កីឡាអន្តរជាតិ
អន្តរជាតិ
ប៉ូលិសអង់គ្លេសស៊ើបរកអ្នកដែលគំរាមសម្លាប់ Karius និងគ្រួសារ តាមបណ្តាញសង្គម
× Loris Karius អ្នកចាំទី Liverpool ទទួលការគំរាមសម្លាប់តាមប្រព័ន្ធអនឡាញ បន្ទាប់ពីរូបគេបង្កើតកំហុសពីរលើកដែលធ្វើឲ្យក្រុមខ្លួនចាញ់ក្នុងការប្រកួតវគ្គផ្តាច់ព្រ័ត្រ UEFA Champions League ជាមួយ Real Madrid។
ប៉ូលីសនៅតំបន់ Merseyside ក្នុងក្រុង Liverpool បានអះអាងថា មានការគំរាមសម្លាប់អ្នកចាំទី Karius ព្រមទាំក្រុមគ្រួសាររបស់គេពីសំណាក់ក្រុមអ្នកគាំទ្រហង្សក្រហមនៅក្រោយការប្រកួតផ្តាច់ព្រ័ត្រពានកំពូលអឺរ៉ុប។ ការគំរាមគឺសុទ្ធតែធ្វើឡើងលើប្រព័ន្ធផ្សព្វផ្សាយសង្គម។
បើតាមការផ្សាយរបស់ BBC ក្រុមមន្ត្រីប៉ូលីសទាំងនោះ កំពុងស៊ើបអង្កេតលើឥរិយាបទ និងព្រមានដល់អ្នកប្រើប្រាស់ប្រព័ន្ធផ្សព្វផ្សាយដែលមានចេតនាគំរាមកំហែងណាមួយនៅលើបណ្តាញសង្គមរបស់អ្នកគាំទ្រ។
ក្រុមប៉ូលិសបាននិយាយថា៖«យើងនឹងតាមដាន និងស៊ើបអង្កេតអ្នកដែលផុតបែបគំរាមលើប្រព័ន្ធផ្សព្វផ្សាយសង្គមដើម្បីដាក់កំហិតយ៉ាងធ្ងន់ធ្ងរដែលទាក់ទងនឹងបទល្មើសនេះ»។
អ្នកចាំទីសញ្ជាតិអាល្លឺម៉ង វ័យ ២៤ឆ្នាំ បានធ្វើឲ្យមានកំហុសចំនួនពីរលើកដែលជាមូលហេតុនាំឲ្យក្រុមលោក Jorgen Klopp ទទួលបរាជ័យក្រោមថ្វីជើងក្រុមការពារតំណែងជើងឯក Real Madrid ក្នុងលទ្ធផល៣ទល់នឹង១៕
Tag:
បាល់ទាត់
UEFA Champions League
Loris Karius
Liverpool
© រក្សាសិទ្ធិដោយ thmeythmey.com