អ្នកជំនាញទស្សនវិជ្ជា៖ ការបរិហារកេរ្តិ៍នៅក្នុងបណ្ដាញសង្គម ប៉ះពាល់ទាំងសីលធម៌ និងផ្លូវច្បាប់

ជាតិ

បទយកការណ៍ / បទសម្ភាសន៍

អ្នកជំនាញទស្សនវិជ្ជា៖ ការបរិហារកេរ្តិ៍នៅក្នុងបណ្ដាញសង្គម ប៉ះពាល់ទាំងសីលធម៌ និងផ្លូវច្បាប់

10, Jun 2018 , 5:39 pm

រូបភាព

ដោយ:

ភ្នំពេញ៖ ការប្រើប្រាស់បណ្ដាញសង្គមដើម្បីផ្សព្វផ្សាយនូវរឿងអាស្រូវរបស់នរណាម្នាក់ ទាំងការសរសេរ ទាំងរូបភាព និងវីដេអូ កំពុងធ្វើឲ្យបាត់បង់នូវសីលធម៌ជាមនុស្សដែលមានការអប់រំ ឬក៏អាចប៉ះពាល់ដល់ផ្លូវច្បាប់ផងដែរ។ នេះបើតាមការបញ្ជាក់ពីលោក ប៉ា ច័ន្ទរឿន ប្រធានមជ្ឈមណ្ឌលទស្សនវិជ្ជាអនុវត្ត និងសីលធម៌កម្ពុជា។

លោក ប៉ា ច័ន្ទរឿន បានពន្យល់ថា ការប្រើប្រាស់បណ្ដាញសង្គមដើម្បីចែករំលែកព័ត៌មាន ដែលមានប្រយោជន៍ដូចជាការអប់រំ ឬការអភិវឌ្ឍ និងគំនិតឆ្នៃប្រឌិតផ្សេងៗ គឺជាភាពត្រឹមត្រូវរបស់អ្នកប្រើប្រាស់បណ្ដាញសង្គមដ៏ឈ្លាសវៃ។ ប៉ុន្តែការប្រើប្រាស់បណ្ដាញសង្គមសម្រាប់បរិហារកេរ្តិ៍បុគ្គលណាម្នាក់ គឺជារឿងដែលអ្នកខ្វះក្រមសីលធម៌ មិនមានចំណេះដឹងគ្រប់គ្រាន់ប៉ុណ្ណោះ ដែលធ្វើរឿងបែបនេះ។

ទង្វើប្រើប្រាស់ហ្វេសប៊ុកបែបអសីលធម៌នេះ មិនត្រឹមតែខុសនឹងសីលធម៌ប៉ុណ្ណោះទេ ប៉ុន្តែវាអាចប្រឈមនឹងបញ្ហាផ្លូវច្បាប់ផងដែរ ព្រោះថាការយករឿងផ្ទាល់ខ្លួនរបស់អ្នកដទៃមកផ្សព្វផ្សាយជាសាធារណៈ ក៏អាចមានន័យថា ជាការបរិហារកេរ្តិ៍ជាសាធារណៈផងដែរ។ នេះបើតាមការបញ្ជាក់ពីលោក ប៉ា ច័ន្ទរឿន ប្រធានមជ្ឈមណ្ឌលទស្សនៈវិជ្ជាអនុវត្ត និងសីលធម៌កម្ពុជា។

ដើម្បីជ្រាបកាន់តែច្បាស់ សូមលោក អ្នកនាង ស្ដាប់នូវកិច្ចសម្ភាសរវាងកញ្ញា ថាន រស្មី អ្នកសារព័ត៌មាននៃសារព័ត៌មានថ្មីៗ ជាមួយលោក ប៉ា ច័ន្ទរឿន តាមខ្សែទូរសព្ទដូចតទៅ៖