អន្តរជាតិ
ក្រោយចាញ់ឆ្នោត អតីតបក្សកាន់អំណាចប៉ាគីស្ថានស្នើស៊ើបអង្កេតករណីលួចបន្លំ
ការបោះឆ្នោតនៅប៉ាគីស្ថាន (រូបភាព Xinhua)
×![]()
ដោយ: តន ចាន់រិទ្ធារ៉ា
បន្ទាប់ពីបរាជ័យក្នុងការបោះឆ្នោតកាលពីពាក់កណ្ដាលសប្ដាហ៍មុន បក្សសម្ព័ន្ធមូស្លីមប៉ាគីស្ថាន-ណាវ៉ាស (PML-N) ដែលជាអតីតបក្សកាន់អំណាច បានស្នើឲ្យមានការស៊ើបអង្កេតលើការបោះឆ្នោតនេះ។ ក្រុមមន្ត្រីជាន់ខ្ពស់របស់បក្សនេះនិយាយថា ការបោះឆ្នោតពោរពេញដោយការបន្លំ ហើយយោធាបានលូកដៃចូលកិច្ចការបោះឆ្នោតដើម្បីជួយឲ្យបក្ស Tehreek-e-Insaf របស់លោក Imran Khan ឈ្នះឆ្នោត។
ការបោះឆ្នោតនៅប៉ាគីស្ថាននាថ្ងៃទី២៥ ខែកក្កដា គឺជាការប្រកួតប្រជែងដ៏តានតឹងរវាងអ្នកនយោបាយជើងថ្មី និងអ្នកនយោបាយចាស់វស្សា ហើយដែលរុំព័ទ្ធទៅដោយភាពមិនប្រក្រតីជាច្រើន ខណៈលទ្ធផលត្រូវបានពន្យារពេលប្រកាសទៀតផង។ យ៉ាងណាមិញ ជ័យជម្នះបានទៅបក្ស Tehreek-e-Insaf របស់លោក Imran Khan អតីតកីឡាករកីឡាគ្រីឃីតរបស់ប៉ាគីស្ថានតែម្ដង បន្ទាប់ពីផ្ដួលបក្សកាន់អំណាចសម្ព័ន្ធមូស្លីមប៉ាគីស្ថាន-ណាវ៉ាស (PML-N) របស់អតីតនាយករដ្ឋមន្ត្រី Nawaz Sharif ។
ក្នុងនាមជាបក្សកាន់អំណាច បរាជ័យក្នុងការបោះឆ្នោតនេះពិតជាធ្វើឲ្យបក្ស PML-N បាក់មុខខ្លាំង និងបានបង្ហាញការមិនសុខចិត្តទៀតផង។ ផ្លាស់ប្ដូរទៅជាបក្សប្រឆាំងវិញម្ដង បក្ស PML-N បានស្នើឲ្យមានការស្វែងរកការពិតនូវអ្វីដែលខ្លួនចាត់ទុកជាការលួចបន្លំក្នុងការបោះឆ្នោតនេះ។ លោក Khawaja Asif មន្ត្រីជាន់ខ្ពស់បក្សនេះបានទាមទារឲ្យបង្កើតកណៈកម្មការយុត្តិធម៌ដើម្បីស៊ើបអង្កេតការបោះឆ្នោតថ្ងៃទី២៥ ខែកក្កដា។
មន្ត្រីម្នាក់ទៀតរបស់អតីតបក្សកាន់អំណាចនេះបានប្រកាសមិនទទួលស្គាល់លទ្ធផលនៃការបោះឆ្នោតនេះ និងត្រៀមខ្លួនបង្កើតចលនាប្រឆាំងជាមួយបក្សដទៃទៀត។ បើតាមទីភ្នាក់ងារព័ត៌មាន AFP បក្ស PML-N ទទួលបានកៅអីសភាចំនួន៦៤ ស្ថិតនៅលំដាប់ទីពីរបន្ទាប់ពីបក្ស Tehreek-e-Insaf ដែលឈ្នះកៅអីចំនួន១១៦ ។ បក្សដែលមានលោក Khan ជាបេក្ខជននាយករដ្ឋមន្ត្រី ត្រូវការសំឡេងចំនួន២១ កៅអីទៀត ទើបគ្រប់កៅអី១៣៧ ដើម្បីបង្កើតរដ្ឋាភិបាល។
ជាអ្នកឈ្នះឆ្នោត បក្ស Tehreek-e-Insaf កំពុងស្វះស្វែងចាប់ដៃគូជាមួយគណបក្សនយោបាយផ្សេងទៀតដើម្បីបង្កើតរដ្ឋាភិបាលចម្រុះផង បើសិនជាភាគីនយោបាយអាចចរចា និងស្វែងរកដំណោះស្រាយរួមគ្នាបាន។ ប៉ុន្តែវាក៏មានក្តីបារម្ភខ្លាំងដែរថា ភាពចលាចលផ្នែកនយោបាយកើតឡើងកាន់តែធ្ងន់ធ្ងរពេលភាគីមិនអាចស្វែងរកដំណោះស្រាយរួមគ្នាបាននោះ ព្រោះបក្ស PML-N អាចបន្តធ្វើព្យុះធ្វើភ្លៀងមិនខាន។
អនាគតនាយករដ្ឋមន្ត្រីប៉ាគីស្ថាន Khan បានសន្យាដោះស្រាយបញ្ហាក្តៅមួយចំនួនក្នុងសង្គមប៉ាគីស្ថាន និង ពង្រឹងទំនាក់ទំនងជាមួយប្រទេសជាមិត្ត និង ប្រទេសជិតខាងផង។ លោកប្តេជ្ញាចិត្តធ្វើយ៉ាងណាកម្ចាត់បញ្ហាពុករលួយស៊ីរូងផ្ទៃក្នុងឲ្យខាងតែបាននៅពេលលោកកាន់អំណាចជាផ្លូវការ។ អតីតកីឡាករដ៏ល្បីនេះបានសន្យារក្សាតុល្យភាពក្នុងទំនាក់ទំនងជាមួយសម្ព័ន្ធមិត្តអាមេរិកដើម្បីធានាប្រយោជន៍ភាគីទាំងពីររយៈពេលវែងផង និងដោះស្រាយជម្លោះទឹកដីកាស្មៀរដែរ៕
