កីឡាអន្តរជាតិ
អន្តរជាតិ
Chelsea ឈ្នះពាន FA Cup លើកទី៨
× Chelsea បានយកឈ្នះ Manchester United ១-០ ដើម្បីលើកពាន FA Cup ជាលើកទី៨។ Eden Hazard ស៊ុតបាល់ប៉េណាល់ទីបានសម្រេចនៅនាទី២២ នៅកីឡដ្ឋាន Wembley។ លទ្ធផលនេះ ត្រូវបានរក្សារហូតដល់បញ្ចប់ការប្រកួត។
លោក Antonio Conte ដែលគេគិតថា ជាការប្រកួតចុងក្រោយរបស់គាត់ក្នុងនាមជាអ្នកចាត់ការទូទៅ Chelsea បានស្តារមុខមាត់របស់ខ្លួនឡើងវិញ ក្រោយតោខៀវបញ្ចប់ត្រឹមចំណាត់ថ្នាក់លេខ៥នៅ Premier League។ សម្រាប់លោក Jose Mourinho វាជាឆ្នាំដែលបញ្ចប់ដោយដៃទទេ បើទោះបីជាលោកបាននាំឲ្យបិសាចក្រហមបញ្ចប់ចំណាត់ថ្នាក់លេខ២នៅក្របខណ្ឌកំពូលក៏ដោយ។
ក្នុងចំណោមពាន FA Cup ទាំង៨លើកដែល Chelsea ទទួលបាននោះ មាន១លើក គឺរដូវកាលឆ្នាំ២០០៦-០៧ ដែលពួកបានឈ្នះក្រោមការដឹកនាំរបស់លោក Mourinho ដោយ Didier Drogba បានស៊ុតបញ្ចូលទីនៅនាទី១១៦ក្នុងម៉ោងបន្ថែម ដើម្បីបញ្ចប់ជ័យជម្នះ ១-០ លើបិសាចក្រហម ដែលដឹកនាំដោយ Sir Alex Ferguson។
ខ្សែប្រយុទ្ធបារាំង Oliver Giroud ក្លាយកីឡាករម្នាក់ដែលបានឈ្នះពាន FA Cup រហូតដល់ទៅ៤លើកនារយៈពេល៥ឆ្នាំចុងក្រោយនេះ។ កាលពីរដូវកាលមុន គេបានលើកពាន FA Cup ជាមួយ Arsenal បន្ទាប់ពីបានឈ្នះពីរលើករួចមកហើយនៅរដូវកាល២០១៣-១៤ និង២០១៤-១៥ ៕
© រក្សាសិទ្ធិដោយ thmeythmey.com