អន្តរជាតិ
ថៅកែម្នាក់ឲ្យលុយបុគ្គលិកម្នាក់ៗ ជាង៣៥០០ដុល្លារ ពេលក្រុមហ៊ុនប្រារព្ធខួប៤០ឆ្នាំ
លោក Francois Gourdon ប្រធានស្ថាបនិកក្រុមហ៊ុនផ្គត់ផ្គង់សម្ភារការពារបរិស្ថាន Environnement SA របស់បារាំង
×![]()
ដោយ: ធីតា
លោក Francois Gourdon ប្រធានស្ថាបនិកក្រុមហ៊ុនផ្គត់ផ្គង់សម្ភារការពារបរិស្ថាន Environnement SA របស់បារាំង បានផ្តល់ភាពភ្ញាក់ផ្អើលសម្រាប់បុគ្គលិកខ្លួននៅទូទាំងពិភពលោក តាមរយៈការផ្តល់ទឹកប្រាក់ចំនួន៣០០០អឺរ៉ូ [ជាង៣៥០០ដុល្លារអាមេរិក] ដល់រាល់បុគ្គលិកទាំងអស់របស់ខ្លួនសម្រាប់ការចូលហ៊ុន។ ការផ្តល់នេះ មានតម្លៃសរុបប្រមាណ៣លានអឺរ៉ូ [ជាង៣.៥លានដុល្លារអាមេរិក]។
«ដើម្បីប្រារព្ធខួប៤០ឆ្នាំនៃការបង្កើតក្រុមហ៊ុន Environnement SA ខ្ញុំប្រកាសដល់បុគ្គលិកទាំងអស់ ដោយម្នាក់ៗទទួលបាន៤០ហ៊ុន ឬទឹកប្រាក់៣០០០អឺរ៉ូ ដោយឥតគិតថ្លៃ»។ នេះជាការបញ្ជាក់របស់លោក Francois Gourdon ប្រាប់កាសែត Le Parisien នាពិធីជប់លៀងមួយរបស់ក្រុមហ៊ុន កាលពីថ្ងៃទី២៨ ខែមិថុនា។
បង្កើតឡើងនៅឆ្នាំ១៩៧៨ ក្រុមហ៊ុន Environnement SA របស់បារាំង ទទួលបានជោគជ័យជាបន្តនៅលើទីផ្សារផ្នែកផ្គត់ផ្គង់សម្ភារការពារបរិស្ថាន។ «ខ្ញុំបានសម្រេចលើកទឹកចិត្តបុគ្គលិកបែបនេះ ដើម្បីពង្រឹងការងាររួមគ្នាជាក្រុម សំដៅលើការរីកចម្រើនបន្ថែមទៀតរបស់ក្រុមហ៊ុន»។ នេះជាការបញ្ជាក់របស់លោក Gourdon ។
សម្រាប់បុគ្គលិកប្រមាណ៦០០នាក់ដែលក្នុងនោះ១៨០នាក់បម្រើការនៅការិយាល័យកណ្តាលនៅតំបន់ Poissy ជាយក្រុងប៉ារីស និងជាច្រើននាក់ទៀតបម្រើការនៅសាខាក្នុងប្រទេសឥណ្ឌា ចិន អង់គ្លេស និងអាមេរិក លោក Gourdon ត្រូវចំណាយថវិកាផ្ទាល់ខ្លួនប្រមាណ៣លានអឺរ៉ូ។
វត្តមាននៅលើទីផ្សារក្នុង៧០ប្រទេស ក្រុមហ៊ុន Environnement SA ជាក្រុមហ៊ុននាំមុខគេនៅអឺរ៉ុប និងលេខ២លើពិភពលោក លើសេវាកម្មគ្រប់គ្រងការបំពុលបរិស្ថាន និងសម្អាតគុណភាពខ្យល់។ ក្រុមហ៊ុនផលិតឧបករណ៍ប្រមាណ៣០០០គ្រឿងក្នុង១ឆ្នាំហើយត្រូវបំពាក់នៅកាតា ខណៈប្រទេសមួយនេះរៀបចំព្រឹត្តិការណ៍ World Cup នាឆ្នាំ២០២២ ខាងមុខ។
