អន្តរជាតិ
អ្នកភូមិដែលសម្លាប់ក្រពើ៣០០ក្បាលដើម្បីសងសឹកឲ្យមនុស្សម្នាក់ ប្រឈមជាប់ទោស
រូបភាព AFP
×![]()
ដោយ: ធីតា
ហេតុការណ៍ដ៏រន្ធត់មួយបានកើតឡើងនៅកោះ Sorong ខេត្ត West Papua ប្រទេសឥណ្ឌូណេស៊ី កាលពីចុងសប្តាហ៍កន្លងមក ដោយអ្នកភូមិជាច្រើននាក់ប្រដាប់ដោយកាំបិត ពូថៅ ដុំថ្ម បាននាំគ្នាទៅសម្លាប់ក្រពើប្រមាណ៣០០ក្បាលនៅក្នុងកសិដ្ឋានមួយ ដើម្បីសងសឹកឲ្យបុរសម្នាក់។ នេះបើតាមការផ្សាយរបស់ The Jakarta Post។
បុរសឈ្មោះ Sugito អាយុ៣១ឆ្នាំ ត្រូវបានរាយការណ៍ថា ស្លាប់ដោយសារក្រពើមួយក្បាលខាំ។ ក្រោយរៀបចំពិធីបុណ្យសពរួច គ្រួសារជនរងគ្រោះ និងអ្នកភូមិរាប់រយនាក់ខឹងសម្បារយ៉ាងខ្លាំង ដោយពួកគេបាននាំគ្នាទៅប្តឹងប៉ូលិសដើម្បី ទាមទារសំណងជំងឺចិត្ត បន្ទាប់មក ពួកគេបានប្រមូលគ្នាទៅកាន់កសិដ្ឋានដើម្បីសម្លាប់សត្វក្រពើ។
សាក្សីម្នាក់បានឲ្យដឹងថា អ្នកភូមិបាននាំគ្នាទាញក្រពើចេញក្រៅពីអាង ហើយកាប់សម្លាប់ជាបន្តបន្ទាប់ ខណៈសមត្ថកិច្ចមិនមានកងកម្លាំងគ្រប់គ្រាន់ដើម្បីទប់ស្កាត់ពួកគេបាននោះឡើយ។ ម្ចាស់កសិដ្ឋានដែលមានឈ្មោះថា Albert Siahaan បានត្រឹមតែឈរមើលប៉ុណ្ណោះ។
លោក Basar Manullang ប្រធានភ្នាក់ងារអភិរក្សធនធានធម្មជាតិប្រចាំខេត្ត West Papua មិនយល់ស្របនោះឡើយចំពោះទង្វើហិង្សារបស់អ្នកភូមិប្រឆាំងសត្វក្រពើ។ «ការកាប់សម្លាប់សត្វបែបនេះ គឺខុសច្បាប់ទាំងស្រុង ជាពិសេសជាប់ពាក់ព័ន្ធនឹងការបំផ្លាញទ្រព្យសម្បត្តិអ្នកដទៃ»។
លោកបានបន្ថែមថា កសិដ្ឋាននោះ មានច្បាប់ត្រឹមត្រូវដែលទទួលស្គាល់ដោយក្រសួងបរិស្ថាន និងព្រៃឈើ។ ជាមួយគ្នានេះ អាជ្ញាធរប៉ូលិសកំពុងបន្តសាកសួរសាក្សីដើម្បីឈានដល់ការសន្និដ្ឋានផ្លូវការជុំវិញរឿងរ៉ាវដែលបានកើតឡើង ដែលបណ្តាលឲ្យមនុស្សស្លាប់ និងការសងសឹកដ៏សាហាវ។
