កីឡាជាតិ
ជាតិ
កីឡាជាតិ៖ ស្វាយរៀងប្រជែងដណ្តើមជើងឯកជាមួយបន្ទាយមានជ័យនៅរសៀលនេះ
× ក្រុមកីឡាបាល់ទាត់ខេត្តស្វាយរៀងជួបប្រកួតជាមួយក្រុមកីឡាបាល់ទាត់ខេត្តបន្ទាយមានជ័យក្នុងវគ្គផ្តាច់ព្រ័ត្រនាវេលាម៉ោង៣រសៀលថ្ងៃទី៣ ខែមិថុនានេះ នៅសាលាបាល់ទាត់ជាតិបាទី។ ក្រុមកីឡាបាល់ទាត់កំពង់ឆ្នាំងទទួលបានចំណាត់ថ្នាក់លេខ៣ ក្រោយយកឈ្នះក្រុមត្បូងឃ្មុំ ៤-២ កាលពីព្រឹកថ្ងៃអាទិត្យនេះ។
ក្រុមកីឡាបាល់ទាត់ស្វាយរៀងត្រូវប្រជែងតទល់ជាមួយក្រុមបន្ទាយមានជ័យ ដើម្បីដណ្តើមជើងឯកប្រចាំព្រឹត្តិការណ៍កីឡាជាតិលើកទី២ នាវេលាម៉ោង៣រសៀលថ្ងៃទី៣ ខែមិថុនា នៅកីឡដ្ឋានសាលាបាល់ទាត់ជាតិបាទី។ មុនឡើងមកជួបគ្នានៅវគ្គផ្តាច់ព្រ័ត្រនេះ ក្រុមស្វាយរៀងបានយកឈ្នះត្បូងឃ្មុំ រីឯបន្ទាយមានជ័យយកឈ្នះកំពង់ឆ្នាំងក្នុងលទ្ធផល ៣-១ ដូចគ្នានាការប្រកួតវគ្គពាក់កណ្តាលផ្តាច់ព្រ័ត្រកាលពីថ្ងៃទី១ មិថុនា កន្លងទៅ។
នាការប្រកួតដណ្តើមយកចំណាត់ថ្នាក់លេខ៣កាលពីព្រឹកថ្ងៃទី៣ ខែមិថុនា ឆ្នាំ២០១៨ ក្រុមកំពង់ឆ្នាំងបានយកឈ្នះក្រុមត្បូងឃ្មុំក្នុងលទ្ធផល ៤-២ ដើម្បីគ្រងតំណែងលេខ៣៕
Tag:
កីឡាជាតិលើកទី២
National Games
បាល់ទាត់
© រក្សាសិទ្ធិដោយ thmeythmey.com