អន្តរជាតិ
ប្រធានាធិបតីមីយ៉ាន់ម៉ា ព្រមានមន្ត្រីថ្នាក់ក្រោម កុំចេះតែសន្យាជាមួយប្រជាជនទាំងខ្លួនធ្វើមិនបាន
×![]()
ប្រធានាធិបតីមីយ៉ាន់ម៉ា លោក Win Myint បានណែនាំដល់មន្ត្រីរដ្ឋាភិបាលទាំងអស់ផ្លាស់ប្តូរផ្នត់គំនិតដើម្បីការអភិវឌ្ឍសម្រាប់អ្នកជំនាន់ក្រោយ ហើយ លោក ក៏បានព្រមានដល់រដ្ឋមន្ត្រីពាក់ព័ន្ធឲ្យផ្លាស់ប្តូរទម្លាប់សន្យាជាមួយសាធារណជនលើបញ្ហាដែលខ្លួនធ្វើមិនបាន។ លោកប្រធានាធិបតី មិនចង់ឲ្យប្រជាជនចោទរដ្ឋាភិបាលថា អសមត្ថភាពដោយសារតែការសន្យាខ្យល់របស់មន្ត្រីរដ្ឋាភិបាលឡើយ។
នាឱកាសនៃការចុះសួរសុខទុក្ខប្រជាជនរងគ្រោះដោយសារទឹកជំនន់នៅថ្ងៃ២៩ កក្កដា លោកប្រធានាធិបតី Win Myint បានថ្លែងឲ្យដឹងថា លោកមិនមែនទៅកាន់តំបន់រងផលប៉ះពាល់ដើម្បីពិនិត្យពីចំនួនប្រជាជន និងសាលាលិចលង់នោះទេ ក៏ប៉ុន្តែលោក ចង់ដឹងពីចំណុចខ្សោយ និងបញ្ហាប្រឈមរបស់ប្រជាជនដើម្បីអាចឲ្យលោកអភិវឌ្ឍតំបន់ឲ្យល្អប្រសើរ។ នេះបើយោងតាមសារព័ត៌មាន Myanmar Times។
នៅចំពោះមុខអ្នកសារព័ត៌មាន លោកប្រធានាធិបតី បានក្រើនរម្លឹកដល់មន្ត្រីរដ្ឋាភិបាលឲ្យផ្លាស់ប្តូរផ្នត់គំនិត និងទម្លាប់ចាស់របស់ខ្លួនក្នុងការប្រតិបត្តិការងារ។ លោកមិនចង់ឲ្យមន្ត្រីថ្នាក់លើវាយតម្លៃស្ថានភាពឬបញ្ហាតែតាមរយៈរបាយការណ៍ដែលធ្វើដោយថ្នាក់ក្រោមប៉ុណ្ណោះនោះទេ។ នេះបើយោងតាមប្រភពព័ត៌មានដដែល។
លោកប្រធានាធិបតី ក៏បានក្រើនរម្លឹកដល់មន្ត្រីសាធារណៈក្នុងពេលផ្តល់សេវា ដ្បិតប្រាក់បៀវត្សរបស់ពួកគេ មានប្រភពពីការពន្ធរបស់ប្រជាជននោះទេ។ ជាងនេះទៅទៀត លោក ក៏ដាស់តឿនឲ្យពួកគេ មានការប្រុងប្រយ័ត្នពាក់ព័ន្ធនឹងការសន្យាជាមួយនឹងប្រជាជន ជាពិសេសកុំសន្យាជាមួយនឹងសាធារណ ជន ឬក៏ផ្តល់ព័ត៌មានណាមួយដល់ពួកគេ ដែលពុំទាន់មានការឯកភាពពីថ្នាក់លើ។
លោកប្រធានាធិបតីថ្លែងបែបនេះ ដ្បិតលោក មិនចង់ឲ្យប្រជាជនមានការយល់ច្រលំ ថា រដ្ឋាភិបាល មិនបានបំពេញការងារដូចតាមការសន្យា តែតាមពិតបញ្ហាបង្កមកពីមន្ត្រី សន្យា ថាកសាងនេះ ឬកសាងនោះ ទាំងពួកគេ មិនទាន់ដឹងច្បាស់ពីលទ្ធភាព ឬកញ្ចប់ថវិការដ្ឋផង។
