អន្តរជាតិ
ក្រោយ ត្រាំ គំរាម អ៊ីរ៉ង់ប្រាប់វិញថា ខ្លួនឮពាក្យគំរាមឡើងស៊ាំត្រចៀកទៅហើយ
×![]()
ដោយ: តន ចាន់រិទ្ធារ៉ា
ភាពតានតឹងរវាងប្រធានាធិបតីអាមេរិក ដូណាល់ ត្រាំ និងអ៊ីរ៉ង់ កំពុងពុះកញ្ជ្រោលខ្លាំង ដោយគេឃើញមានការឆ្លើយឆ្លងសារតាមបណ្ដាញសង្គម Twitter ។ ការគំរាមអ៊ីរ៉ង់របស់លោក ត្រាំ ត្រូវបានមន្ត្រីទីក្រុងតេហេរ៉ង់វាយបកវិញដោយមិនទុកយូរឡើយ ហើយក៏មិនរអានឹងគំរាមនោះដែរ។ ការប្រើបណ្ដាញសង្គមដើម្បីវាយប្រហារអ៊ីរ៉ង់ ក៏បង្កើតជាសំណួរពាក់ព័ន្ធគោលនយោបាយរបស់អាមេរិកក្នុងការប្រឈមមុខជាមួយរដ្ឋមជ្ឈិមបូព៌ាមួយនេះ។
ពាក្យគំរាមធ្ងន់ៗរបស់ប្រធានាធិបតីអាមេរិក ដូណាល់ ត្រាំ មិនបានធ្វើឲ្យអ៊ីរ៉ង់ព្រឺរោមឡើយ។ នៅថ្ងៃទី២២ ខែកក្កដា លោក ត្រាំ បង្ហោះសារជាអក្សរធំៗតាម Twitter ដែលមានន័យស្មើនឹងការស្រែកខ្លាំងប្រាប់ឲ្យប្រធានាធិបតី ហាសាន់ រូហានី កុំគំរាមអាមេរិកម្ដងទៀត បើមិនចង់ជួបបញ្ហាធំ។ មិនប៉ុន្មានម៉ោងក្រោយមក រដ្ឋមន្ត្រីការបរទេសអ៊ីរ៉ង់ មហាម៉ាត់ ចាវាដ សារីហ្វ ក៏ឆ្លើយវិញថា អ៊ីរ៉ង់ធ្លាប់ឮសម្ដីបែបនេះរាប់សិបឆ្នាំមកហើយ។
តាមរយៈសំណេរលើបណ្ដាញសង្គម Twitter នៅថ្ងៃទី២៣ កក្កដា លោក សារីហ្វ បានប្រាប់លោក ត្រាំ ដោយចំហថា ពិភពលោកបានឮសម្ដីឃោរឃៅជាងនេះកាលពីប៉ុន្មានខែមុនរួចហើយ ឯប្រជាជនអ៊ីរ៉ង់ក៏ឮពាក្យពេចន៍របៀបនេះអស់ពេល៤០ឆ្នាំមកហើយដែរ។ ប្រមុខការទូតអ៊ីរ៉ង់បន្តទៀតថា អ៊ីរ៉ង់លេចរូបរាងជាងមួយពាន់ឆ្នាំហើយ និងបានឃើញការដួលរលំចក្រភពរបស់ខ្លួនដែលមានអាយុច្រើនជាងប្រទេសខ្លះទៅទៀត។ ដូចនេះ អាមេរិកត្រូវតែប្រយ័ត្ន។
មន្ត្រីការទូតអ៊ីរ៉ង់រូបនេះ ចង់និយាយសំដៅដល់ការដួលរលំចក្រភពពែក្ស ដែលធ្លាប់ជាប្រទេសធំមួយ និងបដិវត្តន៍អ៊ីរ៉ង់ឆ្នាំ១៩៧៩ ដែលបញ្ចប់របបដឹកនាំគាំទ្រដោយអាមេរិក។ ចាប់ពីបដិវត្តន៍នោះមក ទំនាក់ទំនងអ៊ីរ៉ង់ និងអាមេរិកក៏ប្រែទៅជាល្អក់កករ ហើយអាមេរិកក៏គំរាមអ៊ីរ៉ង់ជាញឹកញយដែរ។
ជំហររឹងត្អឹងរបស់លោក ត្រាំ ចំពោះអ៊ីរ៉ង់ ពិតជាធ្វើឲ្យគេបារម្ភពីផលវិបាកពេលក្រោយ ហើយមកទល់ពេលមានតែនាយករដ្ឋមន្ត្រី បេនចាមីន ណេតាន់យ៉ាហ៊ូ ប៉ុណ្ណោះដែលបានសាទរសម្ដីលោក ត្រាំ ។ ជុំវិញអាកប្បកិរិយារបស់ប្រធានាធិបតីអាមេរិក អ្នកនាំពាក្យសេតវិមាន Sarah Sanders និយាយថា លោក ត្រាំ យកចិត្តទុកដាក់សុវត្ថិភាព និងសន្តិសុខប្រជាជនអាមេរិក និងធានាថា ក្រុងតេហេរ៉ង់មិនអាចផលិតអាវុធនុយក្លេអ៊ែរបានទេ។
អ្វីគួរឲ្យចាប់អារម្មណ៍ សម្ដីឆ្លើយឆ្លងរវាងអាមេរិក និងអ៊ីរ៉ង់ គឺស្រដៀងគ្នាទៅនឹងការវាយប្រហារពាក្យសម្ដីរវាងអាមេរិក និងកូរ៉េខាងជើងនៅប៉ុន្មានខែមុន។ ការផ្លោងសម្ដីរវាងលោក ត្រាំ និងមេដឹកនាំកូរ៉េខាងជើង គីម ជុងអ៊ុន ធ្វើឲ្យគេបារម្ភថា សង្គ្រាមនឹងផ្ទុះឡើង តែចុងក្រោយមេដឹកនាំទាំងពីរបែរជាជួបគ្នានៅសិង្ហបុរី និងយល់ព្រមរំសាយនុយក្លេអ៊ែរទៅវិញ៕
