អន្តរជាតិ
រដ្ឋមន្រ្តីការបរទេសតៃវ៉ាន់ Joseph Wu (រូបភាព CNN)
×![]()
ដោយ: តន ចាន់រិទ្ធារ៉ា
ចិន នឹងប្រើកម្លាំងទ័ពដណ្ដើមតៃវ៉ាន់យកត្រួតត្រាឡើងវិញ។ នេះជាពាក្យដែលគេតែងឮចេញពីមាត់ក្រុងប៉េកាំង ដែលចាត់ទុកដែនកោះមួយនេះជាអាណាខេត្តរបស់ខ្លួនដែលមិនអាចកាត់ផ្ដាច់បានឡើយ។ ក្នុងគោលដៅការពារខ្លួន តៃវ៉ាន់បានអែបអាមេរិកយ៉ាងកៀកបំផុត ដោយសង្ឃឹមថា អាមេរិកនឹងជួយខ្លួនបើចិនវាយប្រហារមែននោះ។ ប្រមុខការទូតតៃវ៉ាន់អះអាងថា បើគ្មានអាមេរិកទេ តៃវ៉ាន់ពិតជាពិបាកទប់ទល់ចិនមែនទែន។
ជំនួយយោធារបស់អាមេរិក ពិតជាជួយតៃវ៉ាន់បានច្រើន។ នេះជាសម្ដីរបស់រដ្ឋមន្ត្រីការបរទេសតៃវ៉ាន់ Joseph Wu ក្នុងកិច្ចសម្ភាសជាមួយទូរទស្សន៍ CNN នៅថ្ងៃទី២៣ ខែកក្កដា។ ដោយសារទំនាក់ទំនងជាមួយអាមេរិកនេះហើយ បានជាតៃវ៉ាន់អាចរក្សាសន្តិសុខរបស់ខ្លួនអស់ពេលជាច្រើនមកនេះ ប្រឈមមុខនឹងការសម្លឹងមើលមិនដាក់ភ្នែកពីសំណាក់ចិនដីគោក។
លោក Joseph Wu បានទទួលស្គាល់ពីសារសំខាន់នៃទំនាក់ទំនងរវាងតៃវ៉ាន់ និងអាមេរិក ហើយតៃវ៉ាន់មានអារម្មណ៍ថា ទំនាក់ទំនងនេះកាន់តែរឹងមាំនារយៈពេលចុងក្រោយនេះ។ យ៉ាងណាក្ដី លោក Wu បញ្ជាក់ថា វាជារឿងសំខាន់ដែលក្រុងវ៉ាស៊ីនតោន ត្រូវបន្តគាំទ្រកោះតៃវ៉ាន់ទាំងផ្នែកយោធា និងវិស័យការទូតផង។ សម្រាប់មន្ត្រីតៃវ៉ាន់រូបនេះ ចិននឹងឃើញពីភាពទន់ខ្សោយរបស់តៃវ៉ាន់ បើអាមេរិកលែងគាំទ្រ ហើយចិនអាចចាប់ផ្ដើមសេណារីយូដើម្បីត្រួតត្រាតៃវ៉ាន់មិនខាន។
ខណៈតៃវ៉ាន់ស្ថិតក្រោមការដឹកនាំដោយស្វ័យភាពអស់ពេលជិត៧០ឆ្នាំមកហើយនោះ ក្រុងប៉េកាំងមិនដែលបោះបង់បំណងគ្រប់គ្រងកោះនេះឡើយ។ យោធាចិនបានធ្វើសមយុទ្ធជាច្រើនលើកនៅតំបន់ក្បែរកោះតៃវ៉ាន់ ក្នុងបង្ហាញសាច់ដុំផង និងគំរាមរដ្ឋាភិបាលកោះនេះផង។ លោក Wu ចាត់ទុកសមយុទ្ធរបស់យោធាចិន ជាយុទ្ធនាការបំភ័យជនជាតិតៃវ៉ាន់។ ដោយហេតុនេះ ប្រមុខការទូតតៃវ៉ាន់លើកឡើងថា តៃវ៉ាន់ព្យាយាមរឹតចំណងមិត្តភាពជាមួយអាមេរិក ដើម្បីប្រាប់ចិនថា ចិនមិនអាចដណ្ដើមតៃវ៉ាន់តែមួយយប់បានឡើយ។
ក្នុងកិច្ចសម្ភាសដដែលនេះ លោក Wu ក៏បានរិះគន់ជំហរការអធិប្បាយរបស់ប្រធានាធិបតីចិន ស៊ី ជិនភីង ដែលចាតទុកការបង្រួបបង្រួមជាមួយតៃវ៉ាន់ ជាបំណងរបស់ប្រជាជនចិនទាំងអស់ ហើយចិនក៏មិនបោះបង់ទឹកដីខ្លួនមួយចម្រៀកណាដែរ។ លោក Wu ចាត់ទុកសម្ដីលោក ស៊ី ផ្ទុយពីទង្វើរបស់ខ្លួន ដែលបង្កើតជាគំនិតស្អប់ខ្ពើមចិនក្នុងចំណោមប្រជាជនតៃវ៉ាន់។
ជាមួយគ្នានោះ តៃវ៉ាន់ក៏មិនបារម្ភថា នឹងក្លាយជាកូនអុកក្នុងល្បែងនយោបាយរវាងរដ្ឋាភិបាលចិន និងរដ្ឋបាលប្រធានាធិបតី ដូណាល់ ត្រាំ ដែរ។ អ្វីដែលគេឃើញនោះ ទំនាក់ទំនងតៃវ៉ាន់ និងអាមេរិកហាក់ជិតស្និទ្ធខ្លាំងក្នុងរយៈពេលជាងមួយឆ្នាំកន្លះនៃអាណត្តិលោក ត្រាំ ។ លោក Wu និយាយថា ប្រធានាធិបតី ត្រាំ បានរក្សាមិត្តភាពល្អជាមួយតៃវ៉ាន់ និងប្រាប់តៃវ៉ាន់ថា បញ្ហាតៃវ៉ាន់មិនអាចដោះដូរបានឡើយ ដូចគ្នានឹងប្រជាធិបតេយ្យដែរ៕
