាំរបស់អ៊ីស្រាអែលផង។ មិនមានវត្តមានលោក ដូណាល់ ត្រាំ ក្នុងពិធីនេះឡើយ តែតំណាងដោយរដ្ឋមន្ត្រីរតនាគារ Steven Mnuchin ទីប្រឹក្សាជាន់ខ្ពស់លោក ត្រាំ និងត្រូវជាកូនប្រសារ Jares Kushner និងកូនស្រី Ivanka Trump ផង។
ការផ្លាស់ប្ដូរស្ថានទូតអាមេរិកទៅកាន់ហ្ស៊រុយសាឡិម ពិតជាធ្វើឲ្យអ៊ីស្រាអែលសប្បាយចិត្តខ្លាំង តែក៏ធ្វើឲ្យកំហឹងរបស់ជនជាតិប៉ាឡេស្ទីនពុះកញ្ជ្រោលកាន់តែខ្លាំងដែរ។ ពិធីប្ដូរស្ថានទូតនេះ ធ្វើឡើងក្រោមសម្រែករបស់បាតុករប៉ាឡេស្ទីនដែលតវ៉ានៅថ្ងៃបាត់បង់ទឹកដីទៅឲ្យអ៊ីស្រាអែល។ ការប្រមូលផ្ដុំនៃជនជាតិប៉ាឡេស្ទីនរាប់ពាន់នាក់នៅតំបន់ដែលគ្រប់គ្រងដោយអាជ្ញាធរប៉ាឡេស្ទីន ជាពិសេសនៅតំបន់ត្រើយខាងកើតជាប់ហ្ស៊េរុយសាឡិមតែម្ដង។
យោងតាមសារព័ត៌មាន Haaretz នៅទឹកដីប៉ាឡេស្ទីនផ្សេងទៀតដូចជាហ្គាស្សា រ៉ាម៉ាឡា និងហេប្រោនជាដើម ក៏មានការជួបជុំតវ៉ាដែរ។ ប៉ូលិសអ៊ីស្រាអែលជាច្រើនត្រូវពង្រាយនៅហ្ស៊េរុយសាឡិមដើម្បីទប់ស្កាត់ចលាចល។ បើតាមប្រភពព័ត៌មានដដែលនេះ ជនជាតិប៉ាឡេស្ទីនរាប់រយនាក់បានរងរបួសក្នុងការប៉ះទង្គិចជាមួយកម្លាំងសន្តិសុខអ៊ីស្រាអែលនៅព្រំដែនក្បែរហ្ស៊េរុយសាឡិម និងមានរបាយការណ៍អ្នកស្លាប់កើនរហូតដល់ ៤១។
ហ្ស៊េរុយសាឡិម ជាទីក្រុងមួយដែលស្ថិតក្នុងស្ថានភាពមិនដាច់ស្រេច។ អ៊ីស្រាអែលបានគ្រប់គ្រងហ្ស៊េរុយសាឡិមពាក់កណ្ដាល និងបានភ្ជាប់ជាទឹកដីភាគខាងលិចរបស់ទីក្រុងនេះក្រោយសង្គ្រាមឆ្នាំ១៩៦៧ ។ អ៊ីស្រាអែលបានទាមទារចំណែកទីក្រុងនេះទាំងមូល និងបានភ្ជាប់តំបន់ភាគខាងកើត ដែលធ្វើឲ្យទីក្រុងទាំងមូលស្ថិតក្រោមការគ្រប់គ្រងរបស់ខ្លួន។ ឯប៉ាឡេស្ទីនចាត់ទុកតំបន់ខាងកើតជារដ្ឋធានីរបស់ខ្លួននៅថ្ងៃអនាគត។
ដោយសារភាពមិនដាច់ស្រេចបែបនេះ ទើបការប្រកាសប្ដូរសា្ថនទូតរបស់លោក ត្រាំ រងការរិះគន់ខ្លាំង ព្រោះមានន័យស្មើនឹងការទទួលស្គាល់ទីក្រុងហ្ស៊េរុយសាឡិមទាំងមូលជាទឹកដីអ៊ីស្រាអែលដូច្នោះដែរ។ ប៉ាឡេស្ទីន និងសហគមន៍អន្តរជាតិបានប្រតិកម្មយ៉ាងខ្លាំងទៅនឹងការប្រកាសនេះ ប៉ុន្តែក្រុងវ៉ាស៊ីនតោនមិនបានអើពើអ្វីឡើយ។ ចាប់ពីពេលនេះ ប៉ាឡេស្ទីនក៏លែងទទួលស្គាល់អាមេរិកជាតួអង្គគួរឲ្យទុកចិត្តក្នុងការជួយសម្រុះសម្រួលបញ្ចប់បញ្ហាដ៏រ៉ាំរ៉ៃនេះដែរ៕
