កម្ពុជា-ថៃ នៅតែបន្តកិច្ចព្រមព្រៀងបើកច្រកទ្វារព្រំដែនអន្ដរជាតិ៣បន្ថែមទៀត

ជាតិ

កម្ពុជា-ថៃ នៅតែបន្តកិច្ចព្រមព្រៀងបើកច្រកទ្វារព្រំដែនអន្ដរជាតិ៣បន្ថែមទៀត

07, Jun 2018 , 10:19 pm

រូបភាព

លោក ប្រាក់ សុខុន ចាប់ដៃជាមួយលោក Panyarak Poolthup ឯកអគ្គរាជទូតប្រទេសថៃ

ដោយ: អ៊ូ សុខមាន (OU Sokmean)

កម្ពុជា-ថៃ បានបន្ដកិច្ចព្រមព្រៀង ក្នុងការបើកឲ្យដំណើរការ ច្រកទ្វារព្រំដែនអន្ដរជាតិ៣បន្ថែម ដែលបានឯកភាពគ្នា កាលពីឆ្នាំ២០១៧ កន្លងមក។ សម្រាប់ការបើកច្រកព្រំដែនអន្តរជាតិទាំង៣នោះ រួមមាន ច្រកព្រំដែនអានសេះ ក្នុងខេត្តព្រះវិហារ, ច្រកថ្មដា ក្នុងខេត្តពោធិ៍សាត់ និងច្រកជប់គគីរ ក្នុងខេត្តឧត្តរមានជ័យ។

កិច្ចព្រមព្រៀងគ្នានេះ ធ្វើឡើងក្នុងជំនួបរវាងលោក ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្ដរជាតិ ជាមួយ លោក Panyarak Poolthup ឯកអគ្គរាជទូតប្រទេសថៃ កាលពីថ្ងៃទី៦ ខែមិថុនា ឆ្នាំ២០១៨ ។

ក្នុងនោះ អ្នកនាំពាក្យក្រសួងការបរទេស និងសហប្រតិបត្តិការអន្ដរជាតិ លោក ជុំ សុន្ទរី បានឲ្យដឹងថា៖ «នៅពេលដែលច្រកព្រំដែនអន្តរជាតិទាំង៣នេះ បើកដំណើរការ នឹងធ្វើឲ្យទំនាក់ទំនងកិច្ចសហប្រត្តិបត្តិការផ្នែកទេសចរណ៍, និងការដឹកជញ្ជូន រួមទាំងការផ្លាស់ប្តូរពាណិជ្ជកម្ម រវាងកម្ពុជា-ថៃ កាន់តែមានភាពល្អប្រសើរ និងផ្តល់ផលប្រយោជន៍ច្រើន ដល់ប្រជាជននៃប្រទេសទាំងពីរទៀតផង»៕