ជាតិ
ទឹកប្រាក់ជាង២២លានដុល្លារសម្រាប់ការសាងសង់ស្ពានអាកាសនៅចំណុចរង្វង់មូលចោមចៅ រូបភាពពីក្រុមសារព័ត៌មាន
× ភ្នំពេញ៖ នៅក្នុងពិធីសម្ពោធការដ្ឋានសាងសង់ស្ពានអាកាស នៅរង្វង់មូលចោមចៅ ព្រឹកថ្ងៃទី២៩ ខែមិថុនា សម្តេច ហ៊ុន សែន នាយករដ្ឋមន្ត្រីកម្ពុជា បានបញ្ជាក់ពីទំហំទឹកប្រាក់ប្រមាណជាង២២លានដុល្លារ សម្រាប់ដំណើរការសាងសង់ស្ពានអាកាសនេះ ដើម្បីកាត់បន្ថយការកកស្ទះចរាចរណ៍នៅរាជធានីភ្នំពេញ។
លោក ម៉េត មាសភក្តី អ្នកនាំពាក្យសាលាក្រុងរាជធានីភ្នំពេញ បាននិយាយប្រាប់សារព័ត៌មាន ThmeyThmey ថា ស្ពានអាកាសនេះនឹងចំណាយរយៈពេលសាងសង់ចំនួន ៣០ខែ ដែលស្មើនឹង២ឆ្នាំ៥ខែ ទើបរួចរាល់។
បន្ថែមពីនេះទៀត សាលារាជធានីភ្នំពេញ បានស្នើឲ្យអ្នកបើកបរ និងជាម្ចាស់រថយន្តដឹកទំនិញគ្រប់ប្រភេទ ដែលធ្វើដំណើរចេញចូលតាមផ្លូវជាតិលេខ៣ និងលេខ៤ ផ្លូវវេងស្រេង និងបណ្តោយផ្លូវសហព័ន្ធរុស្សីទៅកាន់រង្វង់មូលចោមចៅ ត្រូវមានការប្រុងប្រយ័ត្នខ្ពស់ និងគួរគប្បីបញ្ចៀសផ្លូវផ្សេង ដើម្បីចៀសផុតពីគ្រោះថ្នាក់ជាយថាហេតុកើតឡើង។
គួរបញ្ជាក់ថា ស្ពានអាកាសនៅត្រង់រង្វង់មូលចោមចៅ នឹងគ្រោងលេចឡើងនេះ គឺជាស្ពានអាកាសទី៦ ហើយ។ កន្លងមករាជរដ្ឋាភិបាលកម្ពុជាបានសាងសង់ចំនួន៥ រួមមាន ស្ពានអាកាសក្បាលថ្នល់, ស្ពានអាកាស៧មករា,ស្ពានអាកាសស្ទឹងមានជ័យ, ស្ពានអាកាស៥មករា និងស្ពានអាកាសទឹកថ្លា៕
Tag:
ស្ពានអាកាស
រង្វង់មូលចោមចៅ
© រក្សាសិទ្ធិដោយ thmeythmey.com