ករណីដែលបណ្តាលឲ្យក្រពើខាំមនុស្សស្លាប់នេះ ក៏មិនអាចឲ្យម្ចាស់រួចខ្លួនឡើយ ប្រសិនបើរកឃើញថា កសិដ្ឋានមិនមានរបងការពារគ្រប់គ្រាន់ ឬការបំពាក់កាម៉េរ៉ាសុវត្ថិភាពតាមដានដើម្បីទប់ស្កាត់បញ្ហាដែលបានកើតឡើង។
ក្រពើជិត៣០០ក្បាលនោះ ត្រូវបានអាជ្ញាធរសម្រេចដុត និងកប់ចោលក្នុងរណ្តៅ៕
បុរសឈ្មោះ Sugito អាយុ៣១ឆ្នាំ ត្រូវបានរាយការណ៍ថា ស្លាប់ដោយសារក្រពើមួយក្បាលខាំ។ ក្រោយរៀបចំពិធីបុណ្យសពរួច គ្រួសារជនរងគ្រោះ និងអ្នកភូមិរាប់រយនាក់ខឹងសម្បារយ៉ាងខ្លាំង ដោយពួកគេបាននាំគ្នាទៅប្តឹងប៉ូលិសដើម្បី ទាមទារសំណងជំងឺចិត្ត បន្ទាប់មក ពួកគេបានប្រមូលគ្នាទៅកាន់កសិដ្ឋានដើម្បីសម្លាប់សត្វក្រពើ។
សាក្សីម្នាក់បានឲ្យដឹងថា អ្នកភូមិបាននាំគ្នាទាញក្រពើចេញក្រៅពីអាង ហើយកាប់សម្លាប់ជាបន្តបន្ទាប់ ខណៈសមត្ថកិច្ចមិនមានកងកម្លាំងគ្រប់គ្រាន់ដើម្បីទប់ស្កាត់ពួកគេបាននោះឡើយ។ ម្ចាស់កសិដ្ឋានដែលមានឈ្មោះថា Albert Siahaan បានត្រឹមតែឈរមើលប៉ុណ្ណោះ។
លោក Basar Manullang ប្រធានភ្នាក់ងារអភិរក្សធនធានធម្មជាតិប្រចាំខេត្ត West Papua មិនយល់ស្របនោះឡើយចំពោះទង្វើហិង្សារបស់អ្នកភូមិប្រឆាំងសត្វក្រពើ។ «ការកាប់សម្លាប់សត្វបែបនេះ គឺខុសច្បាប់ទាំងស្រុង ជាពិសេសជាប់ពាក់ព័ន្ធនឹងការបំផ្លាញទ្រព្យសម្បត្តិអ្នកដទៃ»។
លោកបានបន្ថែមថា កសិដ្ឋាននោះ មានច្បាប់ត្រឹមត្រូវដែលទទួលស្គាល់ដោយក្រសួងបរិស្ថាន និងព្រៃឈើ។ ជាមួយគ្នានេះ អាជ្ញាធរប៉ូលិសកំពុងបន្តសាកសួរសាក្សីដើម្បីឈានដល់ការសន្និដ្ឋានផ្លូវការជុំវិញរឿងរ៉ាវដែលបានកើតឡើង ដែលបណ្តាលឲ្យមនុស្សស្លាប់ និងការសងសឹកដ៏សាហាវ។
ករណីដែលបណ្តាលឲ្យក្រពើខាំមនុស្សស្លាប់នេះ ក៏មិនអាចឲ្យម្ចាស់រួចខ្លួនឡើយ ប្រសិនបើរកឃើញថា កសិដ្ឋានមិនមានរបងការពារគ្រប់គ្រាន់ ឬការបំពាក់កាម៉េរ៉ាសុវត្ថិភាពតាមដានដើម្បីទប់ស្កាត់បញ្ហាដែលបានកើតឡើង។
ក្រពើជិត៣០០ក្បាលនោះ ត្រូវបានអាជ្ញាធរសម្រេចដុត និងកប់ចោលក្នុងរណ្តៅ៕
Tag:
ឥណ្ឌូណេស៊ី
ក្រពើ
© រក្សាសិទ្ធិដោយ thmeythmey.com
