អន្តរជាតិ
ត្រាំ ប្រកាសផ្អាកសមយុទ្ធយោធានៅឧបទ្វីបកូរ៉េ ធ្វើឲ្យជប៉ុន និងកូរ៉េខាងត្បូងស្រឡាំងកាំង
រូបភាព AFP
×![]()
ដោយ: ថ្មីៗ
ប្រធានាធិបតី ដូណាល់ ត្រាំ នៅថ្ងៃទី១២ ខែមិថុនា បានផ្ដល់សម្បទានដ៏ធំឲ្យកូរ៉េខាងជើង ដោយបានប្រកាសផ្អាកសមយុទ្ធយោធាជាមួយកូរ៉េខាងត្បូង។ ការកាត់បន្ថយចំណាយ និងការបញ្ចៀសទង្វើបង្ករឿង ជាមូលហេតុដែលលោក ត្រាំ ប្រើដើម្បីផ្អាកល្បែងសង្គ្រាមនៅឧបទ្វីបកូរ៉េ។ ការប្រកាសដ៏ភ្ញាក់ផ្អើលនេះ ធ្វើឲ្យកូរ៉េខាងត្បូង និងជប៉ុនស្រឡាំងកាំង ហើយហាក់ដើរផ្ទុយពីជំហររបស់ក្រសួងការពារជាតិអាមេរិកផងដែរ។
ក្រោយជំនួបទល់មុខលើកទីមួយជាមួយមេដឹកនាំកូរ៉េខាងជើង គីម ជុងអ៊ុន នៅឯសិង្ហបុរី ប្រធានាធិបតីអាមេរិក ដូណាល់ ត្រាំ ស្រាប់តែប្រកាសបញ្ឈប់សមយុទ្ធយោធាដែលតែងតែធ្វើរៀងរាល់ឆ្នាំនៅឧបទ្វីបកូរ៉េ។ សមយុទ្ធទាំងនេះជាមានគោលដៅពង្រឹងសមត្ថភាពរបស់កងទ័ពអាមេរិក និងកូរ៉េខាងត្បូង ព្រមទាំងសាកល្បងការត្រៀមប្រយុទ្ធផង ប៉ុន្តែកូរ៉េខាងជើងចាត់ទុកជាការសកម្មភាពឈ្លានពានខ្លួន។
ក្នុងសន្និសីទសារព័ត៌មាននៅថ្ងៃទី១២ ខែមិថុនា លោក ត្រាំ និយាយថា អាមេរិកនឹងផ្អាកសមយុទ្ធយោធាដែលជួយសន្សំលុយបានយ៉ាងច្រើន ហើយម្យ៉ាងលោកគិតថា សមយុទ្ធនៅឧបទ្វីបកូរ៉េជាសកម្មភាពបង្កហេតុ។ យ៉ាងណាមិញ លោកមិនបានបញ្ជាក់ពីព័ត៌មានលម្អិត ឬពេលវេលាជាក់លាក់អ្វីឡើយ តែបានត្រឹមព្រលយពាក្យថា រង់ចាំមើលការចរចានៅថ្ងៃអនាគតនឹងដំណើរការតាមការចង់បានឬយ៉ាងណា។
ក្នុងសេចក្ដីថ្លែងការណ៍រួម មេដឹកនាំអាមេរិក និងកូរ៉េខាងជើងបានឯកភាពបន្តការជជែកដើម្បីដោះស្រាយបញ្ហានុយក្លេអ៊ែររបស់ក្រុងព្យុងយ៉ាង ស្របពេលដែលស្ថានការណ៍កំពុងអំណោយផលស្រាប់។ ដោយសារចង់ថ្នមចិត្តកូរ៉េខាងជើង ទើបលោក ត្រាំ ចង់ឲ្យលំហាត់យោធាជាមួយកូរ៉េខាងត្បូងផ្អាកសិន ដ្បិតទំនងបារម្ភកូរ៉េខាងជើងលែងចង់ចរចាវិញ។ ឯកូរ៉េខាងជើងវិញក៏ចង់ឲ្យសមយុទ្ធនៅឧបទ្វីបកូរ៉េបាត់មុខរៀងរហូតដែរ។
ការប្រកាសរបស់ប្រធានាធិបតីអាមេរិកដែលស្របតាមបំណងរបស់ក្រុងព្យុងយ៉ាង ធ្វើឲ្យក្រុងសេអ៊ូលជាសម្ព័ន្ធមិត្តភ្ញាក់ផ្អើលខ្លាំង ព្រោះលោក ត្រាំ ទំនងជាមិនបានជជែកជាមួយដៃគូរបស់ខ្លួនមុន ឬសូម្បីតែកម្លាំងទ័ពអាមេរិកនៅកូរ៉េខាងត្បូងឡើយ។ យោងតាមទីភ្នាក់ងារព័ត៌មាន Reuters វិមានប្រធានាធិបតីកូរ៉េខាងត្បូងនិយាយថា ខ្លួនចាំបាច់ស្វែងរកការបញ្ជាក់ពីអត្ថន័យពិតប្រាកដរបស់សេចក្ដីថ្លែងការណ៍លោក ត្រាំ ។ ឯរដ្ឋមន្ត្រីការពារជាតិជប៉ុនចាត់ទុកថា ការធ្វើសមយុទ្ធនេះជារឿងសំខាន់សម្រាប់សន្តិភាព និងស្ថិរភាពតំបន់ទៅវិញ។
