ជាតិ
ក្នុងខែមេសា ពលរដ្ឋខ្មែរឆ្លងដែនធ្វើការខុសច្បាប់ជាង ៤ពាន់នាក់ ត្រូវអាជ្ញាធរថៃបញ្ជូនត្រឡប់មកវិញ
× របាយការណ៍របស់ការិយាល័យនគរបាលប្រឆាំងការជួញដូរ និងការពារអនីតិជន ខេត្តបន្ទាយមានជ័យ បង្ហាញថា នៅក្នុងខែមេសា ឆ្នាំ២០១៨ ពលរដ្ឋខ្មែរចំណាកស្រុក និងធ្វើការដោយខុសច្បាប់នៅប្រទេសថៃយ៉ាងហោចណាស់ចំនួន ៤២៦៨នាក់ ក្នុងនោះស្ត្រីចំនួន ១៤៧៣នាក់ និងកុមារចំនួន ៤៣៩នាក់ ត្រូវបានអាជ្ញាធរថៃចាប់បញ្ជូនតាមរថយន្តជាង១០០គ្រឿង មកដាក់នៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ។
សូមរម្លឹកថា កិច្ចសហប្រតិបត្តិការកម្ពុជា-ថៃ ក្នុងការផ្ដល់ភាពស្របច្បាប់ដល់ពលករខ្មែរដែលទៅធ្វើការនៅថៃ ខុសច្បាប់បានចំនួនរហូតដល់ជាង ៣០ម៉ឺននាក់ ក្នុងចំណោម ៤០ម៉ឺននាក់។ ការផ្ដល់ភាពស្របច្បាប់ដល់ពលករខ្មែរជាង ១០ម៉ឺននាក់ទៀត នឹងត្រូវបញ្ចប់នៅដំណាច់ខែមិថុនាឆ្នាំនេះ។ កិច្ចសហប្រតិបត្តិការរួមគ្នានេះ ផ្តោតលើវិស័យការងារ និងអប់រំបណ្ដុះបណ្ដាលបច្ចេកទេស និងវិជ្ជាជីវៈ៕
Tag:
ពលករខ្មែរ
អាជ្ញាធរថៃ
© រក្សាសិទ្ធិដោយ thmeythmey.com