អន្តរជាតិ
អភិបាលខេត្តឈៀងរ៉ៃ៖ ក្មេងដែលបាត់ខ្លួនប្រាំបួនថ្ងៃត្រូវបានរកឃើញ និងមានសុវត្ថិភាព
រូបភាព៖ Tossapol
×![]()
ដោយ: ថ្មីៗ
អភិបាលខេត្តឈៀងរ៉ៃបានប្រាប់អ្នកសារព័ត៌មាននៅយប់ថ្ងៃចន្ទ ទី ២ ខែកក្កដានេះថា ក្មេងប្រុសៗសមាជិកក្រុមបាល់ទាត់ទាំង ១២ នាក់ និងគ្រូបង្វឹកម្នាក់ដែលបានបាត់ខ្លួនអស់ប្រាំបួនថ្ងៃនោះត្រូវបានរកឃើញហើយ ហើយពួកគេមានសុវត្ថិភាពធម្មតាទេ។ នេះបើតាមការផ្សាយរបស់សារព័ត៌មានថៃ Spring News។
តាមការឲ្យដឹងពីអភិបាលខេត្តឈៀងរ៉ៃលោក Narongsak Osottanakhorn ក្រុមក្មេងៗដែលជាជនរងគ្រោះនោះត្រូវបានគេប្រទះឃើញស្ថិតនៅទីទួលដែលស្ថិតក្នុងរូងភ្នំ Tham Luang (មានឈ្មោះក្រៅផ្លូវការថា ឆ្នេរប៉ាតាយ៉ា)។ មកដល់ពេលនេះ ខាងអាជ្ញាធរបានបញ្ជូនចំណីអាហារ ក៏ដូចជាក្រុមគ្រូពេទ្យចូលទៅសង្គ្រោះ និងពិនិត្យសុខភាពរបស់ជនរងគ្រោះទាំងនោះដើម្បីធានាថា ការនាំពួកគេចេញអាចធ្វើទៅបានភ្លាមៗនោះ។
លោក Osottanakhorn បានថ្លែងដូច្នេះ៖«យើងបានរកឃើញមនុស្សទាំង ១៣នាក់។ យើងនឹងមើលថែទាំពួកគេទាំងអស់រហូតដល់ពួកគេអាចធ្វើចលនា និងផ្លាស់ទីបានជាធម្មតា»។
បើតាមសារព័ត៌មានថៃ Thai PBS ក្រោយការប្រកាសរបស់អភិបាលខេត្តថា ក្មេងៗ មិនមានគ្រោះថ្នាក់ និងមានសុវត្ថិភាពជាធម្មតាទេនោះ គេឃើញបងប្អូន សាច់ញាតិ ឪពុកម្តាយរបស់ក្មេងៗជាជនរងគ្រោះនាំគ្នាសាទរ និងបង្ហាញក្តីរីករាយខ្លាំងផងដែរ។
ទោះជាបែបណាក្តី អភិបាលខេត្តរូបនេះបានសង្កត់ធ្ងន់ផងដែរថា បញ្ហាសំខាន់នៅពេលនេះគឺ ធ្វើយ៉ាងណាបន្តប្រតិបត្តិការសង្គ្រោះ និង រកវិធីជួយនាំក្មេងៗទាំងនោះចេញមកក្រៅដោយសុវត្ថិភាព ខណៈដែលទឹកអាចបន្តកើនឡើងនោះ។ ខាងក្រុមសង្គ្រោះដឹងច្បាស់ថា ក្រុមក្មេងៗមិនសូវមានកម្លាំងឡើយ ដូច្នេះហើយវាជារឿងលំបាកដែលពេលនាំពួកគេមុជទឹកដើម្បីចេញពីរូងភ្នំភ្លាមៗនោះ។
សូមបញ្ជាក់់ថា ក្មេងប្រុសដែលមានអាយុចន្លោះពី ១១ទៅ១៦ឆ្នាំនិងគ្រូបង្វឹកវ័យ ២៥ ឆ្នាំរបស់ពួកគេបានបាត់ខ្លួនកាលពីថ្ងៃទី ២៣ ខែមិថុនា អំឡុងពេលចូលទៅក្នុងរូងភ្នំ Tham Luang Nang Non ដែលមានប្រវែង ១០ គីឡូម៉ែត្រ ស្ថិតក្នុងស្រុកម៉ៃសៃ ខេត្តឈៀងរ៉ៃ ភាគខាងជើងប្រទេសថៃ។ មុននឹងរកឃើញពួកគេ ប្រតិបត្តិការស្វែងរកនេះត្រូវចំណាយពេលវេលាអស់ប្រហែល ២២០ ម៉ោង។ ក្រៅពីកងទ័ពជើងទឹកថៃ ទាហានអាមេរិក ទាហានអូស្ត្រាលី អ្នកជំនាញរូងភ្នំអង់គ្លេស និងក្រុមសង្រ្គោះជីវិតរបស់ចិនក៏ស្ថិតក្នុងប្រតិបត្តិការនេះដូចគ្នា៕
