ពីនេះ ពីនោះ
×![]()
ដោយ: ថ្មីៗ
មនុស្សម្នាក់ៗតែងតែមានគោលបំណងសំខាន់សម្រាប់ជីវិតខ្លួន នឹងចង់ធ្វើឲ្យវាជោគជ័យក្នុងពេលណាមួយ។ ប៉ុន្តែមានតែមនុស្សមួយចំនួនតូចប៉ុណ្ណោះ ដែលធ្វើឲ្យក្ដីសម្រៃរបស់ពួកគេបានសម្រេច។ មនុស្សមួយចំនួនធំ មិនអាចធ្វើវាបានដែលបណ្ដាលឲ្យពួកគេជួបនូវជំងឺបាក់ទឹកចិត្ត ជំងឺតបប្រមល់ គិតអ្វីលែងចេញ បាត់បង់ឱកាស មិនចង់ធ្វើអ្វីទៀតដើម្បីសម្រេចគោលដៅរបស់ខ្លួន។
ចូរសួរខ្លួនឯងនូវសំណួរខាងក្រោមនេះ៖
១តើខ្ញុំជាអ្នកណា?
តើខ្ញុំជឿជាក់លើខ្លួនឯងកម្រិតណា ហើយតើខ្ញុំត្រូវផ្លាស់ប្តូរចំណុចអ្វីខ្លះ? ការសួរសំណួរ និងការសង្ស័យលើខ្លួនឯង គឺជាការលើកទឹកចិត្តដ៏មានប្រសិទ្ធភាព។ ហើយកត់ត្រាអ្វីដែលយើងមាន និងអ្វីដែលយើងមិនមាន ហើយចង់ផ្លាស់ប្តូរអ្វី និងចង់បានអ្វីបន្ថែម។ ពេលនោះអ្នកនឹងរកឃើញចំណុចខ្វះខាត និងឱកាសសម្រាប់ខ្លួនឯង ហើយអ្នកនឹងរកឃើញចំណុចដែលត្រូវកែប្រែ វានឹងជួយផ្ដល់កម្លាំងចិត្តដល់អ្នកផងដែរ។
២ តើអ្នកចង់ក្លាយជាអ្វី?
ក្រោយពិនិត្យលើខ្លួនអ្នក ហើយអ្នកនឹងរកឃើញនៅចំណចវិជ្ជមាន និងចំណុចអវិជ្ជមានដែលត្រូវបោះចោល។ អ្នកត្រូវស្វែងរកទិសដៅថា អ្នកចង់បានអ្វី ចង់ធ្វើអ្វី ដោយចាប់ផ្ដើមបង្កើតចក្ខុវិស័យសម្រាប់ខ្លួន ដោយផ្ដោតទៅលើចំណុចវិជ្ជមានជាមុន។
៣ តើខ្ញុំត្រូវធ្វើអ្វីខ្លះ ដើម្បីទៅអោយដល់គោលដៅ
នៅពេលអ្នកជឿលើខ្លួនឯង និងសក្តានុពលរបស់ខ្លួនហើយ។ ចំណុចនេះ និយាយទៅលើសកម្មភាពប្រចាំថ្ងៃរបស់អ្នក ការសិក្សាស្រាវជ្រាវ ការសិក្សាជំនាញបន្ថែម (ជំហ៊ានដែលអ្នកដើរពីមួយថ្ងៃទៅមួយថ្ងៃ)៕
© រក្សាសិទ្ធិដោយ thmeythmey.com