ពាក្យគំរាមធ្ងន់ៗរបស់ប្រធានាធិបតីអាមេរិក ដូណាល់ ត្រាំ មិនបានធ្វើឲ្យអ៊ីរ៉ង់ព្រឺរោមឡើយ។ នៅថ្ងៃទី២២ ខែកក្កដា លោក ត្រាំ បង្ហោះសារជាអក្សរធំៗតាម Twitter ដែលមានន័យស្មើនឹងការស្រែកខ្លាំងប្រាប់ឲ្យប្រធានាធិបតី ហាសាន់ រូហានី កុំគំរាមអាមេរិកម្ដងទៀត បើមិនចង់ជួបបញ្ហាធំ។ មិនប៉ុន្មានម៉ោងក្រោយមក រដ្ឋមន្ត្រីការបរទេសអ៊ីរ៉ង់ មហាម៉ាត់ ចាវាដ សារីហ្វ ក៏ឆ្លើយវិញថា អ៊ីរ៉ង់ធ្លាប់ឮសម្ដីបែបនេះរាប់សិបឆ្នាំមកហើយ។
តាមរយៈសំណេរលើបណ្ដាញសង្គម Twitter នៅថ្ងៃទី២៣ កក្កដា លោក សារីហ្វ បានប្រាប់លោក ត្រាំ ដោយចំហថា ពិភពលោកបានឮសម្ដីឃោរឃៅជាងនេះកាលពីប៉ុន្មានខែមុនរួចហើយ ឯប្រជាជនអ៊ីរ៉ង់ក៏ឮពាក្យពេចន៍របៀបនេះអស់ពេល៤០ឆ្នាំមកហើយដែរ។ ប្រមុខការទូតអ៊ីរ៉ង់បន្តទៀតថា អ៊ីរ៉ង់លេចរូបរាងជាងមួយពាន់ឆ្នាំហើយ និងបានឃើញការដួលរលំចក្រភពរបស់ខ្លួនដែលមានអាយុច្រើនជាងប្រទេសខ្លះទៅទៀត។ ដូចនេះ អាមេរិកត្រូវតែប្រយ័ត្ន។
COLOR US UNIMPRESSED: The world heard even harsher bluster a few months ago. And Iranians have heard them —albeit more civilized ones—for 40 yrs. We’ve been around for millennia & seen fall of empires, incl our own, which lasted more than the life of some countries. BE CAUTIOUS!
— Javad Zarif (@JZarif) July 23, 2018
មន្ត្រីការទូតអ៊ីរ៉ង់រូបនេះ ចង់និយាយសំដៅដល់ការដួលរលំចក្រភពពែក្ស ដែលធ្លាប់ជាប្រទេសធំមួយ និងបដិវត្តន៍អ៊ីរ៉ង់ឆ្នាំ១៩៧៩ ដែលបញ្ចប់របបដឹកនាំគាំទ្រដោយអាមេរិក។ ចាប់ពីបដិវត្តន៍នោះមក ទំនាក់ទំនងអ៊ីរ៉ង់ និងអាមេរិកក៏ប្រែទៅជាល្អក់កករ ហើយអាមេរិកក៏គំរាមអ៊ីរ៉ង់ជាញឹកញយដែរ។
ជំហររឹងត្អឹងរបស់លោក ត្រាំ ចំពោះអ៊ីរ៉ង់ ពិតជាធ្វើឲ្យគេបារម្ភពីផលវិបាកពេលក្រោយ ហើយមកទល់ពេលមានតែនាយករដ្ឋមន្ត្រី បេនចាមីន ណេតាន់យ៉ាហ៊ូ ប៉ុណ្ណោះដែលបានសាទរសម្ដីលោក ត្រាំ ។ ជុំវិញអាកប្បកិរិយារបស់ប្រធានាធិបតីអាមេរិក អ្នកនាំពាក្យសេតវិមាន Sarah Sanders និយាយថា លោក ត្រាំ យកចិត្តទុកដាក់សុវត្ថិភាព និងសន្តិសុខប្រជាជនអាមេរិក និងធានាថា ក្រុងតេហេរ៉ង់មិនអាចផលិតអាវុធនុយក្លេអ៊ែរបានទេ។
អ្វីគួរឲ្យចាប់អារម្មណ៍ សម្ដីឆ្លើយឆ្លងរវាងអាមេរិក និងអ៊ីរ៉ង់ គឺស្រដៀងគ្នាទៅនឹងការវាយប្រហារពាក្យសម្ដីរវាងអាមេរិក និងកូរ៉េខាងជើងនៅប៉ុន្មានខែមុន។ ការផ្លោងសម្ដីរវាងលោក ត្រាំ និងមេដឹកនាំកូរ៉េខាងជើង គីម ជុងអ៊ុន ធ្វើឲ្យគេបារម្ភថា សង្គ្រាមនឹងផ្ទុះឡើង តែចុងក្រោយមេដឹកនាំទាំងពីរបែរជាជួបគ្នានៅសិង្ហបុរី និងយល់ព្រមរំសាយនុយក្លេអ៊ែរទៅវិញ៕
Tag:
អាមេរិក
អ៊ីរ៉ង់
ដូណាល់ ត្រាំ
មហាម៉ាត់ ចាវាដ សារីហ្វ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
