អន្តរជាតិ
រដ្ឋបាល ត្រាំ ពិចារណាផ្តាច់វិភាគទានទៅទីភ្នាក់ងារ UN ក្រោយទទួលប៉ាឡេស្ទីនជាសមាជិក
×![]()
ដោយ: ថ្មីៗ
ដោយមិនពេញចិត្តនឹងការផ្តល់សមាជិកភាពពេញលេញដល់ប៉ាឡេស្ទីន រដ្ឋបាលលោក ដូណាល់ ត្រាំ កំពុងពិចាណាផ្តល់ជំនួយទៅកាន់ទីភ្នាក់ងារពីររបស់អង្គការសហប្រជាជាតិ និងទីភ្នាក់ងារឃ្លាំមើលការប្រើប្រាស់អាវុធគីមី។ ជាធម្មតា អាមេរិកមានវិធានការប្រឆាំងរាល់ស្ថាប័នឬទីភ្នាក់ងារអន្តរជាតិណាមួយដែលផ្តល់ជា សមាជិកភាពពេញសិទ្ធិដល់អាជ្ញាធរប៉ាឡេស្ទីន។
ប៉ាឡេស្ទីនបានក្លាយជាសមាជិកផ្លូវការរបស់អង្គការសហប្រជាជាតិសម្រាប់អភិវឌ្ឍពាណិជ្ជកម្ម (UNCTAD) ទីភ្នាក់ងារអភិវឌ្ឍឧស្សាហកម្មនៃអង្គការសហប្រជាជាតិ (UNIDO) និងអនុសញ្ញាហាមឃាត់ការប្រើប្រាស់អាវុធគីមី (CWC) ហើយកាលពីសប្តាហ៍មុន។ វាជាដំណឹងល្អសម្រាប់ប្រជាជនប៉ាឡេស្ទីនដែលស្រមៃចង់បានភាពជារដ្ឋស្របច្បាប់ ប៉ុន្តែវាជារឿងដែលអាមេរិកមិនពេញចិត្តឡើយ។
បើតាមមន្ត្រីអាមេរិក រដ្ឋបាលលោក ដូណាល់ ត្រាំ កំពុងពិចារណាលើការផ្តាច់ជំនួយសម្រាប់ទីភ្នាក់ងារទាំងបីខាងលើនេះ ដោយសារការផ្តល់សមាជិកភាពពេញលេញដល់ប៉ាឡេស្ទីនបែបនេះ។
ទីភ្នាក់ងារព័ត៌មាន AFP បានស្រង់សម្តីមន្ត្រីម្នាក់ដែលមិនបង្ហាញអត្តសញ្ញាដូច្នេះ៖ វាតែងមានគោលជំហរដដែលសម្រាប់សហរដ្ឋអាមេរិកដែលយល់ឃើញថា រាល់ការប៉ុនប៉ងចូលរួមរបស់ប៉ាឡេស្ទីនជាមួយអង្គការអន្តរជាតិនោះជារឿងឆាប់រហ័សពេក និងមិនមានផលវិជ្ជមានឡើយ»។
«យើងនឹងពិនិត្យមើលរាល់បទបញ្ញត្តិរបស់អាមេរិកដែលរឹតត្បិតសមាជិកភាពរបស់ប៉ាឡេស្ទីក្នុងទីភ្នាក់ងារអង្គការសហប្រជាជាតិ និងអង្គការអន្តរជាតិ»។ នេះជាការបន្ថែមរបស់មន្ត្រីខាងលើនេះ។
សហរដ្ឋអាមេរិកមានច្បាប់ហាមឃាត់ការផ្តល់វិភាគទានដល់ទីភ្នាក់ងារអង្គការសហប្រជាជាតិ ឬស្ថាប័នពាក់ព័ន្ធដែលផ្តល់សមាជិកភាពឲ្យប៉ាឡេស្ទីន ដែលបច្ចុប្បន្នមិនត្រូវបានគេទទួលស្គាល់ជារដ្ឋ និងត្រឹមជាភាគីសង្កេតការណ៍នៅអង្គការសហប្រជាជាតិឡើយ។