ដោយឡែកងទ័ពអាមេរិកប្រចាំកូរ៉េខាងត្បូងអះអាងថា ខ្លួនមិនទាន់ទទួលបានព័ត៌មានណាមួយជុំវិញការប្រកាសរបស់លោក ត្រាំ ឡើយ។ ដោយសារគ្មានបញ្ជាឲ្យផ្អាកអ្វីនោះ សមយុទ្ធរួមគ្នាដ៏ធំរវាងយោធាអាមេរិក និងកូរ៉េខាងត្បូង Ulchi Freedom Guardian ទំនងជាធ្វើតាមផែនការដដែល។ នេះជាសមយុទ្ធមួយក្នុងចំណោមសមយុទ្ធប្រចាំឆ្នាំ ដែលធ្វើឲ្យកូរ៉េខាងជើងនៅមិនសុខនោះ៕
ក្រោយជំនួបទល់មុខលើកទីមួយជាមួយមេដឹកនាំកូរ៉េខាងជើង គីម ជុងអ៊ុន នៅឯសិង្ហបុរី ប្រធានាធិបតីអាមេរិក ដូណាល់ ត្រាំ ស្រាប់តែប្រកាសបញ្ឈប់សមយុទ្ធយោធាដែលតែងតែធ្វើរៀងរាល់ឆ្នាំនៅឧបទ្វីបកូរ៉េ។ សមយុទ្ធទាំងនេះជាមានគោលដៅពង្រឹងសមត្ថភាពរបស់កងទ័ពអាមេរិក និងកូរ៉េខាងត្បូង ព្រមទាំងសាកល្បងការត្រៀមប្រយុទ្ធផង ប៉ុន្តែកូរ៉េខាងជើងចាត់ទុកជាការសកម្មភាពឈ្លានពានខ្លួន។
ក្នុងសន្និសីទសារព័ត៌មាននៅថ្ងៃទី១២ ខែមិថុនា លោក ត្រាំ និយាយថា អាមេរិកនឹងផ្អាកសមយុទ្ធយោធាដែលជួយសន្សំលុយបានយ៉ាងច្រើន ហើយម្យ៉ាងលោកគិតថា សមយុទ្ធនៅឧបទ្វីបកូរ៉េជាសកម្មភាពបង្កហេតុ។ យ៉ាងណាមិញ លោកមិនបានបញ្ជាក់ពីព័ត៌មានលម្អិត ឬពេលវេលាជាក់លាក់អ្វីឡើយ តែបានត្រឹមព្រលយពាក្យថា រង់ចាំមើលការចរចានៅថ្ងៃអនាគតនឹងដំណើរការតាមការចង់បានឬយ៉ាងណា។
ក្នុងសេចក្ដីថ្លែងការណ៍រួម មេដឹកនាំអាមេរិក និងកូរ៉េខាងជើងបានឯកភាពបន្តការជជែកដើម្បីដោះស្រាយបញ្ហានុយក្លេអ៊ែររបស់ក្រុងព្យុងយ៉ាង ស្របពេលដែលស្ថានការណ៍កំពុងអំណោយផលស្រាប់។ ដោយសារចង់ថ្នមចិត្តកូរ៉េខាងជើង ទើបលោក ត្រាំ ចង់ឲ្យលំហាត់យោធាជាមួយកូរ៉េខាងត្បូងផ្អាកសិន ដ្បិតទំនងបារម្ភកូរ៉េខាងជើងលែងចង់ចរចាវិញ។ ឯកូរ៉េខាងជើងវិញក៏ចង់ឲ្យសមយុទ្ធនៅឧបទ្វីបកូរ៉េបាត់មុខរៀងរហូតដែរ។
ការប្រកាសរបស់ប្រធានាធិបតីអាមេរិកដែលស្របតាមបំណងរបស់ក្រុងព្យុងយ៉ាង ធ្វើឲ្យក្រុងសេអ៊ូលជាសម្ព័ន្ធមិត្តភ្ញាក់ផ្អើលខ្លាំង ព្រោះលោក ត្រាំ ទំនងជាមិនបានជជែកជាមួយដៃគូរបស់ខ្លួនមុន ឬសូម្បីតែកម្លាំងទ័ពអាមេរិកនៅកូរ៉េខាងត្បូងឡើយ។ យោងតាមទីភ្នាក់ងារព័ត៌មាន Reuters វិមានប្រធានាធិបតីកូរ៉េខាងត្បូងនិយាយថា ខ្លួនចាំបាច់ស្វែងរកការបញ្ជាក់ពីអត្ថន័យពិតប្រាកដរបស់សេចក្ដីថ្លែងការណ៍លោក ត្រាំ ។ ឯរដ្ឋមន្ត្រីការពារជាតិជប៉ុនចាត់ទុកថា ការធ្វើសមយុទ្ធនេះជារឿងសំខាន់សម្រាប់សន្តិភាព និងស្ថិរភាពតំបន់ទៅវិញ។
ដោយឡែកងទ័ពអាមេរិកប្រចាំកូរ៉េខាងត្បូងអះអាងថា ខ្លួនមិនទាន់ទទួលបានព័ត៌មានណាមួយជុំវិញការប្រកាសរបស់លោក ត្រាំ ឡើយ។ ដោយសារគ្មានបញ្ជាឲ្យផ្អាកអ្វីនោះ សមយុទ្ធរួមគ្នាដ៏ធំរវាងយោធាអាមេរិក និងកូរ៉េខាងត្បូង Ulchi Freedom Guardian ទំនងជាធ្វើតាមផែនការដដែល។ នេះជាសមយុទ្ធមួយក្នុងចំណោមសមយុទ្ធប្រចាំឆ្នាំ ដែលធ្វើឲ្យកូរ៉េខាងជើងនៅមិនសុខនោះ៕
© រក្សាសិទ្ធិដោយ thmeythmey.com
