ជាតិ
×![]()
ដោយ: ថ្មីៗ
រដ្ឋសភា ជួយរៀបចំពិធីបុណ្យសពអ្នកម្នាង អ៊ុក ផល្លា ភរិយារបស់សម្តេចក្រុមព្រះ នរោត្តម រណឫទ្ធិ ដែលបានសោយទិវង្គត ក្រោយជួបគ្រោះថ្នាក់ចរាចរណ៍ នៅខេត្តព្រះសីហនុ កាលពីថ្ងៃទី១៧ ខែមិថុនា។ នេះជាការអះអាងរបស់លោក ឡេង ប៉េងឡុង អ្នកនាំពាក្យរដ្ឋសភា។
លោក ឡេង ប៉េងឡុង ប្រាប់សារព័ត៌មានថ្មីៗតាមទូរសព្ទថា រដ្ឋសភា ក៏អាចផ្តល់ថវិកាមួយចំនួន សម្រាប់ចូលរួមពិធីបុណ្យសពរបស់អ្នកម្នាក់ដែរ។ ប៉ុន្តែ លោក មិនទាន់អាចបញ្ជាក់បានឡើយថា ថវិកានោះ មានចំនួនប៉ុន្មាន។ លោក បន្ថែមថា នឹងមានតំណាងរាស្ត្រ និងថ្នាក់ដឹកនាំរដ្ឋសភា ទៅចូលរួមគោរពវិញ្ញាណក្ខន្ធអ្នកម្នាង។
យ៉ាងណាក៏ដោយ អ្នកនាំពាក្យខាងលើ បញ្ជាក់ថា ការជួយចូលរួមចាត់ចែងពិធីបុណ្យនេះ មិនមែនជាកាតព្វកិច្ច ឬក៏ជាបទបញ្ជាផ្ទៃក្នុងរបស់រដ្ឋសភានោះទេ ពីព្រោះអ្នកម្នាងមិនមែនជាតំណាងរាស្ត្រ។ លោក លើកឡើងថា ការជួយនេះ កើតឡើងពីមនោសញ្ចេតនា។ លោក មានប្រសាសន៍យ៉ាងដូច្នេះថា៖«យើង នឹងជួយចាត់ចែង តាមតែអាចធ្វើទៅបាន ហើយការធ្វើនេះ គឺធ្វើឡើងដោយមនោសញ្ចេតនា»។
លោក ឡេង ប៉េងឡុង បន្តថា មានតែសម្តេចក្រុមព្រះ នរោត្តម រណឫទ្ធិ ដែលជាស្វាមីរបស់អ្នកម្នាងទេ ទើបរដ្ឋសភា មានកាតព្វកិច្ច ត្រូវជួយ ជាពិសេសពាក់ព័ន្ធនឹងការចំណាយលើថ្លៃព្យាបាល ពីព្រោះទ្រង់គឺជាតំណាងរាស្ត្រ។ លោក និយាយថា រដ្ឋសភា បានផ្តល់ធានារ៉ាប់រងដល់ព្រះអង្គ ដូច្នេះទាក់ទងនឹងថ្លៃព្យាបាល គឺក្រុមហ៊ុនធានារ៉ាប់រង ជាអ្នកចំណាយ។
គួរបញ្ជាក់ថា បច្ចុប្បន្ន សម្តេចក្រុមព្រះ កំពុងសម្រាកព្យាបាលនៅប្រទេសថៃ បន្ទាប់ពីជួបគ្រោះថ្នាក់ចរាចរណ៍ជាមួយអ្នកម្នាង អ៊ុក ផល្លា។ មន្ត្រីរបស់ព្រះអង្គ មិនទាន់ហ៊ានផ្តល់ដំណឹងពីមរណភាពរបស់អ្នកម្នាង ទៅដល់ព្រះអង្គនោះទេ ព្រោះអាចប៉ះពាល់ដល់អារម្មណ៍និងសុខភាពរបស់ទ្រង់។ បើតាមន្ត្រីជាន់ខ្ពស់គណបក្សហ្វ៊ុនស៊ិនប៉ិច សពអ្នកម្នាង ដែលកំពុងតម្កល់នៅវត្តបទុមវត្តី រាជធានីភ្នំពេញ នឹងត្រូវបូជា នៅថ្ងៃទី២០ ខែមិថុនា ខាងមុខនេះហើយ៕
