ជាតិ
សេដ្ឋកិច្ច
រូបពីហ្វេសក្រសួងទេសចរណ៍
×![]()
ភ្នំពេញ៖ រដ្ឋមន្ត្រីក្រសួងទេសចរណ៍ លោក ថោង ខុន ត្រូវបានប្រកាសជ្រើសតាំងជាសមាជិកបណ្ឌិតសភាទេសចរណ៍អឺរ៉ុប នៅថ្ងៃទី៣១ខែកក្កដានេះ។
ថ្លែងក្នុងពិធីអបអរសាទរការជ្រើសតាំងនេះ លោក ថោង ខុន បានចាត់ការជ្រើសរើសលោកនៅពេលនេះថាជាមោទកភាព សម្រាប់វិស័យទេសចរណ៍កម្ពុជាទាំងមូល។ លោកមានប្រសាសន៍ដូច្នេះថា៖«ខ្ញុំពិតជាមានកិត្តិយស ដែលបានការទទួលស្គាល់ និងផ្ដល់គុណតម្លៃលើលទ្ធផលការងារកន្លងមក តាមរយៈការសម្រេចជ្រើសតាំងរូបខ្ញុំជាសមាជិកនៃបណ្ឌិតសភាទេសចរណ៍អឺរ៉ុប ហើយនេះជាមោទកភាពសម្រាប់វិស័យទេសកម្ពុជា ជារួម ដែលទាំងអស់គ្នារួមសម្រេចបាន»។
ពិធីខាងលើនេះបានប្រារព្ធឡើងនៅទីស្ដីការគណៈរដ្ឋមន្ត្រី នៅថ្ងៃនេះ ក្រោមអធិបតីភាពលោកឧបនាយករដ្ឋមន្ត្រី ហោ ណាំហុង និងលោកបណ្ឌិត Anton Caragea ប្រធានក្រុមប្រឹក្សាទេសចរណ៍ និងពាណិជ្ជកម្មអឺរ៉ុប។
រដ្ឋមន្ត្រីទេសចរណ៍រូបនេះ ឲ្យដឹងថា ការជ្រើសតាំងរូបលោកនៅពេលនេះ គឺស្របពេលដែលកម្ពុជាកំពុងបន្តចាប់យកឱកាសរីកចម្រើននៃវិស័យទេសចរណ៍ ទាំងកម្រិតតំបន់អាស៊ាន អាស៊ីប៉ាស៊ីហ្វិក និងកម្រិតសកល។ «ក្នុងន័យនេះ ខ្ញុំពិតជាជឿជាក់ថា តាមរយៈសមាជិកភាពបណ្ឌិតសភាទេសចរណ៍អឺរ៉ុប យើងនឹងអាចចែករម្លែកបទពិសោធន៍ និងការសិក្សាស្រាវជ្រាវថ្មីៗបន្ថែមទៀតលើការរៀបចំ និងជំរុញការអនុវត្តគោលនយោបាយអភិវឌ្ឍន៍វិស័យទេសចរណ៍កម្ពុជា»។ នេះជាការលើកឡើងរបស់ លោក ថោង ខុន ។
គួរបញ្ជាក់ថា បណ្ឌិតសភាទេសចរណ៍អឺរ៉ុប គឺស្ថិតក្នុងក្រុមប្រឹក្សាទេសចរណ៍ និងពាណិជ្ជកម្មអឺរ៉ុប។ ក្រុមប្រឹក្សានេះ កាលពីឆ្នាំ២០១៦ បានប្រគល់រង្វាន់ជ័យលាភី «កម្ពុជា ជាគោលដៅទេសចរណ៍ល្អបំផុតលើពិភពលោកឆ្នាំ២០១៦» និងបានជ្រើសតាំងសម្ដេចនាយករដ្ឋមន្ត្រី ហ៊ុន សែន ជាសមាជិកកិត្តិយសនៃបណ្ឌិតសភាទេសចរណ៍អឺរ៉ុប។
ក្រុមប្រឹក្សាទេសចរណ៍ និងពាណិជ្ជកម្មអឺរ៉ុប (ECTT) គឺជាអង្គការសកលមួយ ដែលមានមូលដ្ឋាននៅប្រទេស Romania ដោយមានសមាជិកជាអង្គការទេសចរណ៍ពីសហគមន៍អឺរ៉ុបចំនួន២៧ ប្រទេស។ ក្រុមប្រឹក្សានេះ មានតួនាទីជំរុញវិស័យទេសចរណ៍ក្រៅសហគមន៍អឺរ៉ុប ពិសេសទៅតាមប្រទេសនីមួយៗ៕
