ជាតិ
CDC ចេញច្បាប់ឲ្យក្រុមហ៊ុន២បើករោងចក្រកាត់ដេរ ដែលមានទុនសរុបជាង៧លានដុល្លារ
លោក សុខ ចិន្តា ប្រធានCDC
×![]()
ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានចេញវិញ្ញាបនបត្រចុះបញ្ជីជាស្ថាពរ ដល់ក្រុមហ៊ុន២ ដែលមានទុនវិនិយោគសរុប ៧.៦០លានដុល្លារ ដើម្បីដំណើរការសាងសង់រោងចក្រ រោងចក្រកាត់ដេរសម្លៀកបំពាក់ និងបង្កើតការងារជាង៣ពាន់កន្លែង។
បើតាម CDC ក្រុមហ៊ុនទាំង២ គឺក្រុមហ៊ុន WEDGE GLOBAL APPAREL CO.,LTD មានទុនវិនិយោគ ២.៥៦លានដុល្លារ អាចបង្កើតការងារបាន ៦៤៧កន្លែង មានទីតាំង នៅភូមិត្រពាំងមាន សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។ ក្រុមហ៊ុនមួយទៀតឈ្មោះ FASHIONTEX APPAREL CO.,LTD មានទុនវិនិយោគ ៥.០៤ លានដុល្លារអាមេរិក និងអាចបង្កើតការងារបាន ២,៦២៨កន្លែង មានទីតាំងនៅភូមិលេខ៣ ឃុំស្វាយរលំ ស្រុកស្អាង ខេត្ត កណ្តាល។
សូមបញ្ជាក់ថា កាលពីដើមខែឧសភានេះ CDC បានចេញច្បាប់ឲ្យក្រុមហ៊ុន៤ បើករោងចក្រនៅកម្ពុជា ដែលមានទុនវិនិយោគសរុបជិត១៦លានដុល្លារ និងបង្កើតការងារជាង១,៦០០កន្លែង៕
Tag:
រោងចក្រ
CDC
© រក្សាសិទ្ធិដោយ thmeythmey.com
