អន្តរជាតិ
ឥណ្ឌាបន្តរកស៊ីជាមួយអ៊ីរ៉ង់និងវេណេស៊ុយអេឡា ដោយមិនខ្វល់ពីទណ្ឌកម្មរបស់អាមេរិក
រដ្ឋមន្រ្តីការបរទេសឥណ្ឌា Sushma Swaraj
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសឥណ្ឌា Sushma Swaraj នៅថ្ងៃទី២៨ ខែឧសភា បានប្រកាសជំហរច្បាស់លាស់មួយដោយមិនខ្វល់ខ្វាយនឹងការគំរាមរបស់អាមេរិកក្នុងការដាក់ទណ្ឌកម្មលើអ៊ីរ៉ង់ និងវេណេស៊ុយអេឡាឡើយ។ ពោល គឺឥណ្ឌានឹងបន្តរកស៊ីជាមួយប្រទេសទាំងពីរទៀត ទោះត្រូវប្រឈមមុខសម្ពាធរបស់អាមេរិកក្ដី។ លោកស្រី Swaraj អះអាងថា គោលនយោបាយការបរទេសរបស់ឥណ្ឌាមិនពឹងផ្អែកលើសម្ពាធនរណាឡើយ ហើយក៏មិនត្រូវការការបង្ខិតបង្ខំពីប្រទេសណាដែរ។
ការគំរាមរបស់អាមេរិកលើក្រុមហ៊ុនបរទេសដែលចង់រកស៊ីជាមួយអ៊ីរ៉ង់ និងវេណេស៊ុយអេឡា គ្មានផលប៉ះពាល់អ្វីដល់ឥណ្ឌាឡើយ។ នេះជាចម្លើយរបស់រដ្ឋមន្ត្រីការបរទេសឥណ្ឌា Sushma Swaraj តបទៅកាន់សំណួរពាក់ព័ន្ធការដាក់ទណ្ឌកម្មរបស់អាមេរិកលើអ៊ីរ៉ង់ និងវេណេស៊ុយអេឡា។ លោកស្រី Swaraj និយាយថា ឥណ្ឌាមិនមានគោលនយោបាយការបរទេសក្រោមសម្ពាធរបស់ប្រទេសណាមួយនោះទេ។
ប្រមុខការទូតឥណ្ឌានិយាយបែបនេះនៅក្នុងសន្និសីទសារព័ត៌មានជាមួយសមភាគីអ៊ីរ៉ង់ Mohammad Javad Zarif នៅថ្ងៃទី២៨ ខែឧសភា។ លោក Zarif ទៅកាន់ឥណ្ឌាក្នុងគោលដៅប្រមូលការគាំទ្រដើម្បីប្រឆាំងទង្វើរបស់អាមេរិក ដែលគំរាមដាក់ទណ្ឌកម្មលើខ្លួនក្រោយដើរចេញពីកិច្ចព្រមព្រៀងនុយក្លេអ៊ែរឆ្នាំ២០១៥ ។ អាមេរិកក៏គំរាមដាក់ទណ្ឌកម្មលើវេណេស៊ុយអេឡាផង ដោយសារមិនទទួលស្គាល់លទ្ធផលឆ្នោតដែលលោក នីកូឡាស ម៉ាឌូរ៉ូ ឈ្នះឆ្នោត។
យោងតាមទីភ្នាក់ងារព័ត៌មាន AFP លោកស្រី Swaraj បញ្ជាក់ថា ក្រុងញូវដែលីមិនជឿលើនយោបាប្រតិកិរិយាឡើយ ហើយក៏មិនត្រូវការឲ្យអ្នកណាបង្រៀនដែរ។ លោកស្រីបន្តថា ឥណ្ឌាមិនចង់មានគោលនយោបាយដែលរងសម្ពាធពីប្រទេសផ្សេងឡើយ ហើយឥណ្ឌាក៏ជឿលើទណ្ឌកម្មចេញពីអង្គកាសហប្រជាជាតិ មិនមែនប្រទេសណានោះឡើយ។
តាមពិតទៅ ទាំងអ៊ីរ៉ង់ ទាំងវេណេស៊ុយអេឡាសុទ្ធតែមានទំនាក់ទំនងពាណិជ្ជកម្មរឹងមាំជាមួយឥណ្ឌាទាំងអស់ ហើយក៏ជាប្រភពប្រេងដ៏ធំរបស់ឥណ្ឌាដែរ។ ពាណិជ្ជកម្មទ្វេភាគីឥណ្ឌា-អ៊ីរ៉ង់មានទំហំជិត១៣ពាន់លានដុល្លារកាលពីឆ្នាំមុន ដោយឥណ្ឌានាំចូលពីអ៊ីរ៉ង់ក្នុងទំហំទឹកប្រាក់១០.៥ពាន់លានដុល្លារ ដែលភាគច្រើនជាប្រេងឆៅ។ ក្រៅពីពាណិជ្ជកម្ម ឥណ្ឌាក៏មានផែនការសាងសង់កំពង់ផែមួយនៅអ៊ីរ៉ង់ដើម្បីបញ្ចៀសការប្រើប្រាស់កំពង់ផែរបស់ប៉ាគីស្ថានផង។