ការបោះឆ្នោតនៅប៉ាគីស្ថាននាថ្ងៃទី២៥ ខែកក្កដា គឺជាការប្រកួតប្រជែងដ៏តានតឹងរវាងអ្នកនយោបាយជើងថ្មី និងអ្នកនយោបាយចាស់វស្សា ហើយដែលរុំព័ទ្ធទៅដោយភាពមិនប្រក្រតីជាច្រើន ខណៈលទ្ធផលត្រូវបានពន្យារពេលប្រកាសទៀតផង។ យ៉ាងណាមិញ ជ័យជម្នះបានទៅបក្ស Tehreek-e-Insaf របស់លោក Imran Khan អតីតកីឡាករកីឡាគ្រីឃីតរបស់ប៉ាគីស្ថានតែម្ដង បន្ទាប់ពីផ្ដួលបក្សកាន់អំណាចសម្ព័ន្ធមូស្លីមប៉ាគីស្ថាន-ណាវ៉ាស (PML-N) របស់អតីតនាយករដ្ឋមន្ត្រី Nawaz Sharif ។
ក្នុងនាមជាបក្សកាន់អំណាច បរាជ័យក្នុងការបោះឆ្នោតនេះពិតជាធ្វើឲ្យបក្ស PML-N បាក់មុខខ្លាំង និងបានបង្ហាញការមិនសុខចិត្តទៀតផង។ ផ្លាស់ប្ដូរទៅជាបក្សប្រឆាំងវិញម្ដង បក្ស PML-N បានស្នើឲ្យមានការស្វែងរកការពិតនូវអ្វីដែលខ្លួនចាត់ទុកជាការលួចបន្លំក្នុងការបោះឆ្នោតនេះ។ លោក Khawaja Asif មន្ត្រីជាន់ខ្ពស់បក្សនេះបានទាមទារឲ្យបង្កើតកណៈកម្មការយុត្តិធម៌ដើម្បីស៊ើបអង្កេតការបោះឆ្នោតថ្ងៃទី២៥ ខែកក្កដា។
មន្ត្រីម្នាក់ទៀតរបស់អតីតបក្សកាន់អំណាចនេះបានប្រកាសមិនទទួលស្គាល់លទ្ធផលនៃការបោះឆ្នោតនេះ និងត្រៀមខ្លួនបង្កើតចលនាប្រឆាំងជាមួយបក្សដទៃទៀត។ បើតាមទីភ្នាក់ងារព័ត៌មាន AFP បក្ស PML-N ទទួលបានកៅអីសភាចំនួន៦៤ ស្ថិតនៅលំដាប់ទីពីរបន្ទាប់ពីបក្ស Tehreek-e-Insaf ដែលឈ្នះកៅអីចំនួន១១៦ ។ បក្សដែលមានលោក Khan ជាបេក្ខជននាយករដ្ឋមន្ត្រី ត្រូវការសំឡេងចំនួន២១ កៅអីទៀត ទើបគ្រប់កៅអី១៣៧ ដើម្បីបង្កើតរដ្ឋាភិបាល។
អត្ថបទទាក់ទង
ជាអ្នកឈ្នះឆ្នោត បក្ស Tehreek-e-Insaf កំពុងស្វះស្វែងចាប់ដៃគូជាមួយគណបក្សនយោបាយផ្សេងទៀតដើម្បីបង្កើតរដ្ឋាភិបាលចម្រុះផង បើសិនជាភាគីនយោបាយអាចចរចា និងស្វែងរកដំណោះស្រាយរួមគ្នាបាន។ ប៉ុន្តែវាក៏មានក្តីបារម្ភខ្លាំងដែរថា ភាពចលាចលផ្នែកនយោបាយកើតឡើងកាន់តែធ្ងន់ធ្ងរពេលភាគីមិនអាចស្វែងរកដំណោះស្រាយរួមគ្នាបាននោះ ព្រោះបក្ស PML-N អាចបន្តធ្វើព្យុះធ្វើភ្លៀងមិនខាន។
អនាគតនាយករដ្ឋមន្ត្រីប៉ាគីស្ថាន Khan បានសន្យាដោះស្រាយបញ្ហាក្តៅមួយចំនួនក្នុងសង្គមប៉ាគីស្ថាន និង ពង្រឹងទំនាក់ទំនងជាមួយប្រទេសជាមិត្ត និង ប្រទេសជិតខាងផង។ លោកប្តេជ្ញាចិត្តធ្វើយ៉ាងណាកម្ចាត់បញ្ហាពុករលួយស៊ីរូងផ្ទៃក្នុងឲ្យខាងតែបាននៅពេលលោកកាន់អំណាចជាផ្លូវការ។ អតីតកីឡាករដ៏ល្បីនេះបានសន្យារក្សាតុល្យភាពក្នុងទំនាក់ទំនងជាមួយសម្ព័ន្ធមិត្តអាមេរិកដើម្បីធានាប្រយោជន៍ភាគីទាំងពីររយៈពេលវែងផង និងដោះស្រាយជម្លោះទឹកដីកាស្មៀរដែរ៕
Tag:
ប៉ាគីស្ថាន
Nawaz Sharif
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
