ជាតិ
សុខភាព
សុខាភិបាលប្រកាសឲ្យឈប់នាំចូល ឱសថបុរាណ Ceng Fui Yen ក្លែងក្លាយ
× ក្រសួងសុខាភិបាល បានចេញសេចក្តីប្រកាស ហាមនាំចូល ចែកចាយ និងប្រើប្រាស់ ឱសថបុរាណឈ្មោះ Ceng Fui Yen Box/ lBottle/30 Capasules ផលិតដោយគ្រឹះស្ថានផលិតឱសថ WEIP(M) SHD BHD. Malaysia។ សេចក្តីប្រកាស ធ្វើឡើងបន្ទាប់ពីក្រសួងវិភាគឃើញ ឱសថបុរាណនេះ មានផ្ទុកសារធាតុឱសថសម័យឈ្មោះ Cyproheptadine Hydrochloride និង Dexamethasone ។
ក្រសួងសុខាភិបាល បានបញ្ជាក់ថា ឱសថបុរាណឈ្មោះ Ceng Fui Yen ចាត់ទុកជាឱសថក្លែងក្លាយ ដែលបាននាំចូលកម្ពុជាគ្មានប្រភពច្បាស់លាស់់។
សេចក្តីជូនដំណឹងរបស់ក្រសួងសុខាភិបាល ចុះថ្ងៃទី៦ ខែមិថុនា បានបញ្ជាក់ដូច្នេះថា« ឱសថបុរាណក្លែងក្លាយឈ្មោះ Ceng Fui Yen គ្រប់ប្រភេទ គ្រប់ពណ៌ គ្រប់ឡូត៍ ពីបណ្តាឱសថស្ថាន-រង និងអាគារលក់ឱសថបុរាណ នឹងត្រូវប្រមូលកំទេចចោលជាបន្ទាន់ »។
លើសពីនេះ បើក្រុមហ៊ុន ឱសថស្ថាន-រង ឬអាគារលក់ឱសថបុរាណណាមួយ មិនបានប្រមូលចេញ និងនៅតែបន្តនាំចូល តាំងលក់ និងចែកចាយឱសថ Ceng Fui Yen នេះទៀត ពីគ្រឹះស្ថានផលិតឱសថ WEIP(M) SHD BHD. Malaysia នឹងត្រូវទទួលទោសប្បញ្ញត្តិតាមច្បាប់ ស្តីពីវិសោធនកម្មច្បាប់ស្តីពីការគ្រប់គ្រងឱសថ៕
Tag:
សុខាភិបាល
ឱសថបុរាណ
© រក្សាសិទ្ធិដោយ thmeythmey.com