អ្នកស្រី មាស យឿន អ្នកខេត្តតាកែវ ផ្លាស់ប្ដូរជីវិតថ្មីនៅទឹកដីសៀមរាប តាមរយៈសិប្បកម្មតម្បាញ

ជាតិ

បទយកការណ៍ / បទសម្ភាសន៍

អ្នកស្រី មាស យឿន អ្នកខេត្តតាកែវ ផ្លាស់ប្ដូរជីវិតថ្មីនៅទឹកដីសៀមរាប តាមរយៈសិប្បកម្មតម្បាញ

06, Aug 2018 , 7:59 am

រូបភាព

ដោយ: ថ្មីៗ

សៀមរាប៖ អ្នកស្រី មាស យឿន អាយុ៦២ឆ្នាំ មានស្រុកកំណើតនៅស្រុកបាទី ខេត្តតាកែវ។ អ្នកស្រីបានមកធ្វើការ និងរស់នៅខេត្តសៀមរាបពីឆ្នាំ២០០៤មក ហើយបានបើករោងសិប្បកម្មតម្បាញដោយដៃមួយកន្លែងនៅជិតប្រាសាទព្រះគោ ស្រុកប្រាសាទបាគង។ តម្បាញដោយដៃរបស់អ្នកស្រី មាស យឿន ទទួលបានការគាំទ្រច្រើនពីសំណាក់ភ្ញៀវទេសចរណ៍ ពិសេសទេសចរអឺរ៉ុប។

រោងសិប្បកម្មតម្បាញអ្នកស្រី មាស យឿន មានត្បាញទាំងអំបោះ និងសូត្រ ដែលសរសៃអំបោះ និងសូត្រ ត្រូវបានអ្នកស្រីកម្ម៉ង់ទិញពីភ្នំពេញមក។ អ្នកស្រីសង្កេតឃើញថា បច្ចុប្បន្នមិនមានមនុស្សច្រើនទេ ដែលចាប់អារម្មណ៍ទៅនឹងសិប្បកម្មតម្បាញ ដោយពួកគេងាកទៅធ្វើការនៅក្នុងសណ្ឋាគារ អាចនិយាយបានថា ជាការងារស្រណុកជាង និងស្រួលរកលុយបានច្រើនជាង។

ជាអ្នកស្រុកបាទី និងបានចេះជំនាញតម្បាញតពីម្ដាយតាំងពីនៅតូចៗមក អ្នកស្រី មាស យឿន ចង់ឱ្យកូនខ្មែរបន្តអភិរក្សតម្បាញដោយដៃនេះកុំឱ្យបាត់បង់ទៅថ្ងៃក្រោយ ព្រោះវាជាអត្ដសញ្ញាណមួយរបស់កូនខ្មែរ៕

ព័ត៌មានលម្អិតសូមស្ដាប់បទសម្ភាសរវាងអ្នកសារព័ត៌មានថ្មីៗ និងអ្នកស្រី មាស យឿន ដូចតទៅ