កីឡាជាតិ
ជាតិ
Privat ជួយឲ្យអាស៊ីអឺរ៉ុបឈ្នះស្វាយរៀង ខណៈក្រុមទាំងពីរបាត់បង់សមាជិកម្នាក់នៅដើមតង់
កីឡាករអាស៊ីអឺរ៉ុបអបអរគ្រាប់បាល់ទីពីររបស់ Privat។ រូបថត Capture ពីកម្ពុជាថ្មី
×![]()
ខ្សែប្រយុទ្ធកាមេរូន Befolo Mbarga Jean Marie Privat នៅតែជាកម្លាំងដ៏មុតស្រួចសម្រាប់ក្រុមអាស៊ីអឺរ៉ុប ក្រោយរូបគេរកបានពីរគ្រាប់តែឯង នាជំនួបយកឈ្នះព្រះខ័នរាជស្វាយរៀង ២-១ នៃពានរង្វាន់ក្របខណ្ឌមិត្តហ្វូនខេមបូឌានលីគនៅរសៀលថ្ងៃទី១៦ ខែមិថុនា ឆ្នាំ២០១៨។ កីឡាករ២រូបត្រូវបានអាជ្ញាកណ្តាលបណ្តេញចេញពីទីលានប្រកួតត្រឹម៦នាទីដំបូងនៃតង់ទី១។ 
ជំនួបរវាងម្ចាស់ផ្ទះអាស៊ីអឺរ៉ុបជាមួយក្រុមព្រះខ័នរាជស្វាយរៀងបានចាប់ផ្តើមការប្រកួតជាមួយភាពក្តៅគគុក បន្ទាប់ពីកីឡាករពីររូបរបស់ក្លិបទាំងពីរ គឺកីឡាករ អ៊ុន ជី និង លី សារ័ត្ន ត្រូវបានអាជ្ញាកណ្តាលលោក លឹម ប៊ុនធឿន ពិន័យកាតក្រហមបណ្តេញចេញពីទីលានប្រកួតត្រឹម៦នាទីដំបូងនៃតង់ទី១។ បញ្ហានេះ បានកើតឡើងបន្ទាប់ពីកីឡាករ លី សារ័ត្ន របស់ព្រះខ័នរាជស្វាយរៀងវាយកីឡាករ អ៊ុន ជី របស់ម្ចាស់ផ្ទះ ក្រោយកីឡាកររូបនេះលោតទៅឈូសបាល់ធ្វើឲ្យរូបគេដួលទាំងជំហរ។
ទោះបីមានការតវ៉ាពីគ្រូបង្វឹកនិងកីឡាកររបស់ម្ចាស់ផ្ទះពាក់ព័ន្ធការពិន័យកាតក្រហមនេះក៏ដោយ តែការប្រកួតបានប្រព្រឹត្តទៅធម្មតាជាមួយសមាជិក១០រូបម្ខាងរៀងៗខ្លួន។ ខ្សែប្រយុទ្ធអាហ្វ្រិកខាងត្បូង Booysen Shane បានសម្រេចគ្រាប់បាល់នាំមុខ ១-០ ឲ្យព្រះខ័នរាជស្វាយរៀងនៅនាទីទី៣៥ ក្រោមការបញ្ជូនយ៉ាងល្អរបស់កីឡាករ នេន សុធារ័ត្ន មុនចប់តង់ទី១។
ការប្រកួតតង់ទី២ចាប់ផ្តើមមិន១នាទីស្រួលបួលផង ខ្សែប្រយុទ្ធកាមេរូន Befolo Mbarga Jean Marie Privat បានរកគ្រាប់បាល់តាមស្មើ ១-១ សម្រាប់ម្ចាស់ផ្ទះ។ នៅនាទីទី៨៥ ខ្សែប្រយុទ្ធរូបនេះរកបាន១គ្រាប់បន្ថែម ដើម្បីនាំជ័យជម្នះ ២-១ សម្រាប់ម្ចាស់ផ្ទះអាស៊ីអឺរ៉ុប៕
ជំនួបរវាងម្ចាស់ផ្ទះអាស៊ីអឺរ៉ុបជាមួយក្រុមព្រះខ័នរាជស្វាយរៀងបានចាប់ផ្តើមការប្រកួតជាមួយភាពក្តៅគគុក បន្ទាប់ពីកីឡាករពីររូបរបស់ក្លិបទាំងពីរ គឺកីឡាករ អ៊ុន ជី និង លី សារ័ត្ន ត្រូវបានអាជ្ញាកណ្តាលលោក លឹម ប៊ុនធឿន ពិន័យកាតក្រហមបណ្តេញចេញពីទីលានប្រកួតត្រឹម៦នាទីដំបូងនៃតង់ទី១។ បញ្ហានេះ បានកើតឡើងបន្ទាប់ពីកីឡាករ លី សារ័ត្ន របស់ព្រះខ័នរាជស្វាយរៀងវាយកីឡាករ អ៊ុន ជី របស់ម្ចាស់ផ្ទះ ក្រោយកីឡាកររូបនេះលោតទៅឈូសបាល់ធ្វើឲ្យរូបគេដួលទាំងជំហរ។
ទោះបីមានការតវ៉ាពីគ្រូបង្វឹកនិងកីឡាកររបស់ម្ចាស់ផ្ទះពាក់ព័ន្ធការពិន័យកាតក្រហមនេះក៏ដោយ តែការប្រកួតបានប្រព្រឹត្តទៅធម្មតាជាមួយសមាជិក១០រូបម្ខាងរៀងៗខ្លួន។ ខ្សែប្រយុទ្ធអាហ្វ្រិកខាងត្បូង Booysen Shane បានសម្រេចគ្រាប់បាល់នាំមុខ ១-០ ឲ្យព្រះខ័នរាជស្វាយរៀងនៅនាទីទី៣៥ ក្រោមការបញ្ជូនយ៉ាងល្អរបស់កីឡាករ នេន សុធារ័ត្ន មុនចប់តង់ទី១។
ការប្រកួតតង់ទី២ចាប់ផ្តើមមិន១នាទីស្រួលបួលផង ខ្សែប្រយុទ្ធកាមេរូន Befolo Mbarga Jean Marie Privat បានរកគ្រាប់បាល់តាមស្មើ ១-១ សម្រាប់ម្ចាស់ផ្ទះ។ នៅនាទីទី៨៥ ខ្សែប្រយុទ្ធរូបនេះរកបាន១គ្រាប់បន្ថែម ដើម្បីនាំជ័យជម្នះ ២-១ សម្រាប់ម្ចាស់ផ្ទះអាស៊ីអឺរ៉ុប៕
Tag:
Cambodian League 2018
Privat
© រក្សាសិទ្ធិដោយ thmeythmey.com
