ជាតិ
ថ្ម «សុច្ឆន្ទៈ» ពីឋានព្រះចន្ទ នឹងដាក់បង្ហាញនៅសារមន្ទីរជាតិកម្ពុជា នៅថ្ងៃទី១៨ ខែមិថុនា
× ស្ថានទូតអាមេរិក និងសារមន្ទីរជាតិនៃកម្ពុជា នឹងធ្វើពិធីបើកសម្ពោធពិព័រណ៍ ដែលមានតាំងថ្មនៅឋានព្រះចន្ទ«សុច្ឆន្ទៈ» (Goodwill Moon Rock) ដែលរដ្ឋាភិបាលអាមេរិក បានប្រគល់ឲ្យកម្ពុជា តាំងពីឆ្នាំ១៩៧៣ សម្រាប់ជាចំណងការទូតរវាងប្រទេសទាំងពីរ។ ការដាក់តាំងថ្មឋានព្រះចន្ទ «សុច្ឆន្ទៈ» គឺជាផ្នែកមួយនៃខួបលើកទី១០០ ដែលនឹងធ្វើឡើង នៅថ្ងៃទី១៨ ខែមិថុនា នៅសារមន្ទីរជាតិកម្ពុជា ដោយសហការជាមួយ សាលាបារាំងចុងបូពា៍។
ថ្មព្រះចន្ទ «សុច្ឆន្ទៈ» នេះ គឺជាអំណោយបានពីសហរដ្ឋអាមេរិក តាមរយៈលោក Emory Swank ឯកអគ្គររដ្ឋទូតសហរដ្ឋអាមេរិកប្រចាំកម្ពុជា អមជាមួយលិខិតមួយច្បាប់ ពីអតីតប្រធានាធិបតី Nixon ប្រគល់ជូន លោក កែវ សង់គីម រដ្ឋមន្ត្រីក្រសួងអប់រំជាតិកម្ពុជា កាលពីថ្ងៃទី១៩ ខែកក្កដា ឆ្នាំ១៩៧៣។
ក្នុងផ្នែកមួយនៃលិខិតរបស់លោក Nixon ដែលផ្ញើមកលោក កែវ សង់គីម បានរំលេចឃ្លា ដែលចង់សំដៅលើអត្ថន័យថ្មព្រះច័ន្ទ «សុឆន្ទៈ» យ៉ាងដូច្នេះថា៖«បើមនុស្សនៃប្រជាជាតិជាច្រើនអាចធ្វើរួមគ្នាដើម្បីសម្រេចក្តីសុបិនរបស់មនុស្សជាតិនៅក្នុងអវកាសបាន ជាការពិតណាស់ យើងអាចធ្វើរួមគ្នា ដើម្បីសម្រេចក្តីសុបិនរបស់មនុស្សជាតិ ដែលចង់បានសន្តិភាពនៅលើផែនដីនេះបាន»។
ថ្មព្រះច័ន្ទ «សុឆន្ទះ» នេះត្រូវបាន អ្នកអវកាសសហរដ្ឋអាមេរិក បានយកមកពីឋានព្រះច័ន្ទ ក្នុងអំឡុងពេលបំពេញបេសកម្មអាប៉ូឡូ កាលពីខែធ្នូ ឆ្នាំ១៩៧២ មកម្លេះ៕
Tag:
ភ្នំពេញ
ទូតអាមេរិក
សារមន្ទីរជាតិកម្ពុជា
ឋានព្រះចន្ទ
សុច្ឆន្ទៈ
© រក្សាសិទ្ធិដោយ thmeythmey.com