ថ្លែងក្នុងពិធីអបអរសាទរការជ្រើសតាំងនេះ លោក ថោង ខុន បានចាត់ការជ្រើសរើសលោកនៅពេលនេះថាជាមោទកភាព សម្រាប់វិស័យទេសចរណ៍កម្ពុជាទាំងមូល។ លោកមានប្រសាសន៍ដូច្នេះថា៖«ខ្ញុំពិតជាមានកិត្តិយស ដែលបានការទទួលស្គាល់ និងផ្ដល់គុណតម្លៃលើលទ្ធផលការងារកន្លងមក តាមរយៈការសម្រេចជ្រើសតាំងរូបខ្ញុំជាសមាជិកនៃបណ្ឌិតសភាទេសចរណ៍អឺរ៉ុប ហើយនេះជាមោទកភាពសម្រាប់វិស័យទេសកម្ពុជា ជារួម ដែលទាំងអស់គ្នារួមសម្រេចបាន»។
ពិធីខាងលើនេះបានប្រារព្ធឡើងនៅទីស្ដីការគណៈរដ្ឋមន្ត្រី នៅថ្ងៃនេះ ក្រោមអធិបតីភាពលោកឧបនាយករដ្ឋមន្ត្រី ហោ ណាំហុង និងលោកបណ្ឌិត Anton Caragea ប្រធានក្រុមប្រឹក្សាទេសចរណ៍ និងពាណិជ្ជកម្មអឺរ៉ុប។
រដ្ឋមន្ត្រីទេសចរណ៍រូបនេះ ឲ្យដឹងថា ការជ្រើសតាំងរូបលោកនៅពេលនេះ គឺស្របពេលដែលកម្ពុជាកំពុងបន្តចាប់យកឱកាសរីកចម្រើននៃវិស័យទេសចរណ៍ ទាំងកម្រិតតំបន់អាស៊ាន អាស៊ីប៉ាស៊ីហ្វិក និងកម្រិតសកល។ «ក្នុងន័យនេះ ខ្ញុំពិតជាជឿជាក់ថា តាមរយៈសមាជិកភាពបណ្ឌិតសភាទេសចរណ៍អឺរ៉ុប យើងនឹងអាចចែករម្លែកបទពិសោធន៍ និងការសិក្សាស្រាវជ្រាវថ្មីៗបន្ថែមទៀតលើការរៀបចំ និងជំរុញការអនុវត្តគោលនយោបាយអភិវឌ្ឍន៍វិស័យទេសចរណ៍កម្ពុជា»។ នេះជាការលើកឡើងរបស់ លោក ថោង ខុន ។
គួរបញ្ជាក់ថា បណ្ឌិតសភាទេសចរណ៍អឺរ៉ុប គឺស្ថិតក្នុងក្រុមប្រឹក្សាទេសចរណ៍ និងពាណិជ្ជកម្មអឺរ៉ុប។ ក្រុមប្រឹក្សានេះ កាលពីឆ្នាំ២០១៦ បានប្រគល់រង្វាន់ជ័យលាភី «កម្ពុជា ជាគោលដៅទេសចរណ៍ល្អបំផុតលើពិភពលោកឆ្នាំ២០១៦» និងបានជ្រើសតាំងសម្ដេចនាយករដ្ឋមន្ត្រី ហ៊ុន សែន ជាសមាជិកកិត្តិយសនៃបណ្ឌិតសភាទេសចរណ៍អឺរ៉ុប។
ក្រុមប្រឹក្សាទេសចរណ៍ និងពាណិជ្ជកម្មអឺរ៉ុប (ECTT) គឺជាអង្គការសកលមួយ ដែលមានមូលដ្ឋាននៅប្រទេស Romania ដោយមានសមាជិកជាអង្គការទេសចរណ៍ពីសហគមន៍អឺរ៉ុបចំនួន២៧ ប្រទេស។ ក្រុមប្រឹក្សានេះ មានតួនាទីជំរុញវិស័យទេសចរណ៍ក្រៅសហគមន៍អឺរ៉ុប ពិសេសទៅតាមប្រទេសនីមួយៗ៕
Tag:
ថោង ខុន
ទេសចរណ៍
© រក្សាសិទ្ធិដោយ thmeythmey.com