ចូលក្នុងទីផ្សារភាគហ៊ុនចាប់ពីឆ្នាំ២០០៦មក ក្រុមហ៊ុន Environnement SA នឹងត្រូវប្តូរឈ្មោះទៅជា Envea ពីខែកក្កដា តទៅ។ នេះបើតាមការអះអាងរបស់លោក Gourdon៕
«ដើម្បីប្រារព្ធខួប៤០ឆ្នាំនៃការបង្កើតក្រុមហ៊ុន Environnement SA ខ្ញុំប្រកាសដល់បុគ្គលិកទាំងអស់ ដោយម្នាក់ៗទទួលបាន៤០ហ៊ុន ឬទឹកប្រាក់៣០០០អឺរ៉ូ ដោយឥតគិតថ្លៃ»។ នេះជាការបញ្ជាក់របស់លោក Francois Gourdon ប្រាប់កាសែត Le Parisien នាពិធីជប់លៀងមួយរបស់ក្រុមហ៊ុន កាលពីថ្ងៃទី២៨ ខែមិថុនា។
បង្កើតឡើងនៅឆ្នាំ១៩៧៨ ក្រុមហ៊ុន Environnement SA របស់បារាំង ទទួលបានជោគជ័យជាបន្តនៅលើទីផ្សារផ្នែកផ្គត់ផ្គង់សម្ភារការពារបរិស្ថាន។ «ខ្ញុំបានសម្រេចលើកទឹកចិត្តបុគ្គលិកបែបនេះ ដើម្បីពង្រឹងការងាររួមគ្នាជាក្រុម សំដៅលើការរីកចម្រើនបន្ថែមទៀតរបស់ក្រុមហ៊ុន»។ នេះជាការបញ្ជាក់របស់លោក Gourdon ។
សម្រាប់បុគ្គលិកប្រមាណ៦០០នាក់ដែលក្នុងនោះ១៨០នាក់បម្រើការនៅការិយាល័យកណ្តាលនៅតំបន់ Poissy ជាយក្រុងប៉ារីស និងជាច្រើននាក់ទៀតបម្រើការនៅសាខាក្នុងប្រទេសឥណ្ឌា ចិន អង់គ្លេស និងអាមេរិក លោក Gourdon ត្រូវចំណាយថវិកាផ្ទាល់ខ្លួនប្រមាណ៣លានអឺរ៉ូ។
វត្តមាននៅលើទីផ្សារក្នុង៧០ប្រទេស ក្រុមហ៊ុន Environnement SA ជាក្រុមហ៊ុននាំមុខគេនៅអឺរ៉ុប និងលេខ២លើពិភពលោក លើសេវាកម្មគ្រប់គ្រងការបំពុលបរិស្ថាន និងសម្អាតគុណភាពខ្យល់។ ក្រុមហ៊ុនផលិតឧបករណ៍ប្រមាណ៣០០០គ្រឿងក្នុង១ឆ្នាំហើយត្រូវបំពាក់នៅកាតា ខណៈប្រទេសមួយនេះរៀបចំព្រឹត្តិការណ៍ World Cup នាឆ្នាំ២០២២ ខាងមុខ។
ចូលក្នុងទីផ្សារភាគហ៊ុនចាប់ពីឆ្នាំ២០០៦មក ក្រុមហ៊ុន Environnement SA នឹងត្រូវប្តូរឈ្មោះទៅជា Envea ពីខែកក្កដា តទៅ។ នេះបើតាមការអះអាងរបស់លោក Gourdon៕
Tag:
បរិស្ថាន
បារាំង
© រក្សាសិទ្ធិដោយ thmeythmey.com