តាមការឲ្យដឹងពីអភិបាលខេត្តឈៀងរ៉ៃលោក Narongsak Osottanakhorn ក្រុមក្មេងៗដែលជាជនរងគ្រោះនោះត្រូវបានគេប្រទះឃើញស្ថិតនៅទីទួលដែលស្ថិតក្នុងរូងភ្នំ Tham Luang (មានឈ្មោះក្រៅផ្លូវការថា ឆ្នេរប៉ាតាយ៉ា)។ មកដល់ពេលនេះ ខាងអាជ្ញាធរបានបញ្ជូនចំណីអាហារ ក៏ដូចជាក្រុមគ្រូពេទ្យចូលទៅសង្គ្រោះ និងពិនិត្យសុខភាពរបស់ជនរងគ្រោះទាំងនោះដើម្បីធានាថា ការនាំពួកគេចេញអាចធ្វើទៅបានភ្លាមៗនោះ។
លោក Osottanakhorn បានថ្លែងដូច្នេះ៖«យើងបានរកឃើញមនុស្សទាំង ១៣នាក់។ យើងនឹងមើលថែទាំពួកគេទាំងអស់រហូតដល់ពួកគេអាចធ្វើចលនា និងផ្លាស់ទីបានជាធម្មតា»។
បើតាមសារព័ត៌មានថៃ Thai PBS ក្រោយការប្រកាសរបស់អភិបាលខេត្តថា ក្មេងៗ មិនមានគ្រោះថ្នាក់ និងមានសុវត្ថិភាពជាធម្មតាទេនោះ គេឃើញបងប្អូន សាច់ញាតិ ឪពុកម្តាយរបស់ក្មេងៗជាជនរងគ្រោះនាំគ្នាសាទរ និងបង្ហាញក្តីរីករាយខ្លាំងផងដែរ។
ទោះជាបែបណាក្តី អភិបាលខេត្តរូបនេះបានសង្កត់ធ្ងន់ផងដែរថា បញ្ហាសំខាន់នៅពេលនេះគឺ ធ្វើយ៉ាងណាបន្តប្រតិបត្តិការសង្គ្រោះ និង រកវិធីជួយនាំក្មេងៗទាំងនោះចេញមកក្រៅដោយសុវត្ថិភាព ខណៈដែលទឹកអាចបន្តកើនឡើងនោះ។ ខាងក្រុមសង្គ្រោះដឹងច្បាស់ថា ក្រុមក្មេងៗមិនសូវមានកម្លាំងឡើយ ដូច្នេះហើយវាជារឿងលំបាកដែលពេលនាំពួកគេមុជទឹកដើម្បីចេញពីរូងភ្នំភ្លាមៗនោះ។
សូមបញ្ជាក់់ថា ក្មេងប្រុសដែលមានអាយុចន្លោះពី ១១ទៅ១៦ឆ្នាំនិងគ្រូបង្វឹកវ័យ ២៥ ឆ្នាំរបស់ពួកគេបានបាត់ខ្លួនកាលពីថ្ងៃទី ២៣ ខែមិថុនា អំឡុងពេលចូលទៅក្នុងរូងភ្នំ Tham Luang Nang Non ដែលមានប្រវែង ១០ គីឡូម៉ែត្រ ស្ថិតក្នុងស្រុកម៉ៃសៃ ខេត្តឈៀងរ៉ៃ ភាគខាងជើងប្រទេសថៃ។ មុននឹងរកឃើញពួកគេ ប្រតិបត្តិការស្វែងរកនេះត្រូវចំណាយពេលវេលាអស់ប្រហែល ២២០ ម៉ោង។ ក្រៅពីកងទ័ពជើងទឹកថៃ ទាហានអាមេរិក ទាហានអូស្ត្រាលី អ្នកជំនាញរូងភ្នំអង់គ្លេស និងក្រុមសង្រ្គោះជីវិតរបស់ចិនក៏ស្ថិតក្នុងប្រតិបត្តិការនេះដូចគ្នា៕
Tag:
ក្មេងប្រុសបាត់ខ្លួននៅថៃ
រូងភ្នំ Tham Luang
© រក្សាសិទ្ធិដោយ thmeythmey.com
