កីឡាជាតិ
ជាតិ
ម្តាយកីឡាករប្រដាល់ មុត ខ្លឹមខ្មៅ ស្លាប់ដោយសារជំងឺឡើងសម្ពាធឈាមនៅអាយុ៥៥ឆ្នាំ កីឡាករ មុត ខ្លឹមខ្មៅ ត្រូវបានលោក ធន់ សុភា លើកដៃក្រោយយកឈ្នះគូប្រកួតកាលពីពេលកន្លងទៅ
× អ្នកស្រី សាត់ សុផល ម្តាយបង្កើតរបស់កីឡាករប្រដាល់ មុត ខ្លឹមខ្មៅ បានទទួលមរណភាពក្នុងអាយុ៥៥ឆ្នាំ ដោយសារជំងឺឡើងសម្ពាធឈាមនៅថ្ងៃទី៨ ខែសីហា ឆ្នាំ២០១៨។ អ្នកស្រី សាត់ សុផល បានសម្រាកព្យាបាលនៅមន្ទីរពេទ្យមិត្តភាពខ្មែរសូវៀត ឬមន្ទីរពេទ្យរុស្ស៊ី ក្រោមលក្ខខណ្ឌបណ្ណក្រីក្របានប្រមាណ១សប្តាហ៍ ក៏ត្រូវបានបញ្ជូនត្រឡប់ទៅផ្ទះវិញ ដោយសារជំងឺមានស្ថានភាពធ្ងន់ធ្ងរពេក។
ស្ថិតក្នុងគ្រួសារមានជីវភាពខ្វះខាត ដែលមានកូន៥នាក់(ប្រុស៣នាក់) អ្នកស្រី សាត់ សុផល បានកើតជំងឺឡើងសម្ពាធឈាមជាយូរមកហើយ។ តែជំងឺនេះ បានវិវត្តទៅរកស្ថានភាពធ្ងន់ធ្ងរក្នុងរយៈពេលប៉ុន្មានសប្តាហ៍ចុងក្រោយនេះ។ បច្ចុប្បន្នសពរបស់ម្តាយកីឡាករ មុត ខ្លឹមខ្មៅ កំពុងតម្កល់ធ្វើបុណ្យនៅភូមិពោធិ៍រាជ ឃុំអណ្តូងស្នាយ ស្រុករលាប្អៀរ ខេត្តកំពង់ឆ្នាំង។
បើយោងតាមកីឡាករប្រដាល់ រឿង សោភ័ណ្ឌ ដែលបានទៅចូលរួមពិធីបុណ្យសពផ្ទាល់នៅខេត្តកំពង់ឆ្នាំងកាលពីព្រឹកថ្ងៃទី៨ ខែសីហា ឆ្នាំ២០១៨ ក្រុមគ្រួសាររបស់កីឡាករ មុត ខ្លឹមខ្មៅ កំពុងជួបបញ្ហាមួយទៀត គឺខ្វះខាតថវិការៀបចំពិធីបុណ្យសព។ ដូច្នេះ រឿង សោភ័ណ្ឌ តំណាងឲ្យគ្រួសារ ខ្លឺមខ្មៅ បានចេញមុខអំពាវនាវរកជំនួយពីសប្បុរសជន ដើម្បីជួយសម្រាលការចំណាយ៕
Tag:
ប្រដាល់
មុត ខ្លឹមខ្មៅ
© រក្សាសិទ្ធិដោយ thmeythmey.com