លោក ឡេង ប៉េងឡុង ប្រាប់សារព័ត៌មានថ្មីៗតាមទូរសព្ទថា រដ្ឋសភា ក៏អាចផ្តល់ថវិកាមួយចំនួន សម្រាប់ចូលរួមពិធីបុណ្យសពរបស់អ្នកម្នាក់ដែរ។ ប៉ុន្តែ លោក មិនទាន់អាចបញ្ជាក់បានឡើយថា ថវិកានោះ មានចំនួនប៉ុន្មាន។ លោក បន្ថែមថា នឹងមានតំណាងរាស្ត្រ និងថ្នាក់ដឹកនាំរដ្ឋសភា ទៅចូលរួមគោរពវិញ្ញាណក្ខន្ធអ្នកម្នាង។
យ៉ាងណាក៏ដោយ អ្នកនាំពាក្យខាងលើ បញ្ជាក់ថា ការជួយចូលរួមចាត់ចែងពិធីបុណ្យនេះ មិនមែនជាកាតព្វកិច្ច ឬក៏ជាបទបញ្ជាផ្ទៃក្នុងរបស់រដ្ឋសភានោះទេ ពីព្រោះអ្នកម្នាងមិនមែនជាតំណាងរាស្ត្រ។ លោក លើកឡើងថា ការជួយនេះ កើតឡើងពីមនោសញ្ចេតនា។ លោក មានប្រសាសន៍យ៉ាងដូច្នេះថា៖«យើង នឹងជួយចាត់ចែង តាមតែអាចធ្វើទៅបាន ហើយការធ្វើនេះ គឺធ្វើឡើងដោយមនោសញ្ចេតនា»។
លោក ឡេង ប៉េងឡុង បន្តថា មានតែសម្តេចក្រុមព្រះ នរោត្តម រណឫទ្ធិ ដែលជាស្វាមីរបស់អ្នកម្នាងទេ ទើបរដ្ឋសភា មានកាតព្វកិច្ច ត្រូវជួយ ជាពិសេសពាក់ព័ន្ធនឹងការចំណាយលើថ្លៃព្យាបាល ពីព្រោះទ្រង់គឺជាតំណាងរាស្ត្រ។ លោក និយាយថា រដ្ឋសភា បានផ្តល់ធានារ៉ាប់រងដល់ព្រះអង្គ ដូច្នេះទាក់ទងនឹងថ្លៃព្យាបាល គឺក្រុមហ៊ុនធានារ៉ាប់រង ជាអ្នកចំណាយ។
គួរបញ្ជាក់ថា បច្ចុប្បន្ន សម្តេចក្រុមព្រះ កំពុងសម្រាកព្យាបាលនៅប្រទេសថៃ បន្ទាប់ពីជួបគ្រោះថ្នាក់ចរាចរណ៍ជាមួយអ្នកម្នាង អ៊ុក ផល្លា។ មន្ត្រីរបស់ព្រះអង្គ មិនទាន់ហ៊ានផ្តល់ដំណឹងពីមរណភាពរបស់អ្នកម្នាង ទៅដល់ព្រះអង្គនោះទេ ព្រោះអាចប៉ះពាល់ដល់អារម្មណ៍និងសុខភាពរបស់ទ្រង់។ បើតាមន្ត្រីជាន់ខ្ពស់គណបក្សហ្វ៊ុនស៊ិនប៉ិច សពអ្នកម្នាង ដែលកំពុងតម្កល់នៅវត្តបទុមវត្តី រាជធានីភ្នំពេញ នឹងត្រូវបូជា នៅថ្ងៃទី២០ ខែមិថុនា ខាងមុខនេះហើយ៕
Tag:
អ៊ុក ផល្លា
ឡេង ប៉េងឡុង
សម្តេចក្រុមព្រះ
© រក្សាសិទ្ធិដោយ thmeythmey.com