សម្រាប់ទំនាក់ទំនងជាមួយក្រុងការ៉ាកាសវិញ ប្រមុខការទូតឥណ្ឌាលើកឡើងថា ការរកស៊ីនឹងបន្តធ្វើដដែល ប៉ុន្តែឥណ្ឌាមិនប្រើប្រាស់រូបិយបណ្ណអេឡិចត្រូនិក (Cryptocurrency) សម្រាប់ការដោះដូរក្នុងពាណិជ្ជកម្មប្រេងឡើយ ព្រោះធនគារជាតិឥណ្ឌាហាមឃាត់ការប្រើប្រាស់រូបិយបណ្ណប្រភេទនេះ។ យ៉ាងណាមិញ ឥណ្ឌានឹងរកមធ្យោបាយសម្រាប់ការដោះដូរផ្សេងក្នុងការរកស៊ីជាមួយវេណេស៊ុយអេឡា៕
ការគំរាមរបស់អាមេរិកលើក្រុមហ៊ុនបរទេសដែលចង់រកស៊ីជាមួយអ៊ីរ៉ង់ និងវេណេស៊ុយអេឡា គ្មានផលប៉ះពាល់អ្វីដល់ឥណ្ឌាឡើយ។ នេះជាចម្លើយរបស់រដ្ឋមន្ត្រីការបរទេសឥណ្ឌា Sushma Swaraj តបទៅកាន់សំណួរពាក់ព័ន្ធការដាក់ទណ្ឌកម្មរបស់អាមេរិកលើអ៊ីរ៉ង់ និងវេណេស៊ុយអេឡា។ លោកស្រី Swaraj និយាយថា ឥណ្ឌាមិនមានគោលនយោបាយការបរទេសក្រោមសម្ពាធរបស់ប្រទេសណាមួយនោះទេ។
ប្រមុខការទូតឥណ្ឌានិយាយបែបនេះនៅក្នុងសន្និសីទសារព័ត៌មានជាមួយសមភាគីអ៊ីរ៉ង់ Mohammad Javad Zarif នៅថ្ងៃទី២៨ ខែឧសភា។ លោក Zarif ទៅកាន់ឥណ្ឌាក្នុងគោលដៅប្រមូលការគាំទ្រដើម្បីប្រឆាំងទង្វើរបស់អាមេរិក ដែលគំរាមដាក់ទណ្ឌកម្មលើខ្លួនក្រោយដើរចេញពីកិច្ចព្រមព្រៀងនុយក្លេអ៊ែរឆ្នាំ២០១៥ ។ អាមេរិកក៏គំរាមដាក់ទណ្ឌកម្មលើវេណេស៊ុយអេឡាផង ដោយសារមិនទទួលស្គាល់លទ្ធផលឆ្នោតដែលលោក នីកូឡាស ម៉ាឌូរ៉ូ ឈ្នះឆ្នោត។
យោងតាមទីភ្នាក់ងារព័ត៌មាន AFP លោកស្រី Swaraj បញ្ជាក់ថា ក្រុងញូវដែលីមិនជឿលើនយោបាប្រតិកិរិយាឡើយ ហើយក៏មិនត្រូវការឲ្យអ្នកណាបង្រៀនដែរ។ លោកស្រីបន្តថា ឥណ្ឌាមិនចង់មានគោលនយោបាយដែលរងសម្ពាធពីប្រទេសផ្សេងឡើយ ហើយឥណ្ឌាក៏ជឿលើទណ្ឌកម្មចេញពីអង្គកាសហប្រជាជាតិ មិនមែនប្រទេសណានោះឡើយ។
តាមពិតទៅ ទាំងអ៊ីរ៉ង់ ទាំងវេណេស៊ុយអេឡាសុទ្ធតែមានទំនាក់ទំនងពាណិជ្ជកម្មរឹងមាំជាមួយឥណ្ឌាទាំងអស់ ហើយក៏ជាប្រភពប្រេងដ៏ធំរបស់ឥណ្ឌាដែរ។ ពាណិជ្ជកម្មទ្វេភាគីឥណ្ឌា-អ៊ីរ៉ង់មានទំហំជិត១៣ពាន់លានដុល្លារកាលពីឆ្នាំមុន ដោយឥណ្ឌានាំចូលពីអ៊ីរ៉ង់ក្នុងទំហំទឹកប្រាក់១០.៥ពាន់លានដុល្លារ ដែលភាគច្រើនជាប្រេងឆៅ។ ក្រៅពីពាណិជ្ជកម្ម ឥណ្ឌាក៏មានផែនការសាងសង់កំពង់ផែមួយនៅអ៊ីរ៉ង់ដើម្បីបញ្ចៀសការប្រើប្រាស់កំពង់ផែរបស់ប៉ាគីស្ថានផង។
សម្រាប់ទំនាក់ទំនងជាមួយក្រុងការ៉ាកាសវិញ ប្រមុខការទូតឥណ្ឌាលើកឡើងថា ការរកស៊ីនឹងបន្តធ្វើដដែល ប៉ុន្តែឥណ្ឌាមិនប្រើប្រាស់រូបិយបណ្ណអេឡិចត្រូនិក (Cryptocurrency) សម្រាប់ការដោះដូរក្នុងពាណិជ្ជកម្មប្រេងឡើយ ព្រោះធនគារជាតិឥណ្ឌាហាមឃាត់ការប្រើប្រាស់រូបិយបណ្ណប្រភេទនេះ។ យ៉ាងណាមិញ ឥណ្ឌានឹងរកមធ្យោបាយសម្រាប់ការដោះដូរផ្សេងក្នុងការរកស៊ីជាមួយវេណេស៊ុយអេឡា៕
Tag:
ឥណ្ឌា
អ៊ីរ៉ង់
វេណេស៊ុយអេឡា
© រក្សាសិទ្ធិដោយ thmeythmey.com