គួរជម្រាបផងដែរថា ក្រោយពីបក្សសម្ព័ន្ធជាតិដើម្បីប្រជាធិបតេយ្យ ដែលមានលោកស្រី អ៊ុងសាន ស៊ូជី ជាប្រមុខ ដឹកនាំរដ្ឋាភិបាល បក្សកាន់អំណាចនេះ បានសន្យាកែទម្រង់ប្រតិបត្តិការរបស់នីតិប្រតិបត្តិ ជាពិសេសលើឥរិយាបថមន្ត្រីរដ្ឋាភិបាលតែម្តង។ បញ្ហាពុករលួយ និងភាពអសកម្ម គឺជាផ្នែកដែលរដ្ឋាភិបាលស៊ីវិលមួយនេះ ផ្តោតសំខាន់ក្នុងដំណាក់កាលនៃការកែទម្រង់របស់ខ្លួន៕
នាឱកាសនៃការចុះសួរសុខទុក្ខប្រជាជនរងគ្រោះដោយសារទឹកជំនន់នៅថ្ងៃ២៩ កក្កដា លោកប្រធានាធិបតី Win Myint បានថ្លែងឲ្យដឹងថា លោកមិនមែនទៅកាន់តំបន់រងផលប៉ះពាល់ដើម្បីពិនិត្យពីចំនួនប្រជាជន និងសាលាលិចលង់នោះទេ ក៏ប៉ុន្តែលោក ចង់ដឹងពីចំណុចខ្សោយ និងបញ្ហាប្រឈមរបស់ប្រជាជនដើម្បីអាចឲ្យលោកអភិវឌ្ឍតំបន់ឲ្យល្អប្រសើរ។ នេះបើយោងតាមសារព័ត៌មាន Myanmar Times។
នៅចំពោះមុខអ្នកសារព័ត៌មាន លោកប្រធានាធិបតី បានក្រើនរម្លឹកដល់មន្ត្រីរដ្ឋាភិបាលឲ្យផ្លាស់ប្តូរផ្នត់គំនិត និងទម្លាប់ចាស់របស់ខ្លួនក្នុងការប្រតិបត្តិការងារ។ លោកមិនចង់ឲ្យមន្ត្រីថ្នាក់លើវាយតម្លៃស្ថានភាពឬបញ្ហាតែតាមរយៈរបាយការណ៍ដែលធ្វើដោយថ្នាក់ក្រោមប៉ុណ្ណោះនោះទេ។ នេះបើយោងតាមប្រភពព័ត៌មានដដែល។
លោកប្រធានាធិបតី ក៏បានក្រើនរម្លឹកដល់មន្ត្រីសាធារណៈក្នុងពេលផ្តល់សេវា ដ្បិតប្រាក់បៀវត្សរបស់ពួកគេ មានប្រភពពីការពន្ធរបស់ប្រជាជននោះទេ។ ជាងនេះទៅទៀត លោក ក៏ដាស់តឿនឲ្យពួកគេ មានការប្រុងប្រយ័ត្នពាក់ព័ន្ធនឹងការសន្យាជាមួយនឹងប្រជាជន ជាពិសេសកុំសន្យាជាមួយនឹងសាធារណ ជន ឬក៏ផ្តល់ព័ត៌មានណាមួយដល់ពួកគេ ដែលពុំទាន់មានការឯកភាពពីថ្នាក់លើ។
លោកប្រធានាធិបតីថ្លែងបែបនេះ ដ្បិតលោក មិនចង់ឲ្យប្រជាជនមានការយល់ច្រលំ ថា រដ្ឋាភិបាល មិនបានបំពេញការងារដូចតាមការសន្យា តែតាមពិតបញ្ហាបង្កមកពីមន្ត្រី សន្យា ថាកសាងនេះ ឬកសាងនោះ ទាំងពួកគេ មិនទាន់ដឹងច្បាស់ពីលទ្ធភាព ឬកញ្ចប់ថវិការដ្ឋផង។
គួរជម្រាបផងដែរថា ក្រោយពីបក្សសម្ព័ន្ធជាតិដើម្បីប្រជាធិបតេយ្យ ដែលមានលោកស្រី អ៊ុងសាន ស៊ូជី ជាប្រមុខ ដឹកនាំរដ្ឋាភិបាល បក្សកាន់អំណាចនេះ បានសន្យាកែទម្រង់ប្រតិបត្តិការរបស់នីតិប្រតិបត្តិ ជាពិសេសលើឥរិយាបថមន្ត្រីរដ្ឋាភិបាលតែម្តង។ បញ្ហាពុករលួយ និងភាពអសកម្ម គឺជាផ្នែកដែលរដ្ឋាភិបាលស៊ីវិលមួយនេះ ផ្តោតសំខាន់ក្នុងដំណាក់កាលនៃការកែទម្រង់របស់ខ្លួន៕
Tag:
មីយ៉ាន់ម៉ា
អាស៊ាន
© រក្សាសិទ្ធិដោយ thmeythmey.com