ការពិចារណាផ្តាច់ជំនួយដល់ស្ថាប័នអង្គការសហប្រជាជាតិនេះកើតឡើង ស្របពេលដែលទំនាក់ទំនងរវាងប៉ាឡេស្ទីន និងអាមេរិកល្អក់កករកាន់តែខ្លាំងទៀត ដោយសារលោក ត្រាំ សម្រេចទទួលក្រុងហ្ស៊េរុយសាឡិមជារដ្ឋធានីអ៊ីស្រាអែល។ ប៉ាឡេស្ទីនចាត់ទុកហ្ស៊េរុយសាឡិមភាគខាងកើតជាអនាគតរដ្ឋធានីរបស់ខ្លួនពេលខ្លួនក្លាយជារដ្ឋជាផ្លូវការ។
តាមពិតទៅនេះមិនមែនជាលើកដំបូងឡើយដែលរដ្ឋបាលអាមេរិកកាត់ផ្តាច់លុយចំពោះស្ថាប័នអន្តរជាតិ និងទីភ្នាក់ងារអង្គការសហប្រជាជាតិដែលផ្តល់សមាជិកភាពឲ្យប៉ាឡេស្ទីននោះ។ កាលពីឆ្នាំ ២០១១ អាមេរិកសម្រេចដកវិភាគទានសម្រាប់អង្គការយូណេស្កូ ដែរនៅពេលដែលប៉ាឡេស្ទីនចូលជាសមាជិកទីភ្នាក់ងារនេះ។ ចំណែកឆ្នាំមុន រដ្ឋបាលលោក ត្រាំ ក៏សម្រេចកាត់ជំនួយដែលផ្តល់ឲ្យទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន ហើយការសម្រេចចិត្តបែបនេះបានធ្វើឲ្យស្ថាប័ននេះប្រឈមមុខការលំបាកខ្វះហិរញ្ញវត្ថុក្នុងការធានាកម្មវិធីអប់រំ និងសុខាភិបាលដែលផ្តល់ជូនប្រជាជនប៉ាឡេស្ទីនដែរ។
តាមពិតទៅ ប៉ាឡេស្ទីនក្លាយជាភាគីអង្កេតការណ៍របស់អង្គការសហប្រជាជាតិនៅ ២០១២ ប៉ុន្តែការក្លាយជាសមាជិកពេញសិទ្ធិតម្រូវឲ្យមានការគាំទ្រពីក្រុមប្រឹក្សាសន្តិសុខអង្គការសហប្រជាជាតិ។ គេដឹងច្បាស់ថា វាជារឿងមិនអាចក្លាយជាការពិតព្រោះអាមេរិកនឹងប្រើប្រាស់សិទ្ធិជំទាស់របស់ខ្លួនជាក់ជាមិនខាន៕
ប៉ាឡេស្ទីនបានក្លាយជាសមាជិកផ្លូវការរបស់អង្គការសហប្រជាជាតិសម្រាប់អភិវឌ្ឍពាណិជ្ជកម្ម (UNCTAD) ទីភ្នាក់ងារអភិវឌ្ឍឧស្សាហកម្មនៃអង្គការសហប្រជាជាតិ (UNIDO) និងអនុសញ្ញាហាមឃាត់ការប្រើប្រាស់អាវុធគីមី (CWC) ហើយកាលពីសប្តាហ៍មុន។ វាជាដំណឹងល្អសម្រាប់ប្រជាជនប៉ាឡេស្ទីនដែលស្រមៃចង់បានភាពជារដ្ឋស្របច្បាប់ ប៉ុន្តែវាជារឿងដែលអាមេរិកមិនពេញចិត្តឡើយ។
បើតាមមន្ត្រីអាមេរិក រដ្ឋបាលលោក ដូណាល់ ត្រាំ កំពុងពិចារណាលើការផ្តាច់ជំនួយសម្រាប់ទីភ្នាក់ងារទាំងបីខាងលើនេះ ដោយសារការផ្តល់សមាជិកភាពពេញលេញដល់ប៉ាឡេស្ទីនបែបនេះ។
ទីភ្នាក់ងារព័ត៌មាន AFP បានស្រង់សម្តីមន្ត្រីម្នាក់ដែលមិនបង្ហាញអត្តសញ្ញាដូច្នេះ៖ វាតែងមានគោលជំហរដដែលសម្រាប់សហរដ្ឋអាមេរិកដែលយល់ឃើញថា រាល់ការប៉ុនប៉ងចូលរួមរបស់ប៉ាឡេស្ទីនជាមួយអង្គការអន្តរជាតិនោះជារឿងឆាប់រហ័សពេក និងមិនមានផលវិជ្ជមានឡើយ»។
