ពីនេះ ពីនោះ
តើ «អាកប្បកិរិយា» និង«ឥរិយាបថ» មានន័យខុសគ្នាដូចម្តេច?
× និយាយមែនទែនទៅ ពាក្យពីរនេះ ប្រាកដជាសាធារណជន នៅច្រឡំន័យគ្នានៅឡើយ។ បើផ្អែកតាមសន្ទានុក្រមសទិសន័យរបស់សម្តេចព្រះសង្ឃរាជ ជួន ណាត បានពន្យល់ដូចខាងក្រោម៖
«អាកប្បកិរិយា» មានថ្នាក់ពាក្យ ជានាម មានន័យថា ឫកពារ អាការនៃរាងកាយ,ដំណើរ ឬលំនាំនៃរាងកាយ។ ជាទូទៅ អាកប្បកិរិយា ស្តែងចេញតាមរយៈ មនុស្សដែលមានក្រុមសីលធម៌ល្អ ឬអាក្រក់។ ឧទាហរណ៍៖ មនុស្សនោះមានអាកប្បកិរិយារម្យទមល្អណាស់ គួរឲ្យចង់រាប់អាន។ ចំណែកឯមនុស្សនោះវិញ មានអាកប្បកិរិយាមិនសមរម្យទេ ហើយគួរឲ្យស្អប់។
ដោយឡែក«ឥរិយាបថ» សម្រាប់បង្ហាញពី ទង្វើ និងសកម្មភាពជាក់ស្តែង ដូចជា ដេក ដើរ ឈរ អង្គុយ ជាដើម។ ឧទាហរណ៍៖ ម្នាក់នោះមានឥរិយាបថមិនសមរម្យសោះ ទាំងកាយវិការ និងនិយាយស្តី៕
© រក្សាសិទ្ធិដោយ thmeythmey.com