ជាតិ
សេដ្ឋកិច្ច
ក្នុងខែឧសភា CDCចេញច្បាប់ឲ្យក្រុមហ៊ុន៧ បើករោងចក្រនៅកម្ពុជា ដែលបោះទុនសរុប២៦ លានដុល្លារ រោងចក្រមួយកន្លែង នៅកម្ពុជា (តំណាង)
× ក្រុមប្រឹក្សាអភិវឌ្ឍន៍កម្ពុជា (CDC) បានចេញវិញ្ញាបនប័ត្រចុះបញ្ជីជាស្ថាពរឲ្យក្រុមហ៊ុនចំនួន៧ បើករោងចក្រនៅកម្ពុជា ដែលមានទំហំទុនវិនិយោគសរុប២៦,១៧លានដុល្លារ នៅក្នុងខែឧសភា ឆ្នាំ២០១៨ ។
បើតាម CDC ក្រុមហ៊ុនទាំង៧ រួមមាន៖ ១. ក្រុមហ៊ុន MASSFLAME ENERGY (CAMBODIA) CO.,LTD ២. ក្រុមហ៊ុន HAITIAN BEVERAGE (CAMBODIA) CO.,LTD ៣. ក្រុមហ៊ុន SVF FIT (CAMBODIA) CO.,LTD ៤. ក្រុមហ៊ុន HIRO-TECH PRODUCT (CAMBODIA) CO., LTD ៥.គឺក្រុមហ៊ុន WEDGE GLOBAL APPAREL CO., LTD ៦.ក្រុមហ៊ុន FASHIONTEX APPAREL CO., LTD ៧. ក្រុមហ៊ុន COLOR PALETTE GARMENT ACCESSORIES., LTD។
ក្នុងចំណោមក្រុមហ៊ុនទាំង៧ខាងលើ មានក្រុមហ៊ុន៣ ដែលគ្រោងបើករោងចក្រ កាត់ដេរសម្លៀកបំពាក់ គឺក្រុមហ៊ុន WEDGE GLOBAL APPAREL CO.,LTD ក្រុមហ៊ុនFASHIONTEX APPAREL CO., LTD និងក្រុមហ៊ុន COLOR PALETTE GARMENT ACCESSORIES. LTD ដែលទុនវិនិយោគសរុបជាង ៩លានដុល្លារ ព្រមទាំងបង្កើតការងារបានជិត ៤ពាន់កន្លែង។
រោងចក្រទាំង៧នេះ នឹងអាចផ្តល់ឱកាសការងារផ្ទាល់បានជាង ៥ពាន់កន្លែងដល់ពលរដ្ឋក្នុងស្រុក និងបានចូលរួមចំណែកយ៉ាងខ្លាំងដល់ដំណើរការអភិវឌ្ឍន៍សេដ្ឋកិច្ចកម្ពុជា។ នេះបើតាម CDC ៕
© រក្សាសិទ្ធិដោយ thmeythmey.com