«យើងនឹងពិនិត្យមើលរាល់បទបញ្ញត្តិរបស់អាមេរិកដែលរឹតត្បិតសមាជិកភាពរបស់ប៉ាឡេស្ទីក្នុងទីភ្នាក់ងារអង្គការសហប្រជាជាតិ និងអង្គការអន្តរជាតិ»។ នេះជាការបន្ថែមរបស់មន្ត្រីខាងលើនេះ។
សហរដ្ឋអាមេរិកមានច្បាប់ហាមឃាត់ការផ្តល់វិភាគទានដល់ទីភ្នាក់ងារអង្គការសហប្រជាជាតិ ឬស្ថាប័នពាក់ព័ន្ធដែលផ្តល់សមាជិកភាពឲ្យប៉ាឡេស្ទីន ដែលបច្ចុប្បន្នមិនត្រូវបានគេទទួលស្គាល់ជារដ្ឋ និងត្រឹមជាភាគីសង្កេតការណ៍នៅអង្គការសហប្រជាជាតិឡើយ។
ការពិចារណាផ្តាច់ជំនួយដល់ស្ថាប័នអង្គការសហប្រជាជាតិនេះកើតឡើង ស្របពេលដែលទំនាក់ទំនងរវាងប៉ាឡេស្ទីន និងអាមេរិកល្អក់កករកាន់តែខ្លាំងទៀត ដោយសារលោក ត្រាំ សម្រេចទទួលក្រុងហ្ស៊េរុយសាឡិមជារដ្ឋធានីអ៊ីស្រាអែល។ ប៉ាឡេស្ទីនចាត់ទុកហ្ស៊េរុយសាឡិមភាគខាងកើតជាអនាគតរដ្ឋធានីរបស់ខ្លួនពេលខ្លួនក្លាយជារដ្ឋជាផ្លូវការ។
តាមពិតទៅនេះមិនមែនជាលើកដំបូងឡើយដែលរដ្ឋបាលអាមេរិកកាត់ផ្តាច់លុយចំពោះស្ថាប័នអន្តរជាតិ និងទីភ្នាក់ងារអង្គការសហប្រជាជាតិដែលផ្តល់សមាជិកភាពឲ្យប៉ាឡេស្ទីននោះ។ កាលពីឆ្នាំ ២០១១ អាមេរិកសម្រេចដកវិភាគទានសម្រាប់អង្គការយូណេស្កូ ដែរនៅពេលដែលប៉ាឡេស្ទីនចូលជាសមាជិកទីភ្នាក់ងារនេះ។ ចំណែកឆ្នាំមុន រដ្ឋបាលលោក ត្រាំ ក៏សម្រេចកាត់ជំនួយដែលផ្តល់ឲ្យទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន ហើយការសម្រេចចិត្តបែបនេះបានធ្វើឲ្យស្ថាប័ននេះប្រឈមមុខការលំបាកខ្វះហិរញ្ញវត្ថុក្នុងការធានាកម្មវិធីអប់រំ និងសុខាភិបាលដែលផ្តល់ជូនប្រជាជនប៉ាឡេស្ទីនដែរ។
តាមពិតទៅ ប៉ាឡេស្ទីនក្លាយជាភាគីអង្កេតការណ៍របស់អង្គការសហប្រជាជាតិនៅ ២០១២ ប៉ុន្តែការក្លាយជាសមាជិកពេញសិទ្ធិតម្រូវឲ្យមានការគាំទ្រពីក្រុមប្រឹក្សាសន្តិសុខអង្គការសហប្រជាជាតិ។ គេដឹងច្បាស់ថា វាជារឿងមិនអាចក្លាយជាការពិតព្រោះអាមេរិកនឹងប្រើប្រាស់សិទ្ធិជំទាស់របស់ខ្លួនជាក់ជាមិនខាន៕
Tag:
ដូណាល់ ត្រាំ
ប៉ាឡេស្ទីន
UN
© រក្សាសិទ្ធិដោយ thmeythmey.com