ទោះជាមានការថ្កោលទោស និងការតវ៉ាជុំទិសក្ដី អាមេរិកនៅតែប្ដូរស្ថានទូតរបស់ខ្លួនពីតែលអាវីវទៅកាន់ហ្ស៊េរុយសាឡិមដដែល។ កម្មវិធីរើស្ថានទូតត្រូវរៀបចំនៅស្ថានកុងស៊ុលក្នុងទីក្រុងហ្ស៊េរុយសាឡិមនៅថ្ងៃទី១៤ ខែឧសភា ចំថ្ងៃកំណើត៧០ឆ្នាំរបស់អ៊ីស្រាអែលផង។ មិនមានវត្តមានលោក ដូណាល់ ត្រាំ ក្នុងពិធីនេះឡើយ តែតំណាងដោយរដ្ឋមន្ត្រីរតនាគារ Steven Mnuchin ទីប្រឹក្សាជាន់ខ្ពស់លោក ត្រាំ និងត្រូវជាកូនប្រសារ Jares Kushner និងកូនស្រី Ivanka Trump ផង។
ការផ្លាស់ប្ដូរស្ថានទូតអាមេរិកទៅកាន់ហ្ស៊រុយសាឡិម ពិតជាធ្វើឲ្យអ៊ីស្រាអែលសប្បាយចិត្តខ្លាំង តែក៏ធ្វើឲ្យកំហឹងរបស់ជនជាតិប៉ាឡេស្ទីនពុះកញ្ជ្រោលកាន់តែខ្លាំងដែរ។ ពិធីប្ដូរស្ថានទូតនេះ ធ្វើឡើងក្រោមសម្រែករបស់បាតុករប៉ាឡេស្ទីនដែលតវ៉ានៅថ្ងៃបាត់បង់ទឹកដីទៅឲ្យអ៊ីស្រាអែល។ ការប្រមូលផ្ដុំនៃជនជាតិប៉ាឡេស្ទីនរាប់ពាន់នាក់នៅតំបន់ដែលគ្រប់គ្រងដោយអាជ្ញាធរប៉ាឡេស្ទីន ជាពិសេសនៅតំបន់ត្រើយខាងកើតជាប់ហ្ស៊េរុយសាឡិមតែម្ដង។
យោងតាមសារព័ត៌មាន Haaretz នៅទឹកដីប៉ាឡេស្ទីនផ្សេងទៀតដូចជាហ្គាស្សា រ៉ាម៉ាឡា និងហេប្រោនជាដើម ក៏មានការជួបជុំតវ៉ាដែរ។ ប៉ូលិសអ៊ីស្រាអែលជាច្រើនត្រូវពង្រាយនៅហ្ស៊េរុយសាឡិមដើម្បីទប់ស្កាត់ចលាចល។ បើតាមប្រភពព័ត៌មានដដែលនេះ ជនជាតិប៉ាឡេស្ទីនរាប់រយនាក់បានរងរបួសក្នុងការប៉ះទង្គិចជាមួយកម្លាំងសន្តិសុខអ៊ីស្រាអែលនៅព្រំដែនក្បែរហ្ស៊េរុយសាឡិម និងមានរបាយការណ៍អ្នកស្លាប់កើនរហូតដល់ ៤១។
ហ្ស៊េរុយសាឡិម ជាទីក្រុងមួយដែលស្ថិតក្នុងស្ថានភាពមិនដាច់ស្រេច។ អ៊ីស្រាអែលបានគ្រប់គ្រងហ្ស៊េរុយសាឡិមពាក់កណ្ដាល និងបានភ្ជាប់ជាទឹកដីភាគខាងលិចរបស់ទីក្រុងនេះក្រោយសង្គ្រាមឆ្នាំ១៩៦៧ ។ អ៊ីស្រាអែលបានទាមទារចំណែកទីក្រុងនេះទាំងមូល និងបានភ្ជាប់តំបន់ភាគខាងកើត ដែលធ្វើឲ្យទីក្រុងទាំងមូលស្ថិតក្រោមការគ្រប់គ្រងរបស់ខ្លួន។ ឯប៉ាឡេស្ទីនចាត់ទុកតំបន់ខាងកើតជារដ្ឋធានីរបស់ខ្លួននៅថ្ងៃអនាគត។
ដោយសារភាពមិនដាច់ស្រេចបែបនេះ ទើបការប្រកាសប្ដូរសា្ថនទូតរបស់លោក ត្រាំ រងការរិះគន់ខ្លាំង ព្រោះមានន័យស្មើនឹងការទទួលស្គាល់ទីក្រុងហ្ស៊េរុយសាឡិមទាំងមូលជាទឹកដីអ៊ីស្រាអែលដូច្នោះដែរ។ ប៉ាឡេស្ទីន និងសហគមន៍អន្តរជាតិបានប្រតិកម្មយ៉ាងខ្លាំងទៅនឹងការប្រកាសនេះ ប៉ុន្តែក្រុងវ៉ាស៊ីនតោនមិនបានអើពើអ្វីឡើយ។ ចាប់ពីពេលនេះ ប៉ាឡេស្ទីនក៏លែងទទួលស្គាល់អាមេរិកជាតួអង្គគួរឲ្យទុកចិត្តក្នុងការជួយសម្រុះសម្រួលបញ្ចប់បញ្ហាដ៏រ៉ាំរ៉ៃនេះដែរ៕
Tag:
អាមេរិក
អ៊ីស្រាអែល
ប៉ាឡេស្ទីន
ហ្ស៊េរុយសាឡិម
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
