ត្រីមាសទី១ មានទេសចរអាស៊ានមកកម្ពុជា ៤៤ម៉ឺននាក់

ជាតិ

សេដ្ឋកិច្ច

ត្រីមាសទី១ មានទេសចរអាស៊ានមកកម្ពុជា ៤៤ម៉ឺននាក់

10, Jun 2018 , 10:59 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ ក្នុងរយៈពេល ៣ខែដើម ឆ្នាំ២០១៨ ភ្ញៀវទេសចរ ក្នុងតំបន់អាស៊ាន បានមកកម្សាន្តនៅកម្ពុជា សរុប ៤៤,៥ម៉ឺននាក់ ថយចុះជិត ៣ភាគរយ ធៀបនឹងរយៈពេលដូចគ្នា កាលពីឆ្នាំ២០១៧ ។ នេះបើតាមទិន្នន័យរបស់ក្រសួងទេសចរណ៍។

ក្នុងចំណោមទេសចរក្នុងតំបន់អាស៊ាន ដែលបានមកទស្សនាកម្ពុជា ក្នុងត្រីមាសទី១ ឆ្នាំនេះ ទេសចរវៀតណាមឈរនៅមុខគេ ដែលមានចំនួនជាង ១៧ម៉ឺននាក់ បន្ទាប់មកឡាវជាង ១១ម៉ឺននាក់, ថៃ៧,៤ម៉ឺននាក់, ម៉ាឡេស៊ីជិត ៤ម៉ឺននាក់, សិង្ហបុរី ១,៧៧ម៉ឺននាក់, ហ្វីលីពីន ១,៧៤ម៉ឺននាក់, ឥណ្ឌូនេស៊ី ៨៦៦៥នាក់, មីយ៉ាន់ម៉ា ៤២៩៧នាក់, ព្រុយណេមានចំនួន ១៨៣នាក់។

កម្ពុជាទទួលបានភ្ញៀវទេសចរអន្តរជាតិ សរុបចំនួន ១,៦លាននាក់ ក្នុងត្រីមាសទី១ ឆ្នាំនេះ ពោលមានកំណើនជាង ១១ភាគរយ៕