ជំនួយយោធារបស់អាមេរិក ពិតជាជួយតៃវ៉ាន់បានច្រើន។ នេះជាសម្ដីរបស់រដ្ឋមន្ត្រីការបរទេសតៃវ៉ាន់ Joseph Wu ក្នុងកិច្ចសម្ភាសជាមួយទូរទស្សន៍ CNN នៅថ្ងៃទី២៣ ខែកក្កដា។ ដោយសារទំនាក់ទំនងជាមួយអាមេរិកនេះហើយ បានជាតៃវ៉ាន់អាចរក្សាសន្តិសុខរបស់ខ្លួនអស់ពេលជាច្រើនមកនេះ ប្រឈមមុខនឹងការសម្លឹងមើលមិនដាក់ភ្នែកពីសំណាក់ចិនដីគោក។
លោក Joseph Wu បានទទួលស្គាល់ពីសារសំខាន់នៃទំនាក់ទំនងរវាងតៃវ៉ាន់ និងអាមេរិក ហើយតៃវ៉ាន់មានអារម្មណ៍ថា ទំនាក់ទំនងនេះកាន់តែរឹងមាំនារយៈពេលចុងក្រោយនេះ។ យ៉ាងណាក្ដី លោក Wu បញ្ជាក់ថា វាជារឿងសំខាន់ដែលក្រុងវ៉ាស៊ីនតោន ត្រូវបន្តគាំទ្រកោះតៃវ៉ាន់ទាំងផ្នែកយោធា និងវិស័យការទូតផង។ សម្រាប់មន្ត្រីតៃវ៉ាន់រូបនេះ ចិននឹងឃើញពីភាពទន់ខ្សោយរបស់តៃវ៉ាន់ បើអាមេរិកលែងគាំទ្រ ហើយចិនអាចចាប់ផ្ដើមសេណារីយូដើម្បីត្រួតត្រាតៃវ៉ាន់មិនខាន។
ខណៈតៃវ៉ាន់ស្ថិតក្រោមការដឹកនាំដោយស្វ័យភាពអស់ពេលជិត៧០ឆ្នាំមកហើយនោះ ក្រុងប៉េកាំងមិនដែលបោះបង់បំណងគ្រប់គ្រងកោះនេះឡើយ។ យោធាចិនបានធ្វើសមយុទ្ធជាច្រើនលើកនៅតំបន់ក្បែរកោះតៃវ៉ាន់ ក្នុងបង្ហាញសាច់ដុំផង និងគំរាមរដ្ឋាភិបាលកោះនេះផង។ លោក Wu ចាត់ទុកសមយុទ្ធរបស់យោធាចិន ជាយុទ្ធនាការបំភ័យជនជាតិតៃវ៉ាន់។ ដោយហេតុនេះ ប្រមុខការទូតតៃវ៉ាន់លើកឡើងថា តៃវ៉ាន់ព្យាយាមរឹតចំណងមិត្តភាពជាមួយអាមេរិក ដើម្បីប្រាប់ចិនថា ចិនមិនអាចដណ្ដើមតៃវ៉ាន់តែមួយយប់បានឡើយ។
ក្នុងកិច្ចសម្ភាសដដែលនេះ លោក Wu ក៏បានរិះគន់ជំហរការអធិប្បាយរបស់ប្រធានាធិបតីចិន ស៊ី ជិនភីង ដែលចាតទុកការបង្រួបបង្រួមជាមួយតៃវ៉ាន់ ជាបំណងរបស់ប្រជាជនចិនទាំងអស់ ហើយចិនក៏មិនបោះបង់ទឹកដីខ្លួនមួយចម្រៀកណាដែរ។ លោក Wu ចាត់ទុកសម្ដីលោក ស៊ី ផ្ទុយពីទង្វើរបស់ខ្លួន ដែលបង្កើតជាគំនិតស្អប់ខ្ពើមចិនក្នុងចំណោមប្រជាជនតៃវ៉ាន់។
ជាមួយគ្នានោះ តៃវ៉ាន់ក៏មិនបារម្ភថា នឹងក្លាយជាកូនអុកក្នុងល្បែងនយោបាយរវាងរដ្ឋាភិបាលចិន និងរដ្ឋបាលប្រធានាធិបតី ដូណាល់ ត្រាំ ដែរ។ អ្វីដែលគេឃើញនោះ ទំនាក់ទំនងតៃវ៉ាន់ និងអាមេរិកហាក់ជិតស្និទ្ធខ្លាំងក្នុងរយៈពេលជាងមួយឆ្នាំកន្លះនៃអាណត្តិលោក ត្រាំ ។ លោក Wu និយាយថា ប្រធានាធិបតី ត្រាំ បានរក្សាមិត្តភាពល្អជាមួយតៃវ៉ាន់ និងប្រាប់តៃវ៉ាន់ថា បញ្ហាតៃវ៉ាន់មិនអាចដោះដូរបានឡើយ ដូចគ្នានឹងប្រជាធិបតេយ្យដែរ៕
Tag:
តៃវ៉ាន់
ចិន
អាមេរិក
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
