ជម្រើសជាតិកម្ពុជា៖ លោក Felix ជាគ្រូបង្វឹក ហើយត្រូវធ្វើការផ្ទាល់ជាមួយលោក Honda

កីឡាជាតិ

ជាតិ

ជម្រើសជាតិកម្ពុជា៖ លោក Felix ជាគ្រូបង្វឹក ហើយត្រូវធ្វើការផ្ទាល់ជាមួយលោក Honda

14, Aug 2018 , 9:19 pm

រូបភាព

លោក Felix នាសន្និសីទសារព័ត៌មានជាមួយលោក Honda និងនៅពេលជាកីឡាករក្លិប Sagawa Printing SC

ដោយ: រួបរួម

ជាកីឡាករដែលលេងនៅអូស្ត្រាលីផង និងជាអ្នកចាត់ការទូទៅក្រុមជម្រើសជាតិកម្ពុជាផង លោក Keisuke Honda មិនអាចបែងភាគបាននោះឡើយ។ កីឡាករលំដាប់អន្តរជាតិជប៉ុនរូបនេះ នឹងដឹកនាំបច្ចេកទេសបង្វឹកក្រុមជម្រើសជាតិកម្ពុជា តាមរយៈ Video Conference រៀងរាល់សប្តាហ៍ បន្ទាប់ពីលោកទំនេរពីការប្រកួតសម្រាប់ Melbourne Victory។ អ្នកដែលត្រូវដឹកនាំផ្ទាល់នោះ គឺលោក Felix Gonzalez Dalmas គ្រូបង្វឹកជនជាតិអាហ្សង់ទីន។

លោក Keisuke Honda គឺជាអ្នកចាត់ការទូទៅ (GM) រីឯលោក Felix Gonzalez Dalmas គឺជាគ្រូបង្វឹកផ្ទាល់ (Head Coach)។ លោក ខៀវ សាម៉េត អនុប្រធានសហព័ន្ធកីឡាបាល់ទាត់កម្ពុជា (FFC) បានបញ្ជាក់យ៉ាងដូច្នេះ ប្រាប់ដល់សារព័ត៌មាន ThmeyThmey។

តើលោក Felix Gonzalez Dalmas ជានរណា? មិនមានព័ត៌មានច្រើននោះឡើយទាក់ទងនឹងគ្រូបង្វឹកវ័យ៣០ឆ្នាំរូបនេះ។ តាមការផ្សាយរបស់សារព័ត៌មានមួយចំនួននៅជប៉ុន លោក Felix ដែលមានកំណើតនៅក្រុង Buenos Aires មានសញ្ញាបត្រគ្រូបង្វឹកត្រឹមត្រូវ និងធ្លាប់ប្រកបអាជីពនៅក្លិបលំដាប់ទាបមួយចំនួននៅជប៉ុន ដូចជា Sagawa Printing SC និង AS.Laranja Kyoto ជាដើម៕