ជាតិ
សង្គមជាតិ
អភិបាលខេត្តស្ទឹងត្រែង៖ ពលរដ្ឋជិត៥ពាន់នាក់ត្រូវបានជម្លៀសទៅទួលសុវត្ថិភាពអស់ហើយ រូបភាពបានពីក្រសួងធនធានទឹក និងឧតុនិយម
× ស្ទឹងត្រែង៖ ប្រជាពលរដ្ឋជិត៥ពាន់នាក់ ក្នុងឃុំចំនួន៤ នៅខេត្តស្ទឹងត្រែង ត្រូវបានអាជ្ញាធរ និងសមត្ថកិច្ចជម្លៀសទៅទីទួលសុវត្ថិភាពអស់ហើយ។ នេះបើតាមប្រសាសន៍របស់លោក ម៉ុម សារឿន អភិបាលខេត្តស្ទឹងត្រែង ដែលបានប្រាប់សារព័ត៌មានថ្មីៗតាមទូរសព្ទ នាព្រឹកនេះ។
អភិបាលខេត្តរូបនេះ បានឲ្យដឹងថា ទីទួលសុវត្ថិភាពសម្រាប់ប្រជាពលរដ្ឋ មាន២០កន្លែង ដែលមានចម្ងាយ ២ ទៅ៣គីឡូម៉ែត្រ ពីកន្លែងដែលលិចលង់។
ចំពោះទឹកទន្លេសេកុងនៅតែបន្តកើនឡើង។ ទឹកមានកម្ពស់ដល់១១,៩០ម៉ែត្រ គឺលើសពីកម្រិតឲ្យប្រុងប្រយ័ត្ន១១,៥០ម៉ែត្រ។ ទឹកបានហូរចូលលិចផ្លូវ និងផ្ទះប្រជាពលរដ្ឋចំនួន១៧ភូមិ ក្នុងចំណោម២៨ភូមិនៃស្រុកសៀមប៉ាង ខេត្តស្ទឹងត្រែង។
សូមបញ្ជាក់ថា ឃុំចំនួន៤ ក្នុងស្រុកសៀមប៉ាង ខេត្តស្ទឹងត្រែង មាន ឃុំថ្មកែវ ឃុំសន្តិភាព ឃុំសេកុង និងឃុំស្រែសំបូរ ដែលបានរងគ្រោះ ដោយសារការបាក់ទំនប់វារីអគ្គិសនី ទំនប់ Se-Pian Se Nam Noi ក្នុងខេត្ត Attapeu ប្រទេសឡាវ៕
Tag:
ទឹកជំនន់
ស្ទឹងត្រែង
© រក្សាសិទ្ធិដោយ thmeythmey.com